ਬਲੋਚਿਸਤਾਨ ’ਚ ਬੰਦੂਕਧਾਰੀਆਂ ਨੇ 2 ਪਾਕਿ ਫੌਜੀਆਂ ਨੂੰ ਮਾਰ ਦਿੱਤਾ

ਬਲੋਚਿਸਤਾਨ– ਬਲੋਚਿਸਤਾਨ ਸੂਬੇ ਦੇ ਕੇਚ ਜ਼ਿਲੇ ’ਚ ਬੰਦੂਕਧਾਰੀਆਂ ਦੇ ਹਮਲੇ ਵਿਚ 2 ਪਾਕਿਸਤਾਨੀ ਸੈਨਿਕ ਮਾਰੇ ਗਏ ਅਤੇ ਇਕ ਹੋਰ ਜ਼ਖ਼ਮੀ ਹੋ ਗਿਆ। ਹਮਲਾਵਰਾਂ ਨੇ ਫਰੰਟੀਅਰ ਕੋਰ ਦੱਖਣ ਦੇ ਜਵਾਨਾਂ ਦੇ ਕਾਫਿਲੇ ’ਤੇ ਗੋਲੀਆਂ ਚਲਾਈਆਂ। ਸੁਰੱਖਿਆ ਬਲਾਂ ਦੇ ਮੈਂਬਰਾਂ ਨੇ ਤੁਰੰਤ ਜਵਾਬੀ ਕਾਰਵਾਈ ਕੀਤੀ ਪਰ ਹਮਲਾਵਰ ਭੱਜਣ ਵਿਚ ਕਾਮਯਾਬ ਹੋ ਗਏ। ਕਲਾਤ ਦੇ ਨੇੜੇ ਇਕ ਹੋਰ ਅੱਤਵਾਦੀ ਘਟਨਾ ਵਿਚ, ਕੁਝ ਮੋਟਰਸਾਈਕਲ ਸਵਾਰਾਂ ਨੇ ਹਾਈਵੇ ਉੱਤੇ ਗਸ਼ਤ ਕਰ ਰਹੇ ਪੁਲਸ ਵਾਹਨ ਉੱਤੇ ਗ੍ਰੇਨੇਡ ਸੁੱਟਿਆ। ਗ੍ਰੇਨੇਡ ਗੱਡੀ ਦੇ ਨੇੜੇ ਫਟਿਆ ਜਿਸ ਕਾਰਨ 2 ਪੁਲਸ ਕਰਮਚਾਰੀ ਅਤੇ 2 ਹੋਰ ਜ਼ਖਮੀ ਹੋ ਗਏ।