ਅਮਰੀਕਾ ''ਚ ਰੂਹ ਕੰਬਾਊ ਮਾਮਲਾ; ਮਹਿਲਾ ਨੇ ਮਾਰ''ਤਾ ਪਤੀ, ਫਿਰ ਹਮਦਰਦੀ ਹਾਸਲ ਕਰਨ ਲਈ ਲਿਖ''ਤੀ ਕਿਤਾਬ

ਪਾਰਕ ਸਿਟੀ (ਯੂਟਾ) (ਭਾਸ਼ਾ): ਅਮਰੀਕਾ ਦੇ ਯੂਟਾ ਰਾਜ ਤੋਂ ਇੱਕ ਰੂਹ ਕੰਬਾਊ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੇ ਸਾਰਿਆਂ ਦੇ ਹੋਸ਼ ਉਡਾ ਦਿੱਤੇ ਹਨ। ਆਪਣੇ ਪਤੀ ਦੀ ਮੌਤ ਤੋਂ ਬਾਅਦ ਬੱਚਿਆਂ ਲਈ ਦੁੱਖ ਅਤੇ ਸੋਗ ਵਿੱਚੋਂ ਉੱਭਰਨ ਵਾਲੀ ਕਿਤਾਬ ਲਿਖ ਕੇ ਲੋਕਾਂ ਦੀ ਹਮਦਰਦੀ ਬਟੋਰਨ ਵਾਲੀ ਇੱਕ ਮਹਿਲਾ ਨੂੰ ਅਦਾਲਤ ਨੇ ਆਪਣੇ ਹੀ ਪਤੀ ਦੇ ਕਤਲ ਦਾ ਦੋਸ਼ੀ ਪਾਇਆ ਹੈ। ਅਦਾਲਤ ਨੇ ਬੁੱਧਵਾਰ ਨੂੰ ਦੋਸ਼ੀ ਮਹਿਲਾ ਨੂੰ ਬਿਨਾਂ ਪੈਰੋਲ ਦੇ ਉਮਰ ਕੈਦ ਦੀ ਸਜ਼ਾ ਸੁਣਾਈ ਹੈ।

ਜਾਣਕਾਰੀ ਅਨੁਸਾਰ, 35 ਸਾਲਾ ਕੂਰੀ ਰਿਚਿੰਸ ਨੂੰ ਮਾਰਚ ਵਿੱਚ ਆਪਣੇ ਪਤੀ ਐਰਿਕ ਰਿਚਿੰਸ ਦੀ ਹੱਤਿਆ ਦਾ ਦੋਸ਼ੀ ਠਹਿਰਾਇਆ ਗਿਆ ਸੀ। ਇਸਤਗਾਸਾ ਪੱਖ ਮੁਤਾਬਕ ਕੂਰੀ ਨੇ 2022 ਵਿੱਚ ਆਪਣੇ ਪਾਰਕ ਸਿਟੀ ਸਥਿਤ ਘਰ ਵਿੱਚ ਐਰਿਕ ਦੇ ਕਾਕਟੇਲ ਵਿੱਚ ਫੈਂਟਾਨਿਲ ਦੀ ਘਾਤਕ ਮਾਤਰਾ ਲੋੜ ਤੋਂ 5 ਗੁਣਾ ਵੱਧ ਮਿਲਾ ਕੇ ਉਸ ਨੂੰ ਮਾਰ ਦਿੱਤਾ ਸੀ। ਇੰਨਾ ਹੀ ਨਹੀਂ, ਉਸ ਨੇ ਵੈਲੇਨਟਾਈਨ ਡੇਅ 'ਤੇ ਵੀ ਐਰਿਕ ਨੂੰ ਜ਼ਹਿਰੀਲਾ ਸੈਂਡਵਿਚ ਖੁਆ ਕੇ ਮਾਰਨ ਦੀ ਕੋਸ਼ਿਸ਼ ਕੀਤੀ ਸੀ, ਪਰ ਉਦੋਂ ਉਹ ਬਚ ਗਿਆ ਸੀ। ਏਰਿਕ ਰਿਚਿੰਸ ਦੇ ਪਿਤਾ, ਯੂਜੀਨ ਰਿਚਿੰਸ ਨੇ ਬੇਨਤੀ ਕੀਤੀ ਸੀ ਕਿ ਉਸਦੇ ਪੋਤੇ-ਪੋਤੀਆਂ ਦੀ ਰੱਖਿਆ ਲਈ ਕੌਰੀ ਨੂੰ ਪੈਰੋਲ ਤੋਂ ਬਿਨਾਂ ਉਮਰ ਕੈਦ ਦੀ ਸਜ਼ਾ ਸੁਣਾਈ ਜਾਵੇ।

