ਭਾਰਤ ਤੋਂ ਬਾਅਦ ਹੁਣ ਪਾਕਿਸਤਾਨ 'ਚ ਵੀ ਬਣਨਗੇ iPhone, ਐਪਲ ਕਰਨ ਜਾ ਰਹੀ ਹੈ ਵੱਡੀ ਤਿਆਰੀ

ਬਿਜ਼ਨੈੱਸ ਡੈਸਕ : ਭਾਰਤ ਵਿੱਚ ਸਫਲਤਾਪੂਰਵਕ ਮੈਨੂਫੈਕਚਰਿੰਗ ਯੂਨਿਟ ਚਲਾਉਣ ਤੋਂ ਬਾਅਦ ਹੁਣ ਦੁਨੀਆ ਦੀ ਦਿੱਗਜ ਟੈਕ ਕੰਪਨੀ ਐਪਲ (Apple) ਗੁਆਂਢੀ ਦੇਸ਼ ਪਾਕਿਸਤਾਨ ਵਿੱਚ ਵੀ ਆਈਫੋਨ ਬਣਾਉਣ ਦੀ ਤਿਆਰੀ ਕਰ ਰਹੀ ਹੈ। ਇੱਕ ਤਾਜ਼ਾ ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਐਪਲ ਪਾਕਿਸਤਾਨ ਵਿੱਚ ਨਾ ਸਿਰਫ਼ ਆਈਫੋਨ ਤਿਆਰ ਕਰੇਗੀ, ਸਗੋਂ ਪੁਰਾਣੇ ਆਈਫੋਨਾਂ ਨੂੰ ਰਿਫਰਬਿਸ਼ (Refurbish) ਕਰਕੇ ਦੁਬਾਰਾ ਦੂਜੇ ਦੇਸ਼ਾਂ ਨੂੰ ਨਿਰਯਾਤ (Re-export) ਵੀ ਕਰੇਗੀ।

ਇਹ ਵੀ ਪੜ੍ਹੋ :     100 ਰੁਪਏ ਦਾ ਨੋਟ ਰਾਤੋਂ-ਰਾਤ ਬਣਾ ਸਕਦੈ ਕਰੋੜਪਤੀ; ਜਾਣੋ ਇਸ ਦਾ ਖ਼ਾਸ ਇਤਿਹਾਸਕ ਮਹੱਤਵ

ਸਰਕਾਰ ਦੇਵੇਗੀ ਵੱਡੀਆਂ ਰਿਆਇਤਾਂ

ਪਾਕਿਸਤਾਨ ਸਰਕਾਰ ਨੇ ਕੰਪਨੀ ਨੂੰ ਆਕਰਸ਼ਿਤ ਕਰਨ ਲਈ ਨਵੇਂ 'ਮੋਬਾਈਲ ਅਤੇ ਇਲੈਕਟ੍ਰੋਨਿਕਸ ਮੈਨੂਫੈਕਚਰਿੰਗ ਫਰੇਮਵਰਕ' ਦੇ ਤਹਿਤ ਵਿਸ਼ੇਸ਼ ਇੰਸੈਂਟਿਵ ਦੇਣ 'ਤੇ ਸਹਿਮਤੀ ਜਤਾਈ ਹੈ। ਐਪਲ ਮੈਨੇਜਮੈਂਟ ਨੇ ਸਰਕਾਰ ਤੋਂ ਰਿਆਇਤੀ ਦਰਾਂ 'ਤੇ ਜ਼ਮੀਨ ਅਤੇ 8 ਫੀਸਦੀ ਪਰਫਾਰਮੈਂਸ ਇੰਸੈਂਟਿਵ ਦੀ ਮੰਗ ਕੀਤੀ ਹੈ। ਇੰਜੀਨੀਅਰਿੰਗ ਡਿਵੈਲਪਮੈਂਟ ਬੋਰਡ (EDB) ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਹਮਾਦ ਅਲੀ ਮੰਸੂਰ ਅਨੁਸਾਰ, ਇਹਨਾਂ ਸ਼ਰਤਾਂ ਨੂੰ ਨਵੇਂ ਫਰੇਮਵਰਕ ਵਿੱਚ ਸ਼ਾਮਲ ਕੀਤਾ ਗਿਆ ਹੈ, ਜਿਸ ਨੂੰ ਜਲਦੀ ਹੀ ਪ੍ਰਧਾਨ ਮੰਤਰੀ ਸ਼ਾਹਬਾਜ਼ ਸ਼ਰੀਫ ਵੱਲੋਂ ਮਨਜ਼ੂਰੀ ਦਿੱਤੀ ਜਾਵੇਗੀ।

ਇਹ ਵੀ ਪੜ੍ਹੋ :    Gold-Silver ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ: ਕੀ ਨਿਵੇਸ਼ ਦਾ ਇਹ ਸਹੀ ਸਮਾਂ ਹੈ ਜਾਂ ਅਜੇ ਹੋਰ ਡਿੱਗਣਗੇ ਭਾਅ?

