ਈਰਾਨ ਵੱਲੋਂ 3 ਯੂਕਰੇਨੀ ਜਾਸੂਸ ਗ੍ਰਿਫ਼ਤਾਰ! ਡਰੋਨ ਫੈਕਟਰੀ ''ਤੇ ਹਮਲਾ ਕਰਨ ਦੀ ਸੀ ਤਿਆਰੀ, ਮਿਲੇਗੀ ਫਾਂਸੀ

ਵੈੱਬ ਡੈਸਕ : ਈਰਾਨ ਦੀ ਸਰਕਾਰੀ ਨਿਊਜ਼ ਏਜੰਸੀ ਤਸਨੀਮ ਨੇ ਰਿਪੋਰਟ ਦਿੱਤੀ ਹੈ ਕਿ ਈਰਾਨੀ ਖੁਫੀਆ ਏਜੰਸੀਆਂ (IRGC) ਨੇ ਤਿੰਨ ਯੂਕਰੇਨੀ ਜਾਸੂਸਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਉਨ੍ਹਾਂ 'ਤੇ ਇਸਫਾਹਨ 'ਚ ਸਥਿਤ ਇੱਕ ਡਰੋਨ ਨਿਰਮਾਣ ਪਲਾਂਟ 'ਤੇ ਹਮਲਾ ਕਰਨ ਦੀ ਸਾਜ਼ਿਸ਼ ਰਚਣ ਦਾ ਦੋਸ਼ ਹੈ। ਦੋਸ਼ੀਆਂ ਨੂੰ ਇਸਫਾਹਨ ਦੇ ਨੇੜੇ ਫੜਿਆ ਗਿਆ, ਜਿੱਥੇ ਉਹ ਡਰੋਨ ਫੈਕਟਰੀ ਨੂੰ ਨਿਸ਼ਾਨਾ ਬਣਾਉਣ ਦੀ ਤਿਆਰੀ ਕਰ ਰਹੇ ਸਨ। ਰਿਪੋਰਟਾਂ ਵਿੱਚ, ਇਨ੍ਹਾਂ ਨੂੰ ਜਾਸੂਸੀ ਅਧਿਕਾਰੀ ਦੱਸਿਆ ਜਾ ਰਿਹਾ ਹੈ, ਜੋ ਕਥਿਤ ਤੌਰ 'ਤੇ ਹਥਿਆਰਬੰਦ ਸਨ।

ਇਰਾਕ 'ਚ ਸਜ਼ਾ ਦਾ ਐਲਾਨ?
IRGC ਦਾ ਦਾਅਵਾ ਹੈ ਕਿ ਸਿਖਰਲੀ ਅਦਾਲਤ ਨੇ ਦੋਸ਼ੀ ਜਾਸੂਸਾਂ ਨੂੰ ਮੌਤ ਦੀ ਸਜ਼ਾ ਸੁਣਾਈ ਹੈ, ਜਿਸ ਨੂੰ ਦੋ ਹਫ਼ਤਿਆਂ ਦੇ ਅੰਦਰ ਲਾਗੂ ਕੀਤਾ ਜਾ ਸਕਦਾ ਹੈ। ਯੂਕਰੇਨ ਦੀ ਸਰਕਾਰ ਨੇ ਅਜੇ ਤੱਕ ਇਸ ਮਾਮਲੇ 'ਤੇ ਕੋਈ ਅਧਿਕਾਰਤ ਜਵਾਬ ਨਹੀਂ ਦਿੱਤਾ ਹੈ। ਇਸ ਗ੍ਰਿਫਤਾਰੀ ਨੂੰ ਮੱਧ ਪੂਰਬ 'ਚ ਵਧ ਰਹੀ ਜਾਸੂਸੀ ਨਾਲ ਭਰੀ ਸ਼ੀਤ ਯੁੱਧ ਦਾ ਹਿੱਸਾ ਮੰਨਿਆ ਜਾਂਦਾ ਹੈ। ਹਾਲ ਹੀ 'ਚ, ਇਜ਼ਰਾਈਲ ਤੇ ਈਰਾਨ ਵਿਚਕਾਰ ਡਰੋਨ ਤੇ ਮਿਜ਼ਾਈਲ ਹਮਲਿਆਂ ਦੀ ਲੜਾਈ ਹੋਈ ਹੈ, ਜਿਸ ਨਾਲ ਖੇਤਰੀ ਤਣਾਅ ਤੇ ਜਾਸੂਸੀ 'ਚ ਵਾਧਾ ਹੋਇਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e