ਭਾਰਤੀ-ਅਮਰੀਕੀ ਸੰਸਦ ਮੈਂਬਰ 'ਥਾਣੇਦਾਰ' ਦਾ ਵਿਰੋਧੀ ਪ੍ਰਾਇਮਰੀ ਲਈ ਅਯੋਗ ਐਲਾਨ

ਵਾਸ਼ਿੰਗਟਨ (ਭਾਸ਼ਾ): ਭਾਰਤੀ-ਅਮਰੀਕੀ ਸੰਸਦ ਮੈਂਬਰ ਸ੍ਰੀ ਥਾਣੇਦਾਰ ਦੀ ਪ੍ਰਤੀਨਿਧ ਸਭਾ ਲਈ ਚੋਣ ਮੁਹਿੰਮ ਨੂੰ ਵੱਡਾ ਹੁਲਾਰਾ ਮਿਲਿਆ ਹੈ ਕਿਉਂਕਿ ਉਨ੍ਹਾਂ ਦੇ ਮੁੱਖ ਵਿਰੋਧੀ ਐਡਮ ਹੋਲੀਅਰ ਨੂੰ ਵੋਟਰਾਂ ਦੇ ਲੋੜੀਂਦੇ ਯੋਗ ਹਸਤਾਖਰ ਨਾ ਮਿਲਣ ਕਾਰਨ ਪ੍ਰਾਇਮਰੀ ਦੌੜ ਲਈ ਅਯੋਗ ਕਰਾਰ ਦੇ ਦਿੱਤਾ ਗਿਆ ਹੈ। ਵੇਨ ਕਾਉਂਟੀ ਕਲਰਕ ਕੈਥੀ ਗੈਰੇਟ ਨੇ ਇਸ ਹਫ਼ਤੇ ਸ਼ੈਰਿਫ ਨੂੰ ਇੱਕ ਪੱਤਰ ਵਿੱਚ ਲਿਖਿਆ,"ਮੈਂ ਸਟਾਫ ਦੀ ਸਿਫ਼ਾਰਿਸ਼ ਦੇ ਬਾਅਦ ਇਸ ਸਿੱਟੇ 'ਤੇ ਪਹੁੰਚਿਆ ਹਾਂ ਕਿ ਨਾਮਜ਼ਦਗੀ ਪਟੀਸ਼ਨਾਂ ਦੀ ਗਿਣਤੀ ਘੱਟ ਹੋਣ ਕਾਰਨ ਐਡਮ ਹੋਲੀਅਰ ਦਾ ਨਾਮ ਯੂ.ਐਸ. ਪ੍ਰਤੀਨਿਧੀ ਸਭਾ ਤੋਂ 13ਵੇਂ ਜ਼ਿਲ੍ਹੇ ਲਈ 6 ਅਗਸਤ, 2024 ਨੂੰ ਹੋਣ ਵਾਲੀ ਪ੍ਰਾਇਮਰੀ ਲਈ ਸ਼ਾਮਲ ਨਹੀਂ ਕੀਤਾ ਜਾ ਸਕਦਾ।" 

ਪੜ੍ਹੋ ਇਹ ਅਹਿਮ ਖ਼ਬਰ-ਕੈਨੇਡੀਅਨ ਨਾਗਰਿਕਾਂ ਦੇ ਵਿਦੇਸ਼ਾਂ ’ਚ ਪੈਦਾ ਹੋਏ ਬੱਚਿਆਂ ਨੂੰ ਮਿਲੇਗੀ 'ਸਿਟੀਜ਼ਨਸ਼ਿਪ'

ਗੈਰੇਟ ਦੇ ਸਟਾਫ ਨੇ ਇੱਕ ਰਿਪੋਰਟ ਵਿੱਚ ਕਿਹਾ ਕਿ ਹੋਲੀਅਰ ਨੇ 1,553 ਵੋਟਰਾਂ ਦੇ ਦਸਤਖ਼ਤ ਜਮ੍ਹਾਂ ਕਰਵਾਏ ਸਨ। ਰਿਪੋਰਟ ਅਨੁਸਾਰ ਇਨ੍ਹਾਂ ਵਿੱਚੋਂ ਸਿਰਫ਼ 863 ਹੀ ਜਾਇਜ਼ ਪਾਏ ਗਏ ਜਦਕਿ ਵੋਟਰਾਂ ਦੇ 1000 ਜਾਇਜ਼ ਦਸਤਖ਼ਤ ਹੋਣੇ ਚਾਹੀਦੇ ਸਨ। ਥਾਣੇਦਾਰ ਨੇ 575 ਦਸਤਖਤਾਂ ਨੂੰ ਚੁਣੌਤੀ ਦਿੱਤੀ ਸੀ। ਸਟਾਫ ਦੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਇਨ੍ਹਾਂ ਵਿੱਚੋਂ ਬਹੁਤ ਸਾਰੇ ਦਸਤਖ਼ਤਾਂ ਵਿੱਚ ਇੱਕ ਸਮਾਨ ਲਿਖਤ ਸੀ, ਜੋ ਸਪੱਸ਼ਟ ਤੌਰ 'ਤੇ ਦਰਸਾਉਂਦੀ ਹੈ ਕਿ ਉਹ ਅਸਲ ਨਹੀਂ ਸਨ। ਥਾਣੇਦਾਰ ਨੂੰ 2022 ਵਿੱਚ ਪਹਿਲੀ ਵਾਰ ਅਮਰੀਕੀ ਪ੍ਰਤੀਨਿਧੀ ਸਭਾ ਲਈ ਚੁਣਿਆ ਗਿਆ ਸੀ। ਉਹ ਪ੍ਰਤੀਨਿਧੀ ਸਭਾ ਦੇ ਮੈਂਬਰ ਵਜੋਂ ਇੱਕ ਹੋਰ ਕਾਰਜਕਾਲ ਚਾਹੁੰਦੇ ਹਨ। ਉਸਨੇ ਹੋਲੀਅਰ ਦੀ ਨਾਮਜ਼ਦਗੀ ਪ੍ਰਕਿਰਿਆ ਨੂੰ ਚੁਣੌਤੀ ਦਿੱਤੀ ਕਿਉਂਕਿ ਉਸਨੇ ਵੋਟਰਾਂ ਦੇ ਯੋਗ ਦਸਤਖ਼ਤਾਂ ਦੀ ਕਾਫੀ ਗਿਣਤੀ ਜਮ੍ਹਾ ਨਹੀਂ ਕੀਤੀ ਸੀ। ਸ੍ਰੀ ਥਾਣੇਦਾਰ ਡੈਮੋਕਰੇਟਿਕ ਪਾਰਟੀ ਦੇ ਮੈਂਬਰ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।