ਭਾਰਤ ਸਰਕਾਰ ਦੇ ਇਕ ਫੈਸਲੇ ਦਾ ਅਸਰ, ਸਿੰਗਾਪੁਰ 'ਚ ਆਟਾ ਹੋਇਆ ਮਹਿੰਗਾ

ਸਿੰਗਾਪੁਰ — ਭਾਰਤ 'ਚ ਮਈ ਤੋਂ ਕਣਕ ਦੀ ਬਰਾਮਦ 'ਤੇ ਪਾਬੰਦੀ ਦਾ ਅਸਰ ਸਿੰਗਾਪੁਰ ਦੇ ਖਾਣ-ਪੀਣ ਵਾਲੀਆਂ ਦੁਕਾਨਾਂ 'ਤੇ ਦਿਖਾਈ ਦੇ ਰਿਹਾ ਹੈ। ਮੰਗਲਵਾਰ ਨੂੰ ਪ੍ਰਕਾਸ਼ਿਤ ਇੱਕ ਮੀਡੀਆ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਪੰਜਾਬੀ ਭਾਈਚਾਰਾ ਖਾਸ ਕਰਕੇ ਰੋਟੀ ਨੂੰ ਪਿਆਰ ਕਰਨ ਵਾਲਾ ਭਾਈਚਾਰਾ ਇਸ ਦੀ ਕੀਮਤ ਚੁਕਾ ਰਿਹਾ ਹੈ। ਸੁਪਰਮਾਰਕੀਟ ਚੇਨ ਫੇਅਰਪ੍ਰਾਈਸ ਨੇ ਕਿਹਾ ਕਿ ਪਿਛਲੇ ਕੁਝ ਹਫਤਿਆਂ ਤੋਂ ਕਣਕ ਦੇ ਆਟੇ ਦੀ ਸਪਲਾਈ ਘੱਟ ਹੋ ਰਹੀ ਹੈ। ਇਹ ਸਥਿਤੀ ਭਾਰਤ ਵਿੱਚ ਕਣਕ ਅਤੇ ਆਟੇ ਦੀ ਬਰਾਮਦ 'ਤੇ ਪਾਬੰਦੀਆਂ ਕਾਰਨ ਹੋ ਸਕਦੀ ਹੈ।

ਇਹ ਵੀ ਪੜ੍ਹੋ : ਗੌਤਮ ਅਡਾਨੀ ਨੂੰ ਲੱਗਾ ਝਟਕਾ, ਅਰਬਪਤੀਆਂ ਦੀ ਸੂਚੀ 'ਚ ਜੇਫ ਬੇਜੋਸ ਤੋਂ ਪਿੱਛੜੇ

'ਦਿ ਸਟਰੇਟਸ ਟਾਈਮਜ਼' ਦੀ ਇੱਕ ਰਿਪੋਰਟ ਅਨੁਸਾਰ ਫੇਅਰਪ੍ਰਾਈਸ ਸਪਲਾਇਰ ਹੁਣ ਸ਼੍ਰੀਲੰਕਾ, ਆਸਟ੍ਰੇਲੀਆ, ਕੈਨੇਡਾ ਅਤੇ ਅਮਰੀਕਾ ਵਰਗੇ ਵੱਖ-ਵੱਖ ਦੇਸ਼ਾਂ ਤੋਂ ਕਣਕ ਦਾ ਆਟਾ ਖਰੀਦ ਰਹੇ ਹਨ। ਇੱਥੋਂ ਇੱਕ ਪ੍ਰਮੁੱਖ ਭੋਜਨਸ਼ਾਲਾ, ਸ਼ਕੁੰਤਲਾ ਦੇ ਮੈਨੇਜਿੰਗ ਡਾਇਰੈਕਟਰ ਮਾਥਵਨ ਆਦਿ ਬਾਲਕ੍ਰਿਸ਼ਨਨ ਨੇ ਕਿਹਾ, “(ਕਣਕ) ਆਟੇ ਦੀ ਘਾਟ ਸਾਡੇ ਕਾਰੋਬਾਰ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕਰੇਗੀ। ਅਸੀਂ ਆਪਣੇ ਗਾਹਕਾਂ 'ਤੇ ਲਾਗਤ ਦਾ ਸਾਰਾ ਬੋਝ ਨਹੀਂ ਪਾ ਸਕਦੇ ਹਾਂ। ਸਾਨੂੰ ਕੀਮਤਾਂ ਨੂੰ ਘੱਟ ਰੱਖਣ ਦੀ ਕੋਸ਼ਿਸ਼ ਕਰਨੀ ਪਵੇਗੀ।

ਉਸ ਨੇ ਕਿਹਾ ਕਿ ਰੈਸਟੋਰੈਂਟ ਨੂੰ ਭਾਰਤ ਤੋਂ ਕਣਕ ਦੇ ਆਟੇ ਲਈ ਪੰਜ ਸਿੰਗਾਪੁਰ ਡਾਲਰ (3.48 ਅਮਰੀਕੀ ਡਾਲਰ) ਪ੍ਰਤੀ ਕਿਲੋਗ੍ਰਾਮ ਦਾ ਭੁਗਤਾਨ ਕਰਨਾ ਪੈਂਦਾ ਸੀ, ਪਰ ਹੁਣ ਦੁਬਈ ਤੋਂ ਆਉਣ ਵਾਲਾ ਆਟਾ 15 ਸਿੰਗਾਪੁਰ ਡਾਲਰ (10.45 ਅਮਰੀਕੀ ਡਾਲਰ) ਪ੍ਰਤੀ ਕਿਲੋ ਹੈ। ਸੰਯੁਕਤ ਰਾਸ਼ਟਰ ਦੇ ਅੰਕੜਿਆਂ ਅਨੁਸਾਰ, ਸਿੰਗਾਪੁਰ ਸਾਲਾਨਾ 2-2.5 ਲੱਖ ਟਨ ਕਣਕ ਅਤੇ 1-1.2 ਲੱਖ ਟਨ ਕਣਕ ਦਾ ਆਟਾ ਦਰਾਮਦ ਕਰਦਾ ਹੈ। ਬਿਜ਼ਨਸ ਟਾਈਮਜ਼ ਨੇ ਰਿਪੋਰਟ ਦਿੱਤੀ ਕਿ 2020 ਵਿੱਚ ਸਿੰਗਾਪੁਰ ਨੇ ਕੁੱਲ ਕਣਕ ਦੇ ਆਟੇ ਦਾ 5.8 ਪ੍ਰਤੀਸ਼ਤ ਭਾਰਤ ਤੋਂ ਆਯਾਤ ਕੀਤਾ ਗਿਆ ਸੀ।

ਇਹ ਵੀ ਪੜ੍ਹੋ :  ਉਡਾਣ ਦੌਰਾਨ ਜਹਾਜ਼ ’ਚ ਸੌਂ ਜਾਂਦੇ ਹਨ 66 ਫੀਸਦੀ ਭਾਰਤੀ ਪਾਇਲਟ, ਸਰਵੇ ’ਚ ਹੋਇਆ ਖੁਲਾਸਾ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।