ਭਾਰਤ ਵਾਲਾ ਮਾਡਲ ਹੀ ਪਾਕਿਸਤਾਨ 'ਚ ਹੋਵੇਗਾ ਲਾਗੂ

ਰਿਪੋਰਟਾਂ ਮੁਤਾਬਕ ਐਪਲ ਪਾਕਿਸਤਾਨ ਵਿੱਚ ਵੀ ਉਹੀ ਮਾਡਲ ਅਪਣਾਏਗੀ ਜੋ ਉਸ ਨੇ ਭਾਰਤ, ਇੰਡੋਨੇਸ਼ੀਆ ਅਤੇ ਮਲੇਸ਼ੀਆ ਵਿੱਚ ਵਰਤਿਆ ਸੀ। ਸ਼ੁਰੂਆਤ ਵਿੱਚ ਕੰਪਨੀ ਦੋ ਤੋਂ ਤਿੰਨ ਸਾਲ ਪੁਰਾਣੇ ਆਈਫੋਨਾਂ ਦੀ ਮੁਰੰਮਤ (Repair) ਸ਼ੁਰੂ ਕਰੇਗੀ ਤਾਂ ਜੋ ਸਥਾਨਕ ਕਾਮਿਆਂ ਨੂੰ ਸਿਖਲਾਈ ਦਿੱਤੀ ਜਾ ਸਕੇ, ਅਤੇ ਬਾਅਦ ਵਿੱਚ ਫੋਨਾਂ ਦੀ ਪੂਰੀ ਮੈਨੂਫੈਕਚਰਿੰਗ ਸ਼ੁਰੂ ਕੀਤੀ ਜਾਵੇਗੀ। ਪਾਕਿਸਤਾਨ ਸਰਕਾਰ ਨੂੰ ਉਮੀਦ ਹੈ ਕਿ ਪਹਿਲੇ ਸਾਲ ਵਿੱਚ ਹੀ ਰਿਫਰਬਿਸ਼ਡ ਆਈਫੋਨਾਂ ਦੇ ਨਿਰਯਾਤ ਤੋਂ ਦੇਸ਼ ਨੂੰ 100 ਮਿਲੀਅਨ ਡਾਲਰ ਦੀ ਕਮਾਈ ਹੋਵੇਗੀ।

ਇਹ ਵੀ ਪੜ੍ਹੋ :     ਸਰਕਾਰੀ ਬੈਂਕ ਦੇ Assistant Manager ਦੀ ਧੋਖਾਧੜੀ, ਲਾਕਰ 'ਚੋਂ ਚੋਰੀ ਕੀਤਾ 3 ਕਿਲੋ ਸੋਨਾ

ਪਾਕਿਸਤਾਨ ਵਿੱਚ ਸਸਤੇ ਹੋ ਸਕਦੇ ਹਨ ਆਈਫੋਨ

ਇਸ ਵੱਡੀ ਡੀਲ ਤੋਂ ਬਾਅਦ ਪਾਕਿਸਤਾਨ ਵਿੱਚ ਆਈਫੋਨ ਦੀਆਂ ਕੀਮਤਾਂ ਵਿੱਚ ਭਾਰੀ ਗਿਰਾਵਟ ਆਉਣ ਦੀ ਉਮੀਦ ਹੈ। ਫਿਲਹਾਲ ਪਾਕਿਸਤਾਨ ਵਿੱਚ ਆਈਫੋਨ 'ਤੇ ਭਾਰੀ ਇੰਪੋਰਟ ਡਿਊਟੀ ਲੱਗਦੀ ਹੈ, ਜਿਸ ਕਾਰਨ ਉੱਥੇ ਇਹ ਫੋਨ ਕਾਫੀ ਮਹਿੰਗੇ ਹਨ। ਸਥਾਨਕ ਪੱਧਰ 'ਤੇ ਅਸੈਂਬਲਿੰਗ ਸ਼ੁਰੂ ਹੋਣ ਨਾਲ ਟੈਕਸ ਘੱਟ ਜਾਣਗੇ, ਜਿਸ ਨਾਲ ਆਮ ਲੋਕਾਂ ਲਈ ਆਈਫੋਨ ਖਰੀਦਣਾ ਸੌਖਾ ਹੋ ਜਾਵੇਗਾ। ਹਾਲਾਂਕਿ, ਇਸ ਸਾਰੀ ਪ੍ਰਕਿਰਿਆ ਨੂੰ ਜ਼ਮੀਨੀ ਪੱਧਰ 'ਤੇ ਉਤਰਨ ਲਈ ਅਜੇ ਕੁਝ ਸਮਾਂ ਲੱਗ ਸਕਦਾ ਹੈ।

ਇਹ ਵੀ ਪੜ੍ਹੋ :    ਹੋਰ ਡਿੱਗਣਗੀਆਂ ਸੋਨੇ ਦੀਆਂ ਕੀਮਤਾਂ, 1 ਲੱਖ ਤੋਂ ਹੇਠਾਂ ਜਾਏਗਾ ਭਾਅ, ਮਾਹਰਾਂ ਦੀ ਵੱਡੀ ਭਵਿੱਖਬਾਣੀ

ਇਹ ਵੀ ਪੜ੍ਹੋ :    ਸੋਨੇ ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ ਦਾ ਖ਼ਦਸ਼ਾ, 80 ਹਜ਼ਾਰ ਰੁਪਏ ਤੱਕ ਟੁੱਟੇਗਾ ਭਾਅ!

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt