ਅਫਗਾਨਿਸਤਾਨ ਦੇ ਬਗਲਾਨ ਪ੍ਰਾਂਤ ''ਚ ਗੈਰ-ਕਾਨੂੰਨੀ ਹਥਿਆਰ ਜ਼ਬਤ
05/10/2022 3:08:10 PM
ਕਾਬੁਲ- ਅਫਗਾਨਿਸਤਾਨ ਦੇ ਸੁਰੱਖਿਆ ਫੋਰਸਾਂ ਨੇ ਉੱਤਰੀ ਬਗਲਾਨ ਪ੍ਰਾਂਤ 'ਚ ਇਕ ਖੁਫੀਆ ਮੁਹਿੰਮ ਦੇ ਤਹਿਤ ਅਵੈਧ ਹਥਿਆਰ ਜ਼ਬਤ ਕੀਤੇ ਹਨ। ਅਫਗਾਨ ਕਾਰਜਵਾਹਕ ਸਰਕਾਰ ਨੇ ਐਤਵਾਰ ਨੂੰ ਇਸ ਦੀ ਪੁਸ਼ਟੀ ਕੀਤੀ ਹੈ। ਰਿਪੋਰਟ ਮੁਤਾਬਕ ਸਰਕਾਰ ਨੇ ਇਕ ਬਿਆਨ 'ਚ ਕਿਹਾ ਹੈ ਕਿ ਬਗਲਾਨ-ਏ-ਮਰਕਜ਼ੀ ਜਿਲ੍ਹੇ 'ਚ ਇਕ ਖੁਫੀਆ ਮੁਹਿੰਮ ਤੋਂ ਬਾਅਦ ਬਰਾਮਦ ਹਥਿਆਰ 'ਚ 18 ਅਸਾਲਟ ਰਾਈਫਲਾਂ, ਦੋ ਰਾਕੇਟ ਨਾਲ ਚੱਲਣ ਵਾਲੇ ਗ੍ਰੇਨੇਡ ਲਾਂਚਰ, ਇਕ ਬਾਰੂਦੀ ਸੁਰੰਗ ਅਤੇ ਵੱਡੀ ਮਾਤਰਾ 'ਚ ਗੋਲਾ-ਬਾਰੂਦ ਸ਼ਾਮਲ ਹਨ। ਇਸ ਸਬੰਧ 'ਚ ਹਾਲੇ ਤੱਕ ਕਿਸੇ ਨੂੰ ਗ੍ਰਿਫਤਾਰ ਨਹੀਂ ਕੀਤਾ ਗਿਆ ਹੈ।
ਦੱਸ ਦੇਈਏ ਅਫਗਾਨਿਸਤਾਨ ਹਥਿਆਰਾਂ ਦੇ ਕਾਲੇ ਬਾਜ਼ਾਰ ਲਈ ਬਦਨਾਮ ਹੈ। ਇਥੇ ਅਣਗਣਿਤ ਅਸਾਲਟ ਰਾਈਫਲਾਂ, ਮਸ਼ੀਨ ਗਨ, ਰਾਕੇਟ, ਕਾਰਬਾਇਨ ਅਤੇ ਗੋਲੀਆਂ ਕਾਲਾਬਾਜ਼ਾਰੀ 'ਚ ਮਿਲ ਜਾਂਦੀਆਂ ਹਨ। ਕਿਉਂਕਿ ਤਾਲਿਬਾਨ ਹਥਿਆਰਾਂ ਦੇ ਬਾਜ਼ਾਰ 'ਤੇ ਏਕਾਧਿਕਾਰ ਰੱਖਣਾ ਚਾਹੁੰਦਾ ਹੈ ਇਸ ਲਈ ਅਫਗਾਨਿਸਤਾਨ ਦਾ ਕਾਲਾ ਬਾਜ਼ਾਰ ਅਤੇ ਜ਼ਿਆਦਾ ਭੂਮੀਗਤ ਹੋ ਗਿਆ ਹੈ। ਤਾਲਿਬਾਨ ਆਪਣੇ ਹਥਿਆਰਾਂ ਦੇ ਗੋਲਾ ਬਾਰੂਦ ਨੂੰ ਫਿਰ ਤੋਂ ਭਰਨ ਲਈ ਕਾਲੇ ਬਾਜ਼ਾਰ 'ਤੇ ਨਿਰਭਰ ਸੀ।
ਵਿਸ਼ੇਸ਼ ਰੂਪ ਨਾਲ ਅਫਗਾਨ ਸਰਕਾਰ ਦੇ ਪਤਨ ਤੋਂ ਬਾਅਦ ਤੋਂ ਅਫਗਾਨਿਸਤਾਨ 'ਚ ਮਨੁੱਖਧਿਕਾਰਾਂ ਦੀ ਸਥਿਤੀ ਖਰਾਬ ਹੋ ਗਈ ਹੈ। ਜੇਕਰ ਦੇਸ਼ 'ਚ ਲੜਾਈ ਖਤਮ ਹੋ ਗਈ ਹੈ। ਗੰਭੀਰ ਮਨੁੱਖਧਿਕਾਰਾਂ ਦਾ ਉਲੰਘਣ ਬੇਰੋਕ-ਟੋਕ ਜਾਰੀ ਹੈ। ਇਸ ਤੋਂ ਇਲਾਵਾ ਦੇਸ਼ ਇਕ ਗੰਭੀਰ ਮਨੁੱਖੀ ਸੰਕਟ ਨਾਲ ਜੂਝ ਰਿਹਾ ਹੈ, ਜਿਵੇਂ ਕਿ ਕੌਮਾਂਤਰੀ ਮੁਲਾਂਕਣ ਅਨੁਸਾਰ ਅਫਗਾਨਿਸਤਾਨ 'ਚ ਹੁਣ ਦੁਨੀਆ 'ਚ ਐਮਰਜੈਂਸੀ ਖਾਧ ਅਸੁਰੱਖਿਆ 'ਚ ਸਭ ਤੋਂ ਜ਼ਿਆਦਾ 23 ਮਿਲੀਅਨ ਤੋਂ ਜ਼ਿਆਦਾ ਲੋਕ ਹਨ ਜਿਨ੍ਹਾਂ ਨੂੰ ਸਹਾਇਤਾ ਦੀ ਲੋੜ ਹੈ।
