ਨੇਪਾਲ 'ਚ ਅੰਨਪੂਰਨਾ ਮਾਊਂਟ 'ਤੇ ਭਾਰਤੀ ਪਰਬਤਾਰੋਹੀ ਲਾਪਤਾ, ਭਾਲ ਜਾਰੀ

ਕਾਠਮੰਡੂ (ਏਜੰਸੀ)- ਨੇਪਾਲ 'ਚ ਇਕ ਭਾਰਤੀ ਪਰਬਤਾਰੋਹੀ ਅੰਨਪੂਰਨਾ ਪਰਬਤ ਦੇ ਕੈਂਪ III ਤੋਂ ਹੇਠਾਂ ਪਰਤਦੇ ਸਮੇਂ ਉਦੋਂ ਲਾਪਤਾ ਹੋ ਗਿਆ, ਜਦੋਂ ਉਹ ਸੋਮਵਾਰ ਦੁਪਹਿਰ ਕੈਂਪ 4 ਤੋਂ ਵਾਪਸ ਪਰਤਦੇ ਸਮੇਂ ਇਕ ਕ੍ਰੇਵੇਸ 'ਚ ਡਿੱਗ ਪਿਆ। ਉਸ ਦੇ ਮੁਹਿੰਮ ਪ੍ਰਬੰਧਕ ਦੇ ਇਕ ਅਧਿਕਾਰੀ ਨੇ ਆਈਏਐਨਐਸ ਨੂੰ ਇਸ ਸਬੰਧੀ ਪੁਸ਼ਟੀ ਕੀਤੀ। ਸੇਵਨ ਸਮਿਟ ਟ੍ਰੇਕਸ ਦੇ ਚੇਅਰਮੈਨ ਮਿੰਗਮਾ ਸ਼ੇਰਪਾ ਨੇ ਹਿਮਾਲੀਅਨ ਟਾਈਮਜ਼ ਨੂੰ ਦੱਸਿਆ ਕਿ ਭਾਰਤ ਦੇ ਰਾਜਸਥਾਨ ਦੇ ਕਿਸ਼ਨਗੜ੍ਹ ਦਾ ਰਹਿਣ ਵਾਲਾ ਅਨੁਰਾਗ ਮਾਲੂ (34) ਕੈਂਪ III ਤੋਂ ਉਤਰਦੇ ਸਮੇਂ ਲਗਭਗ 6,000 ਮੀਟਰ ਤੋਂ ਹੇਠਾਂ ਡਿੱਗਣ ਤੋਂ ਬਾਅਦ ਲਾਪਤਾ ਹੋ ਗਿਆ। ਸੇਵਨ ਸਮਿਟ ਟ੍ਰੇਕਸ ਦੇ ਇੱਕ ਅਧਿਕਾਰੀ ਨੇ ਵੀ ਆਈਏਐਨਐਸ ਨੂੰ ਪੁਸ਼ਟੀ ਕੀਤੀ ਕਿ ਮੱਲੋ ਸੋਮਵਾਰ ਸਵੇਰ ਤੋਂ ਲਾਪਤਾ ਹੈ ਅਤੇ ਉਸ ਦਾ ਪਤਾ ਅਜੇ ਨਹੀਂ ਲੱਗ ਸਕਿਆ ਹੈ।

