ਭਾਰਤੀ ਮੂਲ ਦੇ ਪ੍ਰੋਫ਼ੈਸਰ ਬਣੇ ਆਕਸਫੋਰਡ ਯੂਨੀਵਰਸਿਟੀ ਦੇ ਬਿਜ਼ਨੈੱਸ ਸਕੂਲ ਦੇ ਡੀਨ

ਲੰਡਨ-ਆਕਸਫੋਰਡ ਯੂਨੀਵਰਸਿਟੀ ਨੇ ਭਾਰਤੀ ਮੂਲ ਦੇ ਅਕਾਦਮਿਕ ਪ੍ਰੋਫੈਸਰ ਸੌਮਿਤਰ ਦੱਤਾ ਨੂੰ ਆਪਣੇ 'ਸਈਦ ਬਿਜ਼ਨੈੱਸ ਸਕੂਲ' ਦਾ ਨਵਾਂ ਡੀਨ ਨਿਯੁਕਤ ਕੀਤਾ ਗਿਆ ਹੈ। ਯੂਨੀਵਰਸਿਟੀ ਨੇ ਬੁੱਧਵਾਰ ਨੂੰ ਜਾਣਕਾਰੀ ਦਿੱਤੀ ਕਿ ਪ੍ਰੋਫੈਸਰ ਦੱਤਾ ਇਸ ਸਾਲ ਇਕ ਜੂਨ ਨੂੰ ਆਪਣਾ ਨਵਾਂ ਅਹੁਦਾ ਸੰਭਾਲਣਗੇ। ਉਹ ਵਰਤਮਾਨ 'ਚ ਨਿਊਯਾਰਕ 'ਚ ਕਾਰਨੇਲ ਯੂਨੀਵਰਸਿਟੀ 'ਚ 'ਕਾਰਨੇਲ ਆਕਸਫੋਰਡ ਯੂਨੀਵਰਸਿਟੀ 'ਚ ਸਈਦ ਬਿਜ਼ਨੈੱਸ' 'ਚ ਪ੍ਰਬੰਧਨ ਦੇ ਪ੍ਰੋਫੈਸਰ ਹਨ।

ਇਹ ਵੀ ਪੜ੍ਹੋ : ਸੂਡਾਨ ਦੇ ਸੁਰੱਖਿਆ ਬਲਾਂ ਨੇ ਪ੍ਰਦਰਸ਼ਨਕਾਰੀਆਂ 'ਤੇ ਦਾਗੇ ਹੰਝੂ ਗੈਸ ਦੇ ਗੋਲੇ

ਦੱਤਾ ਨੇ ਕਿਹਾ ਕਿ ਮੈਂ ਆਕਸਫੋਰਡ ਯੂਨੀਵਰਸਿਟੀ 'ਚ ਸਈਦ ਬਿਜ਼ਨੈੱਸ ਸਕੂਲ 'ਚ ਸ਼ਾਮਲ ਹੋਣ 'ਤੇ ਖੁਸ਼ ਹਾਂ। ਮੇਰੀ ਬੇਟੀ ਸਾਰਾ ਨੇ ਆਕਸਫੋਰਡ ਤੋਂ ਗ੍ਰੈਜੂਏਟ ਕੀਤੀ ਹੈ ਅਤੇ ਮੇਰੀ ਪਤਨੀ ਲੂਰਡੇਸ ਅਤੇ ਮੈਂ ਦੋਵਾਂ ਨੇ ਆਕਸਫੋਰਡ 'ਚ ਛੁੱਟੀ ਦੇ ਤੌਰ 'ਤੇ ਛੇ ਮਹੀਨੇ ਬਿਤਾਏ ਹਨ। ਅਸੀਂ ਦੋਵੇਂ ਇਸ ਵੰਨ-ਸੁਵੰਨੇ, ਰੋਮਾਂਚਕ ਅਤੇ ਨਵੀਨਤਾਕਾਰੀ ਸਮੂਹ ਦਾ ਹਿੱਸਾ ਬਣਨ ਲਈ ਉਤਸੁਕ ਹਾਂ। ਉਨ੍ਹਾਂ ਨੇ ਕਿਹਾ ਕਿ ਸਕੂਲ ਦੇ ਡੀਨ ਦੇ ਰੂਪ 'ਚ ਨਿਯੁਕਤ ਹੋਣਾ ਇਕ ਸਨਮਾਨ ਦੀ ਗੱਲ ਹੈ, ਇਹ ਦੁਨੀਆ ਦੇ ਸਭ ਤੋਂ ਮਹਾਨ ਯੂਨੀਵਰਸਿਟੀਆਂ 'ਚੋਂ ਇਕ ਦੇ ਅੰਦਰ ਸਥਿਤੀ ਇਕ ਵਿਲੱਖਣ ਸੰਸਥਾ ਹੈ।

