ਦੁਖਦਾਇਕ ਖ਼ਬਰ : ਪਾਇਲਟ ਦੀ ਟ੍ਰੇਨਿੰਗ ਦੌਰਾਨ ਭਾਰਤੀ ਵਿਦਿਆਰਥੀ ਦੀ ਫਿਲੀਪੀਨਜ਼ ''ਚ ਹੋਈ ਦਰਦਨਾਕ ਮੌਤ

ਮਨੀਲਾ (ਆਈ.ਏ.ਐੱਨ.ਐੱਸ)- ਫਿਲੀਪੀਨਜ਼ ਵਿੱਚ ਇੱਕ ਛੋਟਾ ਜਹਾਜ਼ ਹਾਦਸਾਗ੍ਰਸਤ ਹੋਣ ਦੀ ਜਾਣਕਾਰੀ ਸਾਹਮਣੇ ਆਈ ਹੈ। ਇਸ ਹਾਦਸੇ ਵਿੱਚ ਇੱਕ ਭਾਰਤੀ ਵਿਦਿਆਰਥੀ ਪਾਇਲਟ ਅਤੇ ਉਸਦੇ ਫਿਲੀਪੀਨੋ ਟ੍ਰੇਨਰ ਦੀ ਮੌਤ ਹੋ ਗਈ। ਅਧਿਕਾਰੀਆਂ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਦੱਸਿਆ ਕਿ ਦੋ ਸੀਟਾਂ ਵਾਲਾ ਜਹਾਜ਼ ਅਪਯਾਓ ਸੂਬੇ 'ਚ ਹਾਦਸਾਗ੍ਰਸਤ ਹੋ ਗਿਆ, ਜਿਸ 'ਚ ਦੋ ਲੋਕਾਂ ਦੀ ਮੌਤ ਹੋ ਗਈ। 

ਬਚਾਅ ਕਰਮਚਾਰੀ ਹਾਦਸੇ ਵਾਲੀ ਥਾਂ ਤੋਂ ਕੈਪਟਨ ਅਡਜ਼ਲ ਜੌਨ ਲੂੰਬਾਓ ਤਾਬੂਜੋ ਅਤੇ ਵਿਦਿਆਰਥੀ ਪਾਇਲਟ ਅੰਸ਼ੁਮ ਰਾਜਕੁਮਾਰ ਕੋਂਡੇ ਦੀਆਂ ਲਾਸ਼ਾਂ ਨੂੰ ਨਹੀਂ ਕੱਢ ਸਕੇ। ਸਥਾਨਕ ਮੀਡੀਆ ਮੁਤਾਬਕ ਈਕੋ ਏਅਰ ਸੇਸਨਾ 152 ਜਹਾਜ਼ ਨੇ ਮੰਗਲਵਾਰ ਦੁਪਹਿਰ 12:16 ਵਜੇ ਲਾਓਗ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਉਡਾਣ ਭਰੀ। ਇਸ ਤੋਂ ਬਾਅਦ ਉਸ ਦਾ ਸੰਪਰਕ ਟੁੱਟ ਗਿਆ ਅਤੇ ਉਹ ਲਾਪਤਾ ਹੋ ਗਿਆ। ਇਸ ਨੇ ਦੁਪਹਿਰ 3:16 'ਤੇ ਤੁਗੁਗੇਰਾਓ ਹਵਾਈ ਅੱਡੇ 'ਤੇ ਪਹੁੰਚਣਾ ਸੀ। ਜਹਾਜ਼ ਦਾ ਮਲਬਾ ਬੁੱਧਵਾਰ ਦੁਪਹਿਰ ਨੂੰ ਅਪਾਇਆਓ ਸੂਬੇ 'ਚ ਮਿਲਿਆ।

ਪੜ੍ਹੋ ਇਹ ਅਹਿਮ ਖ਼ਬਰ-ਆਸਟ੍ਰੇਲੀਆ 'ਚ ਸੜਕ ਹਾਦਸੇ 'ਚ ਮਰਨ ਵਾਲੇ ਭਾਰਤੀ ਦੀ ਹੋਈ ਪਛਾਣ, ਮਾਪਿਆਂ ਦਾ ਸੀ ਇਕਲੌਤਾ ਪੁੱਤ

ਫਿਲੀਪੀਨਜ਼ ਦੀ ਨਾਗਰਿਕ ਹਵਾਬਾਜ਼ੀ ਅਥਾਰਟੀ (ਸੀਏਏਪੀ) ਨੇ ਕਿਹਾ ਕਿ ਇੱਕ ਖੋਜ ਟੀਮ ਨੇ ਬੁੱਧਵਾਰ ਨੂੰ ਉੱਤਰੀ ਅਪਿਆਓ ਸੂਬੇ ਵਿੱਚ ਲਾਪਤਾ ਸੇਸਨਾ 152 ਛੋਟੇ ਜਹਾਜ਼ ਦਾ ਮਲਬਾ ਲੱਭ ਲਿਆ। ਸੀਏਏਪੀ ਦੇ ਬੁਲਾਰੇ ਐਰਿਕ ਅਪੋਲੋਨੀਓ ਨੇ ਕਿਹਾ ਕਿ ਜਹਾਜ਼ ਵਿੱਚ ਸਵਾਰ ਦੋ ਵਿਅਕਤੀਆਂ ਦੀਆਂ ਲਾਸ਼ਾਂ ਨੂੰ ਕੱਢਣ ਲਈ ਕਾਰਵਾਈ ਜਾਰੀ ਹੈ। ਫਿਲੀਪੀਨਜ਼ ਦੀ ਸਿਵਲ ਐਵੀਏਸ਼ਨ ਅਥਾਰਟੀ (CAAP) ਨੇ ਕਿਹਾ ਕਿ ਜਹਾਜ਼ ਤੋਂ ਆਖਰੀ ਸਿਗਨਲ ਪ੍ਰਸਾਰਣ ਅਲਕਾਲਾ, ਕਾਗਯਾਨ ਤੋਂ 35 ਸਮੁੰਦਰੀ ਮੀਲ ਉੱਤਰ-ਪੱਛਮ ਵਿੱਚ ਪ੍ਰਾਪਤ ਕੀਤਾ ਗਿਆ ਸੀ। ਇਸ ਦੌਰਾਨ ਫਿਲੀਪੀਨਜ਼ ਦੀ ਸਿਵਲ ਐਵੀਏਸ਼ਨ ਅਥਾਰਟੀ ਨੇ ਜਹਾਜ਼ ਦੇ ਆਪਰੇਟਰ, ਈਕੋ ਏਅਰ ਇੰਟਰਨੈਸ਼ਨਲ ਏਵੀਏਸ਼ਨ ਅਕੈਡਮੀ ਦੇ ਸੰਚਾਲਨ ਨੂੰ ਮੁਅੱਤਲ ਕਰ ਦਿੱਤਾ। ਜਾਂਚ ਪੂਰੀ ਹੋਣ ਤੱਕ ਫਲਾਇੰਗ ਸਕੂਲ ਦਾ ਕੰਮਕਾਜ ਮੁਅੱਤਲ ਰਹੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।