ਨਵਾਜ਼ ਸ਼ਰੀਫ਼ ਵਾਂਗ ਪਾਕਿਸਤਾਨ ਛੱਡ ਦੇ ਭੱਜਾਂਗਾ ਨਹੀਂ : ਇਮਰਾਨ ਖ਼ਾਨ

ਲਾਹੌਰ (ਭਾਸ਼ਾ) : ਕਿਸੇ ਵੀ ਦੇਸ਼ ਤੋਂ ਸ਼ਰਣ ਮੰਗਣ ਦੇ ਦਾਅਵਿਆਂ ਨੂੰ ਰੱਦ ਕਰਦੇ ਹੋਏ ਜੇਲ੍ਹ ਵਿਚ ਬੰਦ ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਇਕ ਵਾਰ ਫਿਰ ਕਿਹਾ ਕਿ ਉਹ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ ਵਾਂਗ ਦੇਸ਼ ਛੱਡ ਕੇ ਨਹੀਂ ਭੱਜਣਗੇ। ਕਿਆਸ ਅਰਾਈਆਂ ਉਦੋਂ ਸ਼ੁਰੂ ਹੋਈਆਂ ਜਦੋਂ ਰੱਖਿਆ ਮੰਤਰੀ ਖਵਾਜਾ ਆਸਿਫ ਨੇ ਹਾਲ ਹੀ ਵਿੱਚ ਕਿਹਾ ਕਿ ਖਾਨ ਦੀ ਪਾਰਟੀ ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ (ਪੀਟੀਆਈ) ਖਾਨ ਨੂੰ ਰਿਹਾਅ ਕਰਨ ਅਤੇ ਉਸਨੂੰ ਵਿਦੇਸ਼ ਭੇਜਣ ਲਈ 'ਵਿਦੇਸ਼ੀ ਸ਼ਕਤੀਆਂ' ਦੀ ਅਪੀਲ ਕਰ ਰਹੀ ਹੈ।

ਖਾਨ ਨੇ 'ਐਕਸ' 'ਤੇ ਜਾਰੀ ਬਿਆਨ 'ਚ ਕਿਹਾ ਕਿ ਉਹ ਕਿਸੇ ਵੀ ਕੀਮਤ 'ਤੇ ਦੇਸ਼ ਨਹੀਂ ਛੱਡਣਗੇ। ਮੈਂ ਕਦੇ ਵੀ ਦੇਸ਼ ਛੱਡ ਕੇ ਨਹੀਂ ਭੱਜਾਂਗਾ। ਮੇਰਾ ਨਾਮ ਪੱਕੇ ਤੌਰ 'ਤੇ ਨੋ ਫਲਾਈ ਲਿਸਟ ਵਿੱਚ ਪਾਓ। ਮੈਂ ਕਿਤੇ ਨਹੀਂ ਜਾ ਰਿਹਾ। ਪਹਿਲਾਂ (ਸਾਬਕਾ ਪ੍ਰਧਾਨ ਮੰਤਰੀ) ਨਵਾਜ਼ ਸ਼ਰੀਫ਼ ਦੇਸ਼ ਛੱਡ ਕੇ ਚਲੇ ਗਏ ਸਨ, ਹੁਣ ਉਨ੍ਹਾਂ ਦੀ ਧੀ (ਪੰਜਾਬ ਦੀ ਮੁੱਖ ਮੰਤਰੀ ਮਰੀਅਮ ਸ਼ਰੀਫ਼) ਵੀ ਜਾ ਚੁੱਕੀ ਹੈ। ਪੀਐੱਮਐੱਲ-ਐੱਨ ਦੇ ਅਨੁਸਾਰ, ਮਰੀਅਮ ਵੀਰਵਾਰ ਨੂੰ ਸਵਿਟਜ਼ਰਲੈਂਡ ਲਈ ਰਵਾਨਾ ਹੋਈ ਸੀ, ਉਸ ਦੇ ਪਿਤਾ ਨਵਾਜ਼ ਬਰਤਾਨੀਆ ਵਿੱਚ ਚਾਰ ਸਾਲ ਦੀ ਸਵੈ-ਨਿਰਵਾਸ ਦੇ ਬਾਅਦ ਅਕਤੂਬਰ 2023 'ਚ ਪਾਕਿਸਤਾਨ ਪਰਤ ਆਏ ਸਨ।