ਇਹ ਵੀ ਪੜ੍ਹੋ : ਫਾਜ਼ਿਲਕਾ 'ਚ ਕੋਰੋਨਾ ਦੇ 58 ਨਵੇਂ ਮਾਮਲੇ ਆਏ ਸਾਹਮਣੇ

ਮੈਂ ਆਕਸਫੋਰਡ ਸਈਦ ਬਿਜ਼ਨੈੱਸ ਸਕੂਲ ਅਤੇ ਪੂਰੇ ਆਕਸਫੋਰਡ 'ਚ ਸਹਿਯੋਗੀਆਂ, ਵਿਦਿਆਰਥੀਆਂ ਅਤੇ ਸਾਬਕਾ ਵਿਦਿਆਰਥੀਆਂ ਨਾਲ ਸਹਿਯੋਗ ਕਰਨ ਲਈ ਬਹੁਤ ਉਤਸੁਕ ਹਾਂ ਤਾਂ ਕਿ ਇਸ ਬਿਜ਼ਨੈੱਸ ਸਕੂਲ ਨੂੰ ਉੱਚ ਪੱਧਰ 'ਤੇ ਲਿਜਾਇਆ ਜਾ ਸਕੇ। ਆਕਸਫੋਰਡ ਯੂਨਵਰਸਿਟੀ ਦੇ ਪ੍ਰੋਫ਼ੈਸਰ ਲੁਈਸ ਰਿਚਰਡਸਨ ਨੇ ਕਿਹਾ ਕਿ ਮੈਨੂੰ ਖ਼ੁਸ਼ੀ ਹੈ ਕਿ ਪ੍ਰੋਫੈਸਰ ਦੱਤਾ ਨੇ ਸਈਦ ਬਿਜ਼ਨੈੱਸ ਸਕੂਲ ਦੇ ਅਗਲੇ ਡੀਨ ਬਣਨ ਦੇ ਸਾਡੇ ਪ੍ਰਸਤਾਵ ਨੂੰ ਸਵੀਕਾਰ ਕਰ ਲਿਆ ਹੈ। ਉਨ੍ਹਾਂ ਕੋਲ ਇਕ ਗਲੋਬਲ ਪਰਿਪੇਖ, ਵਿਆਪਕ ਅਨੁਭਵ ਅਤੇ ਤਕਨਾਲੋਜੀ ਅਤੇ ਵਪਾਰਕ ਸਿੱਖਿਆ ਦਾ ਡੂੰਘਾ ਗਿਆਨ ਹੈ। ਮੈਂ ਉਨ੍ਹਾਂ ਨਾਲ ਕੰਮ ਕਰਨ ਲਈ ਉਤਸੁਕ ਹਾਂ। ਦੱਤਾ ਦੀ ਨਿਯੁਕਤੀ ਪ੍ਰੋਫ਼ੈਸਰ ਪੀਟਰ ਟੁਫਨੇ ਦੇ ਸਥਾਨ 'ਤੇ ਹੋਈ। ਟੁਫਾਨੋ ਨੇ 10 ਸਾਲ ਤੱਕ ਆਪਣੀ ਸੇਵਾ ਦੇਣ ਤੋਂ ਬਾਅਦ ਜੂਨ 2021 'ਚ ਆਪਣਾ ਅਹੁਦਾ ਛੱਡ ਦਿੱਤਾ ਸੀ।

ਇਹ ਵੀ ਪੜ੍ਹੋ :  ਸਪਾ-RLD ਨੇ ਮਿਲ ਕੇ ਜਾਰੀ ਕੀਤੀ 29 ਉਮੀਦਵਾਰਾਂ ਦੀ ਪਹਿਲੀ ਸੂਚੀ

ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।