ਪ੍ਰਵਾਸੀਆਂ ਦੀ ਪਸੰਦ ਬਣਿਆ ਨਿਊਜ਼ੀਲੈਂਡ, 6 ਮਿਲੀਅਨ ਤੋਂ ਵੱਧ ਆਬਾਦੀ ਹੋਣ ਦਾ ਅਨੁਮਾਨ

ਆਕਲੈਂਡ (ਯੂ.ਐਨ.ਆਈ.)- ਨਿਊਜ਼ੀਲੈਂਡ ਨੇ ਆਪਣੀ ਇਮੀਗ੍ਰੇਸ਼ਨ ਨੀਤੀ ਵਿਚ ਵਿਆਪਕ ਬਦਲਾਅ ਕੀਤਾ ਹੈ, ਜਿਸ ਦੇ ਤਹਿਤ ਇਹ ਪ੍ਰਵਾਸੀਆਂ ਲਈ ਪਸੰਦੀਦਾ ਦੇਸ਼ ਬਣਿਆ ਹੋਇਆ ਹੈ। 2040 ਤੱਕ ਨਿਊਜ਼ੀਲੈਂਡ ਦੀ ਆਬਾਦੀ 6 ਮਿਲੀਅਨ ਤੋਂ ਵੱਧ ਹੋਣ ਦਾ ਅਨੁਮਾਨ ਹੈ, ਜਿਸ ਦਾ ਮੁੱਖ ਕਾਰਨ ਪ੍ਰਵਾਸ ਹੈ। ਅੰਕੜਾ ਵਿਭਾਗ ਸਟੈਟਸ ਐਨ ਜ਼ੈਡ ਦੇ ਇਸ ਸਬੰਧੀ ਜਾਣਕਾਰੀ ਦਿੱਤੀ। 

ਸਟੈਟਸ ਐਨ ਜ਼ੈਡ ਨੇ ਦੱਸਿਆ ਕਿ 6 ਮਿਲੀਅਨ ਅਨੁਮਾਨਿਤ ਆਬਾਦੀ ਮੌਜੂਦਾ 5.3 ਮਿਲੀਅਨ ਤੋਂ ਵੱਧ ਹੈ। ਇਸ ਵਿੱਚ ਕਿਹਾ ਗਿਆ ਹੈਕਿ ਅਨੁਮਾਨਿਤ ਵਾਧੇ ਦਾ ਦੋ ਤਿਹਾਈ ਹਿੱਸਾ ਸ਼ੁੱਧ ਪ੍ਰਵਾਸ ਤੋਂ ਆਵੇਗਾ, ਜੋ ਕਿ ਆਮਦ ਅਤੇ ਰਵਾਨਗੀ ਵਿਚਕਾਰ ਅੰਤਰ ਹੈ, ਜਦੋਂ ਕਿ ਕੁਦਰਤੀ ਵਾਧਾ (ਜਨਮ ਘਟਾ ਕੇ ਮੌਤਾਂ) ਬਾਕੀ ਯੋਗਦਾਨ ਪਾਵੇਗਾ। ਅਨੁਮਾਨ ਦਰਸਾਉਂਦੇ ਹਨ ਕਿ ਆਬਾਦੀ 2060 ਤੱਕ ਲਗਭਗ 7 ਮਿਲੀਅਨ ਅਤੇ 2070 ਦੇ ਅਖੀਰ ਤੱਕ ਲਗਭਗ 8 ਮਿਲੀਅਨ ਤੱਕ ਪਹੁੰਚ ਸਕਦੀ ਹੈ। ਆਬਾਦੀ ਅੰਕੜਿਆਂ ਲਈ ਸਟੈਟਸ ਐਨ ਜ਼ੈਡ ਦੇ ਬੁਲਾਰੇ ਵਿਕਟੋਰੀਆ ਟ੍ਰੇਲੀਵਿੰਗ ਅਨੁਸਾਰ ਔਸਤ ਉਮਰ ਜੋ ਅੱਜ 38 ਸਾਲ ਹੈ ਉਹ 2060 ਤੱਕ 40 ਸਾਲ ਤੱਕ ਵਧਣ ਦੀ ਉਮੀਦ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਨਿਊਜ਼ੀਲੈਂਡ ਦੀ MP ਨੇ ਸੰਸਦ 'ਚ ਦਿਖਾਈ ਆਪਣੀ ਨਗਨ ਫੋਟੋ, ਕੀਤਾ ਵੱਡਾ ਖੁਲਾਸਾ

ਅੰਕੜੇ ਦਰਸਾਉਂਦੇ ਹਨ ਕਿ 65 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਲੋਕਾਂ ਦੀ ਗਿਣਤੀ, ਜੋ ਵਰਤਮਾਨ ਵਿੱਚ ਲਗਭਗ 900,000 ਹੈ, 2029 ਤੱਕ 10 ਲੱਖ ਤੋਂ ਵੱਧ ਅਤੇ 2070 ਤੱਕ ਦੁੱਗਣੀ ਹੋ ਕੇ 20 ਲੱਖ ਹੋਣ ਦੀ ਸੰਭਾਵਨਾ ਹੈ। ਵਿਸ਼ਲੇਸ਼ਕਾਂ ਨੇ ਕਿਹਾ ਕਿ ਮੌਜੂਦਾ ਪ੍ਰਜਨਨ ਦਰ 2051 ਤੱਕ ਪ੍ਰਤੀ ਔਰਤ 1.59 ਤੋਂ ਘਟ ਕੇ 1.55 ਜਨਮ ਹੋਣ ਦੀ ਉਮੀਦ ਹੈ, ਆਬਾਦੀ ਵਾਧਾ ਪ੍ਰਵਾਸ 'ਤੇ ਨਿਰਭਰ ਕਰੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।