ਪੜ੍ਹੋ ਇਹ ਅਹਿਮ ਖ਼ਬਰ- Work From Home ਦੇ ਜਾਰੀ ਹੋ ਗਏ ਹੁਕਮ ! 40 ਦੇਸ਼ਾਂ 'ਚ ਨਿਯਮ ਲਾਗੂ, ਭਾਰਤ 'ਚ ਵੀ ਸ਼ੁਰੂ ਹੋਈ ਤਿਆਰੀ

ਕੂਰੀ ਰਿਚਿੰਸ ਕਰੋੜਾਂ ਡਾਲਰ ਦੇ ਕਰਜ਼ੇ ਵਿੱਚ ਡੁੱਬੀ ਹੋਈ ਸੀ ਅਤੇ ਕਿਸੇ ਹੋਰ ਵਿਅਕਤੀ ਨਾਲ ਆਪਣਾ ਭਵਿੱਖ ਦੇਖ ਰਹੀ ਸੀ। ਉਸ ਨੇ ਆਪਣੇ ਪਤੀ ਦੀ ਜਾਣਕਾਰੀ ਤੋਂ ਬਿਨਾਂ ਕਈ ਜੀਵਨ ਬੀਮਾ ਪਾਲਿਸੀਆਂ ਲਈਆਂ ਹੋਈਆਂ ਸਨ। ਉਸ ਨੂੰ ਉਮੀਦ ਸੀ ਕਿ ਪਤੀ ਦੀ ਮੌਤ ਤੋਂ ਬਾਅਦ ਉਸ ਨੂੰ 40 ਲੱਖ ਡਾਲਰ (ਲਗਭਗ 33 ਕਰੋੜ ਰੁਪਏ) ਤੋਂ ਵੱਧ ਦੀ ਜਾਇਦਾਦ ਅਤੇ ਬੀਮਾ ਰਾਸ਼ੀ ਮਿਲੇਗੀ। ਕਤਲ ਤੋਂ ਬਾਅਦ ਆਪਣੀ ਗ੍ਰਿਫ਼ਤਾਰੀ ਹੋਣ ਤੱਕ ਕੂਰੀ ਨੇ ਇੱਕ ਬੱਚੇ ਦੇ ਪਿਤਾ ਦੀ ਮੌਤ ਦੇ ਦੁੱਖ ਨੂੰ ਦਰਸਾਉਂਦੀ ਇੱਕ ਕਿਤਾਬ ਲਿਖੀ ਅਤੇ ਉਸ ਦਾ ਜ਼ੋਰ-ਸ਼ੋਰ ਨਾਲ ਪ੍ਰਚਾਰ ਕੀਤਾ। ਉਸ ਨੇ ਦੁਨੀਆ ਸਾਹਮਣੇ ਇੱਕ ਦੁਖੀ ਵਿਧਵਾ ਹੋਣ ਦਾ ਡਰਾਮਾ ਕੀਤਾ ਤਾਂ ਜੋ ਕਿਸੇ ਨੂੰ ਉਸ 'ਤੇ ਸ਼ੱਕ ਨਾ ਹੋਵੇ।
 