ਅਨੁਰਾਗ ਮਾਲੂ ਨੇ ਪਿਛਲੇ ਸਾਲ ਹੀ ਮਾਊਂਟ ਅਮਾ ਡਬਲਮ 'ਤੇ ਸਫਲਤਾਪੂਰਵਕ ਚੜ੍ਹਾਈ ਕੀਤੀ ਸੀ ਅਤੇ ਉਹ ਮਾਊਂਟ ਐਵਰੈਸਟ, ਅੰਨਪੂਰਨਾ ਅਤੇ ਲਹੋਤਸੇ 'ਤੇ ਚੜ੍ਹਨ ਦੀ ਯੋਜਨਾ ਬਣਾ ਰਿਹਾ ਸੀ ਜੋ ਕਿ ਇਸ ਸੀਜ਼ਨ ਵਿੱਚ ਨੇਪਾਲ ਵਿੱਚ ਸਥਿਤ ਹਨ। ਮਾਲੂ ਨੂੰ ਪਹਿਲਾਂ REX ਕਰਮਵੀਰ ਚੱਕਰ ਨਾਲ ਸਨਮਾਨਿਤ ਕੀਤਾ ਗਿਆ ਸੀ ਅਤੇ ਭਾਰਤ ਤੋਂ 2041 ਅੰਟਾਰਕਟਿਕ ਯੂਥ ਅੰਬੈਸਡਰ ਬਣਿਆ ਸੀ। ਭਾਰਤੀ ਮੀਡੀਆ ਰਿਪੋਰਟਾਂ ਅਨੁਸਾਰ ਉਸਨੇ ਪਹਾੜਾਂ 'ਤੇ ਚੜ੍ਹਨ ਲਈ ਮਸ਼ਹੂਰ ਪਰਬਤਾਰੋਹੀ ਬਚੇਂਦਰੀ ਪਾਲ ਦੀ ਅਗਵਾਈ ਅਤੇ ਸਲਾਹ ਲਈ। ਸ਼ੇਰਪਾ ਨੇ ਕਿਹਾ ਕਿ "ਲਾਪਤਾ ਪਰਬਤਾਰੋਹੀ ਦਾ ਪਤਾ ਲਗਾਉਣ ਲਈ ਇੱਕ ਹਵਾਈ ਖੋਜ ਕੀਤੀ ਗਈ ਹੈ,"। ਸ਼ੇਰਪਾ ਨੇ ਅੱਗੇ ਕਿਹਾ ਕਿ ਉਸਦੀ ਸਥਿਤੀ ਅਜੇ ਵੀ ਅਣਜਾਣ ਹੈ। 

ਪੜ੍ਹੋ ਇਹ ਅਹਿਮ ਖ਼ਬਰ-ਪੰਜਾਬੀਆਂ ਨੂੰ ਨਵੇਂ ਤਰੀਕੇ ਭਰਮਾਉਣ ਲੱਗੇ 'ਠੱਗ', ਬ੍ਰਿਟੇਨ ਦੇ ਗੁਰਦੁਆਰਾ ਸਾਹਿਬ ਦੇ ਨਾਂ 'ਤੇ ਇਸ਼ਤਿਹਾਰ ਜਾਰੀ

ਅਨੁਰਾਗ ਨੇ ਕੈਂਪ IV 'ਤੇ ਪਹੁੰਚਣ ਤੋਂ ਬਾਅਦ ਆਪਣੀ ਚੜ੍ਹਾਈ ਛੱਡ ਦਿੱਤੀ। ਅਨੁਰਾਗ ਸੰਯੁਕਤ ਰਾਸ਼ਟਰ ਗਲੋਬਲ ਟੀਚਿਆਂ (#ClimbingForSDGs) ਨੂੰ ਪ੍ਰਾਪਤ ਕਰਨ ਲਈ ਜਾਗਰੂਕਤਾ ਪੈਦਾ ਕਰਨ ਅਤੇ ਕਾਰਵਾਈ ਕਰਨ ਲਈ 8000m ਤੋਂ ਉੱਪਰ ਦੀਆਂ ਸਾਰੀਆਂ 14 ਚੋਟੀਆਂ ਅਤੇ ਸੱਤ ਸਿਖਰਾਂ 'ਤੇ ਚੜ੍ਹਨ ਦੇ ਮਿਸ਼ਨ 'ਤੇ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਹਫਤੇ ਬੁੱਧਵਾਰ ਨੂੰ ਹੀ ਤਿੰਨ ਸ਼ੇਰਪਾ ਮਾਊਂਟ ਐਵਰੈਸਟ 'ਚ ਦੱਬੇ ਗਏ ਸਨ। ਅਧਿਕਾਰੀਆਂ ਅਨੁਸਾਰ ਕੈਂਪ 1 ਤੋਂ 5,700 ਮੀਟਰ ਦੀ ਉਚਾਈ 'ਤੇ ਪਹਾੜ ਤੋਂ ਹੇਠਾਂ 50 ਮੀਟਰ ਤੋਂ ਵੱਧ ਦੀ ਵੱਡੀ ਬਰਫ਼ ਦੀ ਚਾਦਰ ਡਿੱਗਣ ਤੋਂ ਬਾਅਦ ਤਿੰਨ ਗਾਈਡ ਦੱਬ ਗਏ। ਅਧਿਕਾਰੀਆਂ ਨੇ ਕਿਹਾ ਕਿ ਤਿੰਨ ਸ਼ੇਰਪਾਆਂ ਦਾ ਅਜੇ ਪਤਾ ਨਹੀਂ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।