ਅਮਰੀਕੀ ਤਿਉਹਾਰ ''ਥੈਂਕਸਗਿਵਿੰਗ'' ਦੀ ਮਹੱਤਤਾ

ਵਾਸ਼ਿੰਗਟਨ (ਗੁਰਿੰਦਰਜੀਤ ਸਿੰਘ “ਨੀਟਾ ਮਾਛੀਕੇ)- ਥੈਂਕਸਗਿਵਿੰਗ ਅਮਰੀਕਾ ਵਿੱਚ ਮਨਾਇਆ ਜਾਣ ਵਾਲਾ ਇੱਕ ਮਹੱਤਵਪੂਰਨ ਤਿਉਹਾਰ ਹੈ, ਜੋ ਹਰ ਸਾਲ ਨਵੰਬਰ ਮਹੀਨੇ ਦੇ ਚੌਥੇ ਵੀਰਵਾਰ ਨੂੰ ਮਨਾਇਆ ਜਾਂਦਾ ਹੈ। ਇਹ ਤਿਉਹਾਰ ਮੁੱਖ ਤੌਰ ’ਤੇ ਆਪਣੇ ਪਿਆਰਿਆਂ ਨੂੰ ਧੰਨਵਾਦ ਕਹਿਣ ਲਈ ਮਨਾਇਆ ਜਾਂਦਾ ਹੈ ਹੈ। ਲੋਕ ਆਪਣੀ ਜ਼ਿੰਦਗੀ ਵਿੱਚ ਮਿਲੀਆਂ ਖੁਸ਼ੀਆਂ ਲਈ ਰੱਬ ਦਾ ਧੰਨਵਾਦ ਕਰਦੇ ਹਨ ਅਤੇ ਪਰਿਵਾਰ ਅਤੇ ਦੋਸਤਾਂ ਨਾਲ ਮਿਲਕੇ ਖੁਸ਼ੀਆਂ ਸਾਂਝੀਆਂ ਕਰਦੇ ਹਨ।

ਥੈਂਕਸਗਿਵਿੰਗ ਦਾ ਇਤਿਹਾਸ

ਥੈਂਕਸਗਿਵਿੰਗ ਦੀ ਸ਼ੁਰੂਆਤ 1621 ਵਿੱਚ ਹੋਈ ਸੀ, ਜਦੋਂ ਪਹਿਲੇ ਅੰਗਰੇਜ਼ ਯਾਤਰੀ (Pilgrims) ਨੇ ਮੈਸਾਚੂਸੇਟਸ ਵਿੱਚ ਪਹੁੰਚ ਕੇ ਆਪਣੇ ਪਹਿਲੀ ਕਾਮਯਾਬ ਫਸਲ ਦੀ ਕਟਾਈ ਲਈ ਪਾਰਟੀ ਕੀਤੀ। ਉਨ੍ਹਾਂ ਨੇ ਆਪਣੇ ਗੁਆਂਢੀ ਤੇ ਸਥਾਨਕ ਮੂਲਵਾਸੀ (Native Americans) ਨੂੰ ਵੀ ਸੱਦਿਆ, ਜਿਨ੍ਹਾਂ ਨੇ ਉਨ੍ਹਾਂ ਨੂੰ ਖੇਤੀਬਾੜੀ ਅਤੇ ਜੰਗਲਾਂ ਵਿੱਚ ਜ਼ਿਉਂਦੇ ਰਹਿਣ ਦੇ ਤਰੀਕੇ ਸਿਖਾਏ ਸਨ।

