ਆਸਟ੍ਰੇਲੀਆਈ ਸੂਬੇ ਨੇ ਸਿਹਤ ਵਰਕਰਾਂ ਨੂੰ 20 ਹਜ਼ਾਰ ਡਾਲਰ ਦੇਣ ਦੀ ਕੀਤੀ ਪੇਸ਼ਕਸ਼

ਸਿਡਨੀ- ਆਸਟ੍ਰੇਲੀਆ ਦੇ ਸੂਬੇ ਨਿਊ ਸਾਊਥ ਵੇਲਜ਼ ਨੇ ਹੈਲਥਕੇਅਰ ਵਰਕਰਾਂ ਲਈ ਮਹੱਤਵਪੂਰਨ ਪੇਸ਼ਕਸ਼ ਕੀਤੀ ਹੈ। NSW ਦੇ ਦੂਰ-ਦੁਰਾਡੇ ਖੇਤਰਾਂ ਵਿੱਚ ਕੰਮ ਕਰਨ ਅਤੇ ਸਰਕਾਰ ਦੁਆਰਾ ਹੁਨਰ ਦੀ ਗੰਭੀਰ ਘਾਟ ਨੂੰ ਭਰਨ ਲਈ ਹੈਲਥਕੇਅਰ ਵਰਕਰਾਂ ਨੂੰ 20,000 ਡਾਲਰ ਰਿਟੇਨਸ਼ਨ ਭੁਗਤਾਨ ਦੀ ਪੇਸ਼ਕਸ਼ ਕੀਤੀ ਜਾ ਰਹੀ ਹੈ। ਪੇਂਡੂ ਹੈਲਥ ਵਰਕਫੋਰਸ ਇੰਸੈਂਟਿਵ ਸਕੀਮ ਵਿੱਚ ਤਨਖਾਹ ਵਾਧਾ, ਸਾਈਨ-ਆਨ ਬੋਨਸ ਰੀਲੋਕੇਸ਼ਨ ਸਹਾਇਤਾ ਤੇ ਰਿਹਾਇਸ਼, ਵਾਧੂ ਛੁੱਟੀ ਅਤੇ ਸਿਖਲਾਈ ਤੇ ਸਿੱਖਿਆ ਤੱਕ ਪਹੁੰਚ ਸਮੇਤ ਵਾਧੂ ਲਾਭਾਂ ਦੀ ਇੱਕ ਸ਼੍ਰੇਣੀ ਵੀ ਸ਼ਾਮਲ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ-ਚੀਨ ਉਡਾਣਾਂ ਦੀ ਗਿਣਤੀ ਦੁੱਗਣੀ ਕਰਨ 'ਤੇ ਹੋਏ ਸਹਿਮਤ

ਰੀਟੇਨਸ਼ਨ ਭੁਗਤਾਨ ਪਿਛਲੀ ਪੇਸ਼ਕਸ਼ ਨਾਲੋਂ ਦੁੱਗਣਾ ਹੈ ਕਿਉਂਕਿ ਖੇਤਰੀ ਸਿਹਤ ਜ਼ਿਲ੍ਹੇ ਨਰਸਾਂ ਦੀ ਘਾਟ ਨੂੰ ਪੂਰਾ ਕਰਨ ਲਈ ਸੰਘਰਸ਼ ਕਰ ਰਹੇ ਹਨ। NSW ਸਰਕਾਰ ਇਹ ਪੇਸ਼ਕਸ਼ ਕਰ ਰਹੀ ਹੈ ਕਿਉਂਕਿ ਹੁਨਰ ਦੀ ਘਾਟ ਖੇਤਰੀ, ਪੇਂਡੂ ਅਤੇ ਦੂਰ-ਦੁਰਾਡੇ ਦੇ ਖੇਤਰਾਂ ਵਿੱਚ ਅਸਮਾਨ ਸਿਹਤ ਨਤੀਜਿਆਂ ਵਿੱਚ ਯੋਗਦਾਨ ਪਾ ਰਹੀ ਹੈ। ਉੱਧਰ ਪ੍ਰੀਮੀਅਰ ਕ੍ਰਿਸ ਮਿਨਸ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ "ਭਾਵੇਂ ਤੁਸੀਂ NSW ਵਿੱਚ ਕਿੱਤੇ ਵੀ ਰਹਿੰਦੇ ਹੋਵੋ, ਤੁਹਾਡੀ ਮਹੱਤਵਪੂਰਣ ਸੇਵਾਵਾਂ ਤੱਕ ਪਹੁੰਚ ਹੋਣੀ ਚਾਹੀਦੀ ਹੈ ਪਰ ਇਹ ਸਾਡੇ ਜ਼ਰੂਰੀ ਸਿਹਤ ਕਰਮਚਾਰੀਆਂ ਤੋਂ ਬਿਨਾਂ ਸੰਭਵ ਨਹੀਂ ਹੈ।" ਪ੍ਰੀਮੀਅਰ ਮੁਤਾਬਕ "ਉਹਨਾਂ ਨੂੰ ਭਰੋਸਾ ਹੈ ਕਿ ਪੇਸ਼ਕਸ਼ 'ਤੇ ਪ੍ਰੋਤਸਾਹਨ ਨੂੰ ਦੁੱਗਣਾ ਕਰਕੇ ਉਹ ਖੇਤਰਾਂ ਵਿੱਚ ਵਧੇਰੇ ਸਿਹਤ ਸਟਾਫ ਨੂੰ ਆਕਰਸ਼ਿਤ ਕਰ ਸਕਣਗੇ।" 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।