ਲਿਬਰਲ ਸਾਂਸਦ ਗੁਰਬਖਸ਼ ਸੈਣੀ ਵੱਲੋਂ ਸੰਗੀਤਕ ਸ਼ਾਮ ਦਾ ਆਯੋਜਨ, ਉੱਘੇ ਕਲਾਕਾਰਾਂ ਨੇ ਬੰਨ੍ਹਿਆ ਰੰਗ

Tuesday, Aug 05, 2025 - 09:31 AM (IST)

ਲਿਬਰਲ ਸਾਂਸਦ ਗੁਰਬਖਸ਼ ਸੈਣੀ ਵੱਲੋਂ ਸੰਗੀਤਕ ਸ਼ਾਮ ਦਾ ਆਯੋਜਨ, ਉੱਘੇ ਕਲਾਕਾਰਾਂ ਨੇ ਬੰਨ੍ਹਿਆ ਰੰਗ

ਵੈਨਕੂਵਰ (ਮਲਕੀਤ ਸਿੰਘ)- ਫਲੀਟਵੁੱਡ ਹਲਕੇ ਤੋਂ ਲਿਬਰਲ ਪਾਰਟੀ ਦੇ ਮੌਜੂਦਾ ਸਾਂਸਦ ਗੁਰਬਖਸ਼ ਸੈਣੀ ਵੱਲੋਂ ਆਪਣੀ ਕਾਮਯਾਬੀ ਉਪਰੰਤ ਆਪਣੇ ਸਮਰਥਕਾਂ ਦਾ ਧੰਨਵਾਦ ਕਰਨ ਲਈ ਤਾਜ ਪਾਰਕ 'ਚ ਇੱਕ ਸੰਗੀਤਕ ਸ਼ਾਮ ਅਤੇ ਡਿਨਰ ਪਾਰਟੀ ਦਾ ਆਯੋਜਨ ਕੀਤਾ ਗਿਆ। ਇਸ ਸਮਾਗਮ 'ਚ ਵੱਡੀ ਗਿਣਤੀ 'ਚ ਉਨ੍ਹਾਂ ਦੇ ਸਮਰਥਕਾਂ ਤੇ ਹੋਰਨਾਂ ਪ੍ਰਮੁੱਖ ਸ਼ਖਸੀਅਤਾਂ ਵੱਲੋਂ ਹਾਜ਼ਰੀ ਭਰੀ ਗਈ। 

PunjabKesari

ਇਸ ਸੰਗੀਤਕ ਸ਼ਾਮ ਦੌਰਾਨ ਉੱਘੇ ਪੰਜਾਬੀ ਗਾਇਕ ਕੁਲਵਿੰਦਰ ਧਨੋਆ ਵੱਲੋਂ ਆਪਣੇ ਚੋਣਵੇਂ ਗੀਤਾਂ ਨਾਲ ਰੰਗ ਬੰਨ੍ਹ ਕੇ ਹਾਜ਼ਰ ਲੋਕਾਂ ਦਾ ਭਰਪੂਰ ਮਨੋਰੰਜਨ ਕੀਤਾ ਗਿਆ। ਇਸ ਮੌਕੇ ਚੀਨੀ ਕਲਾਕਾਰਾਂ ਦੀ ਲੇਡੀਜ਼ ਟੀਮ ਵੱਲੋਂ ਚੀਨੀ ਲਹਿਜ਼ੇ 'ਚ ਪੇਸ਼ ਕੀਤਾ ਗਿਆ ਡਾਂਸ ਵੀ ਵੇਖਣਯੋਗ ਸੀ। 

PunjabKesari

ਸੰਗੀਤਕ ਸ਼ਾਮ ਦੌਰਾਨ ਉਭਰਦੇ ਨੌਜਵਾਨ ਗਾਇਕ ਰੂਪ ਸਿੱਧੂ ਵੱਲੋਂ ਲੰਮੀ ਹੇਕ 'ਚ ਗਾਏ ‘ਮਿਰਜ਼ਾ’ ਗੀਤ ਦੀ ਪੇਸ਼ਕਾਰੀ ਨਾਲ ਸਮੁੱਚਾ ਹਾਲ ਹਾਜ਼ਰ ਮਹਿਮਾਨਾਂ ਦੀਆਂ ਤਾੜੀਆਂ ਦੀ ਗੜਗੜਾਹਟ ਨਾਲ ਗੂੰਜ ਉੱਠਿਆ। ਇਸ ਮੌਕੇ ਸਾਂਸਦ ਗੁਰਬਖਸ ਸੈਣੀ ਵੱਲੋਂ ਆਪਣੇ ਸਿਆਸੀ ਸਫਰ ਦਾ ਜ਼ਿਕਰ ਕਰਦੇ ਹੋਏ ਆਪਣੇ ਸਮਰਥਕਾਂ ਤੇ ਬਾਕੀ ਆਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਗਿਆ। 

PunjabKesari

ਉੱਘੇ ਬਿਜ਼ਨੈੱਸਮੈਨ ਮਨਜੀਤ ਸੈਣੀ ,ਚਰਨਜੀਤ ਸੈਣੀ, ਵਕੀਲ ਜਗਮੋਹਨ ਸਿੰਘ, ਇਸਵਿੰਦਰ ਘੱਗ, ਰਾਣਾ ਕੰਗ ਗੁਰਪ੍ਰੀਤ ਸਰਪੰਚ ,ਦੀਪ ਬਾਜਪੁਰੀਆ, ਡਾਕਟਰ ਨਿਰਮਲ ਰੰਧਾਵਾ, ਰਵੀ ਭੁੱਲਰ, ਨਵਰੋਜ ਗੋਲਡੀ ਭੱਟੀ, ਨਿਰਮਲ ਸਿੰਘ, ਪ੍ਰਦੀਪ ਸੰਘਾ, ਕਰਮਵੀਰ ਸੰਧੂ ਅਤੇ ਗੈਰੀ ਥਿੰਦ ਆਦਿ ਹਾਜ਼ਰ ਸਨ।

PunjabKesari

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e


author

Harpreet SIngh

Content Editor

Related News