ਮੁੱਖ ਰਸਮ ਰਿਵਾਜ਼

ਥੈਂਕਸਗਿਵਿੰਗ ਦੇ ਦਿਨ ਪਰਿਵਾਰ ਦੇ ਮੈਂਬਰ ਇਕੱਠੇ ਹੋਕੇ ਵੱਡੇ ਖਾਣੇ ਦਾ ਆਯੋਜਨ ਕਰਦੇ ਹਨ। ਖਾਣੇ ਵਿੱਚ ਟਰਕੀ ਮੁੱਖ ਭਾਗ ਹੁੰਦਾ ਹੈ। ਇਸ ਤੋਂ ਇਲਾਵਾ ਮੱਕੀ ਦੀ ਰੋਟੀ, ਮੱਖਣ ਵਾਲਾ ਸਵੀਟ ਪਟਾਟੋ, ਕਰੈਨਬੈਰੀ ਸੌਸ ਅਤੇ ਪੰਪਕਿਨ ਪਾਈ ਵੀ ਖਾਧੀ ਜਾਂਦੀ ਹੈ। ਲੋਕ ਇਸ ਦਿਨ ਪਰੇਡ ਅਤੇ ਫੁਟਬਾਲ ਮੈਚ ਵੀ ਦੇਖਦੇ ਹਨ। ਨਿਊਯਾਰਕ ਸਿਟੀ ਦੀ ਮੈਸੀਜ਼ ਪਰੇਡ ਵਿਸ਼ੇਸ਼ ਤੌਰ ’ਤੇ ਪ੍ਰਸਿੱਧ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-'ਟਰੰਪ ਆ ਰਹੇ ਹਨ...' ਬੰਗਲਾਦੇਸ਼ 'ਚ ਹਿੰਦੂਆਂ 'ਤੇ ਹੋ ਰਹੇ ਅੱਤਿਆਚਾਰਾਂ ਦਾ ਹੋਵੇਗਾ ਖਾਤਮਾ

ਅਜੋਕਾ ਦੌਰ

ਅੱਜ ਦੇ ਜ਼ਮਾਨੇ ਵਿੱਚ ਥੈਂਕਸਗਿਵਿੰਗ ਸਿਰਫ਼ ਧਾਰਮਿਕ ਤਿਉਹਾਰ ਨਹੀਂ ਰਹਿ ਗਿਆ ਬਲਕਿ ਇਹ ਸਮਾਜਿਕ ਅਤੇ ਸਾਂਸਕ੍ਰਿਤਕ ਤਿਉਹਾਰ ਵੀ ਬਣ ਚੁੱਕਾ ਹੈ। ਕਈ ਲੋਕ ਇਸ ਦਿਨ ਲੋੜਵੰਦ ਲੋਕਾਂ ਲਈ ਖਾਣਾ ਵੰਡਦੇ ਹਨ ਅਤੇ ਚੈਰਿਟੀ ਲਈ ਵੀ ਦਾਨ ਕਰਦੇ ਹਨ।

ਥੈਂਕਸਗਿਵਿੰਗ ਦੀ ਮਹੱਤਤਾ

ਥੈਂਕਸਗਿਵਿੰਗ ਸਾਨੂੰ ਸਿਖਾਉਂਦਾ ਹੈ ਕਿ ਸਾਨੂੰ ਆਪਣੀ ਜ਼ਿੰਦਗੀ ਵਿੱਚ ਮਿਲੀਆ ਨੇਆਮਤਾਂ ਦੀ ਕਦਰ ਕਰਨੀ ਚਾਹੀਦੀ ਹੈ ਅਤੇ ਸਾਂਝਾਂ ਨੂੰ ਹੋਰ ਮਜ਼ਬੂਤ ਕਰਨਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਇਹ ਦਿਨ ਸਾਡੇ ਲਈ ਪਰਿਵਾਰ ਨਾਲ ਗੁਜ਼ਾਰਨ ਦਾ ਇੱਕ ਖਾਸ ਮੌਕਾ ਹੁੰਦਾ ਹੈ। ਥੈਂਕਸਗਿਵਿੰਗ ਸਿਰਫ ਇੱਕ ਦਿਨ ਨਹੀਂ ਬਲਕਿ ਇੱਕ ਭਾਵਨਾ ਹੈ ਜੋ ਸਾਡੇ ਵਿੱਚ ਸਾਂਝੀਵਾਲਤਾ ਅਤੇ ਪਿਆਰ ਪੈਦਾ ਕਰਦੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।