ਕੋਰੋਨਾਵਾਇਰਸ: ਬਜ਼ੁਰਗ ਜੋੜੇ ਦੇ ਆਖਰੀ ਅਲਵਿਦਾ ਦਾ ਇਹ ਵੀਡੀਓ ਕਰ ਦੇਵੇਗਾ ਭਾਵੁੱਕ
02/04/2020 5:18:29 PM
ਬੀਜਿੰਗ- ਕੋਰੋਨਾਵਾਇਰਸ ਦਾ ਕਹਿਰ ਦੁਨੀਆ ਭਰ ਵਿਚ ਜਾਰੀ ਹੈ ਤੇ ਹੁਣ ਤੱਕ ਇਸ ਵਾਇਰਸ ਕਾਰਨ 425 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਹਨੀਂ ਦਿਨੀਂ ਚੀਨ ਦੇ ਇਕ ਬਜ਼ੁਰਗ ਜੋੜੇ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜੋ ਭਾਵੁੱਕ ਕਰ ਦੇਣ ਵਾਲਾ ਹੈ। ਆਪਣੇ 80 ਦੇ ਦਹਾਕੇ ਵਿਚ ਜੀਅ ਰਹੇ ਪਤੀ-ਪਤਨੀ ਕੋਰੋਨਾਵਾਇਰਸ ਨਾਲ ਪੀੜਤ ਹਨ। ਹਸਪਤਾਲ ਵਿਚ ਇਕ-ਦੂਜੇ ਨੂੰ ਗੁੱਡਬਾਏ ਕਹਿਣ ਦੌਰਾਨ ਬਣਾਏ ਵੀਡੀਓ ਨੂੰ ਲੋਕਾਂ ਵਲੋਂ ਖੂਬ ਦੇਖਿਆ ਜਾ ਰਿਹਾ ਹੈ ਤੇ ਇਹ ਵਾਇਰਲ ਹੋ ਗਿਆ ਹੈ।
What does a couple mean? Two elderly patients of #coronavirus in their 80s said goodbye in ICU, this could be the last time to meet and greet 😭😭😭 pic.twitter.com/GBBC2etvV9
— 姜伟 Jiang Wei (@juliojiangwei) February 2, 2020
ਬਜ਼ੁਰਗ ਜੋੜੇ ਦੇ ਇਸ ਵੀਜੀਓ ਨੂੰ ਇਕ ਟਵਿੱਟਰ ਯੂਜ਼ਰ ਨੇ ਇਸ ਕੈਪਸ਼ਨ ਦੇ ਨਾਲ ਸਾਂਝਾ ਕੀਤਾ ਕਿ ਇਕ ਜੋੜੇ ਦਾ ਕੀ ਮਤਲਬ ਹੁੰਦਾ ਹੈ? 80 ਦੇ ਦਹਾਕੇ ਵਿਚ ਕੋਰੋਨਾਵਾਇਰਸ ਦੇ ਦੋ ਮਰੀਜ਼ਾਂ ਨੇ ਆਈ.ਸੀ.ਯੂ. ਵਿਚ ਅਲਵਿਦਾ ਕਿਹਾ, ਇਹ ਸ਼ਾਇਦ ਆਖਰੀ ਵਾਰ ਹੋਵੇ ਜਦੋਂ ਉਹ ਮਿਲ ਰਹੇ ਹੋਣ ਜਾਂ ਗੱਲ ਕਰ ਰਹੇ ਹੋਣ। ਇਸ ਤੋਂ ਬਾਅਦ ਬਜ਼ੁਰਗ ਜੋੜੇ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਿਆ ਤੇ ਇਸ 'ਤੇ ਲੋਕਾਂ ਦੀ ਖਾਸੀ ਪ੍ਰਤੀਕਿਰਿਆ ਦੇਖਣ ਨੂੰ ਮਿਲ ਰਹੀ ਹੈ।
ਇਕ ਟਵਿੱਟਰ ਯੂਜ਼ਰ ਨੇ ਲਿਖਿਆ ਕਿ ਇਹਨਾਂ ਬਜ਼ੁਰਗ ਲੋਕਾਂ ਨੂੰ ਤਕਲੀਫ ਵਿਚ ਦੇਖਣਾ ਅਸਲ ਵਿਚ ਖੌਫਨਾਕ ਹੈ। ਅਜਿਹਾ ਲੱਗਦਾ ਹੈ ਕਿ ਸਥਿਤੀ ਕੰਟਰੋਲ ਤੋਂ ਬਾਹਰ ਹੈ। ਵੀਡੀਓ ਸਾਂਝਾ ਕਰਨ ਦੇ ਲਈ ਧੰਨਵਾਦ। ਇਕ ਹੋਰ ਯੂਜ਼ਰ ਨੇ ਲਿਖਿਆ ਕਿ ਮੈਂ ਉਮੀਦ ਕਰਦਾ ਹਾਂ ਕਿ ਉਹ ਠੀਕ ਹੋ ਜਾਣ। ਚੀਨ ਦੇ ਲਈ ਮੇਰਾ ਦਿਲ ਬਹੁਤ ਦੁਖੀ ਹੋ ਰਿਹਾ ਹੈ।