ਇਸ ਮਾਮਲੇ ਵਿੱਚ ਸਭ ਤੋਂ ਭਾਵੁਕ ਪਲ ਉਦੋਂ ਆਇਆ, ਜਦੋਂ ਕੂਰੀ ਦੇ ਤਿੰਨਾਂ ਪੁੱਤਰਾਂ (ਜਿਨ੍ਹਾਂ ਦੀ ਉਮਰ 9, 7 ਅਤੇ 5 ਸਾਲ ਹੈ) ਦੇ ਬਿਆਨ ਪੜ੍ਹ ਕੇ ਸੁਣਾਏ ਗਏ। ਬੱਚਿਆਂ ਨੇ ਕਿਹਾ, "ਤੁਸੀਂ ਲਾਲਚ ਵਿੱਚ ਸਾਡੇ ਪਿਤਾ ਨੂੰ ਸਾਡੇ ਤੋਂ ਖੋਹ ਲਿਆ।" ਬੱਚਿਆਂ ਨੇ ਦੱਸਿਆ ਕਿ ਜਦੋਂ ਉਨ੍ਹਾਂ ਨੇ ਘੱਟ ਪੱਕਿਆ ਹੋਇਆ ਖਾਣਾ ਖਾਣ ਤੋਂ ਇਨਕਾਰ ਕੀਚਾ, ਤਾਂ ਰਿਚਿੰਸ ਨੇ ਉਨ੍ਹਾਂ ਦੇ ਪਾਲਤੂ ਜਾਨਵਰਾਂ ਨੂੰ ਮਾਰਨ ਦੀ ਧਮਕੀ ਦਿੱਤੀ ਅਤੇ ਉਨ੍ਹਾਂ ਨੂੰ ਜੰਗ ਪ੍ਰਭਾਵਿਤ ਖੇਤਰਾਂ ਵਿੱਚ ਭੁੱਖੇ ਬੱਚਿਆਂ ਦੇ ਵੀਡੀਓ ਦਿਖਾਏ। ਬੱਚਿਆਂ ਨੇ ਅਦਾਲਤ ਨੂੰ ਅਪੀਲ ਕੀਤੀ ਕਿ ਉਨ੍ਹਾਂ ਦੀ ਮਾਂ ਨੂੰ ਕਦੇ ਜੇਲ੍ਹ ਤੋਂ ਬਾਹਰ ਨਾ ਲਿਆਂਦਾ ਜਾਵੇ ਕਿਉਂਕਿ ਉਹ ਉਸ ਨਾਲ ਸੁਰੱਖਿਅਤ ਮਹਿਸੂਸ ਨਹੀਂ ਕਰਦੇ। ਇਸਤਗਾਸਾ ਪੱਖ ਨੇ ਕੂਰੀ ਦੇ ਮੋਬਾਈਲ ਫੋਨ ਤੋਂ ਮਿਲੇ ਸੰਦੇਸ਼ ਅਤੇ ਇੰਟਰਨੈੱਟ ਖੋਜ ਰਿਕਾਰਡ ਵੀ ਪੇਸ਼ ਕੀਤੇ, ਜਿਸ ਵਿੱਚ ਫੈਂਟਾਨਿਲ ਦੀਆਂ ਘਾਤਕ ਖੁਰਾਕਾਂ ਦੀ ਖੋਜ ਅਤੇ ਜ਼ਹਿਰ ਦੇ ਕੇ ਕਤਲ ਨਾਲ ਸਬੰਧਤ ਸਵਾਲ ਸ਼ਾਮਲ ਸਨ। ਹਾਲਾਂਕਿ, ਕੂਰੀ ਖ਼ੁਦ ਨੂੰ ਬੇਕਸੂਰ ਦੱਸਦੀ ਰਹੀ ਹੈ।  ਜੱਜ ਰਿਚਰਡ ਮਰਾਜੀ ਨੇ ਸਜ਼ਾ ਸੁਣਾਉਂਦੇ ਹੋਏ ਕਿਹਾ ਕਿ ਅਜਿਹਾ ਅਪਰਾਧੀ ਸਮਾਜ ਲਈ ਬਹੁਤ ਖ਼ਤਰਨਾਕ ਹੈ ਅਤੇ ਉਹ ਆਜ਼ਾਦ ਰਹਿਣ ਦੇ ਲਾਇਕ ਨਹੀਂ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਜਿਸ ਦਿਨ ਸਜ਼ਾ ਸੁਣਾਈ ਗਈ, ਉਸ ਦਿਨ ਮ੍ਰਿਤਕ ਐਰਿਕ ਰਿਚਿੰਸ ਦਾ 44ਵਾਂ ਜਨਮਦਿਨ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ-  ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।