ਐਸੀ ਮਸ਼ੂਕ ਵੀ ਕਿਸੇ ਦੀ ਨਾ ਹੋਵੇ..! ਮੁੰਡੇ ਦੀ ਲੱਗੀ 30 ਕਰੋੜ ਦੀ ਲਾਟਰੀ ਤਾਂ ਪੈਸੇ ਲੈ ਦੂਜੇ ਪ੍ਰੇਮੀ ਨਾਲ ਹੋ ਗਈ ਫਰਾਰ

ਇੰਟਰਨੈਸ਼ਨਲ ਡੈਸਕ- ਕੁਝ ਲੋਕਾਂ ਨੂੰ ਅਕਸਰ ਪਿਆਰ ਵਿਚ ਧੋਖਾ ਮਿਲਦਾ ਹੈ। ਇਸੇ ਤਰ੍ਹਾਂ ਦਾ ਇਕ ਮਾਮਲਾ ਕੈਨੇਡਾ ਤੋਂ ਸਾਹਮਣੇ ਆਇਆ ਹੈ। ਇੱਕ ਕੈਨੇਡੀਅਨ ਵਿਅਕਤੀ ਨੂੰ ਇਸ ਤਰ੍ਹਾਂ ਧੋਖਾ ਦਿੱਤਾ ਗਿਆ ਕਿ ਹੁਣ ਉਹ ਅਦਾਲਤ ਜਾਣ ਲਈ ਮਜਬੂਰ ਹੈ। ਹਾਲਾਂਕਿ ਉਹ ਖੁਦ ਵੀ ਇਸ ਲਈ ਜ਼ਿੰਮੇਵਾਰ ਹੈ। ਉਸਨੇ ਲਾਟਰੀ ਵਿੱਚ 30 ਕਰੋੜ ਰੁਪਏ ਦੀ ਵੱਡੀ ਰਕਮ ਜਿੱਤੀ ਸੀ ਪਰ ਉਸ ਦੀ ਗਰਲਫ੍ਰੈਂਡ ਵੱਲੋਂ ਮਿਲੇ ਧੋਖੇ ਨੇ ਉਸ ਨੂੰ ਅਦਾਲਤ ਦੇ ਚੱਕਰ ਕੱਟਣ ਲਈ ਮਜਬੂਰ ਕਰ ਦਿੱਤਾ ਹੈ।

ਪੈਸੇ ਲੈ ਕੇ ਦੂਜੇ ਬੁਆਏਫ੍ਰੈਂਡ ਨਾਲ ਫਰਾਰ ਹੋਈ ਗਰਲਫ੍ਰੈਂਡ

ਮੀਡੀਆ ਰਿਪੋਰਟਾਂ ਅਨੁਸਾਰ ਕੈਨੇਡਾ ਦੇ ਵਿਨੀਪੈਗ ਸ਼ਹਿਰ ਵਿਚ ਰਹਿਣ ਵਾਲੇ ਲਾਰੈਂਸ ਕੈਂਪਬੈਲ ਨੇ 2024 ਵਿੱਚ ਇਹ ਲਾਟਰੀ ਜਿੱਤੀ। ਇਸ ਜਿੱਤ ਤੋਂ ਬਾਅਦ ਆਪਣੀ ਗਰਲਫ੍ਰੈਂਡ 'ਤੇ ਭਰੋਸਾ ਕਰਦੇ ਹੋਏ, ਉਸਨੇ ਪੈਸਿਆਂ ਦਾ ਦਾਅਵਾ ਕਰਨ ਦੀ ਪ੍ਰਕਿਰਿਆ ਉਸਨੂੰ ਸੌਂਪ ਦਿੱਤੀ। ਅਸਲ ਵਿਚ ਲਾਰੈਂਸ ਕੋਲ ਵੈਧ ਪਛਾਣ ਪੱਤਰ ਨਹੀਂ ਸੀ। ਇਸ ਲਈ ਲਾਟਰੀ ਅਧਿਕਾਰੀਆਂ ਨੇ ਸਲਾਹ ਦਿੱਤੀ ਸੀ ਕਿ ਕਿਸੇ ਹੋਰ ਦੇ ਨਾਮ ਨਾਲ ਪੈਸਿਆਂ ਲਈ ਦਾਅਵਾ ਕਰ ਦੇਵੇ। ਕਿਉਂਕਿ ਉਸਦੀ ਗਰਲਫ੍ਰੈਂਡ ਦਾ ਬੈਂਕ ਖਾਤਾ ਪੂਰੀ ਤਰ੍ਹਾਂ ਵੈਧ ਸੀ, ਇਸ ਲਈ ਲਾਰੈਂਸ ਨੇ ਉਸ 'ਤੇ ਭਰੋਸਾ ਕਰ ਲਿਆ। ਹਾਲਾਂਕਿ ਪੈਸੇ ਮਿਲਣ ਤੋਂ ਬਾਅਦ ਕ੍ਰਿਸਟਲ ਹੌਲੀ-ਹੌਲੀ ਦੂਰੀ ਬਣਾਈ ਰੱਖਣ ਲੱਗ ਪਈ। ਕੁਝ ਦਿਨਾਂ ਦੇ ਅੰਦਰ ਉਹ ਪੂਰੀ ਤਰ੍ਹਾਂ ਗਾਇਬ ਹੋ ਗਈ ਅਤੇ ਉਸਨੇ ਲਾਰੈਂਸ ਨੂੰ ਇਹ ਦੱਸਣਾ ਵੀ ਉਚਿਤ ਨਹੀਂ ਸਮਝਿਆ ਕਿ ਉਹ ਕਿੱਥੇ ਜਾ ਰਹੀ ਹੈ। ਬਹੁਤ ਜਾਂਚ ਤੋਂ ਬਾਅਦ ਉਸਨੂੰ ਪਤਾ ਲੱਗਾ ਕਿ ਉਹ ਕਿਸੇ ਹੋਰ ਦੇ ਸੰਪਰਕ ਵਿੱਚ ਹੈ ਅਤੇ ਉਸ ਨੇ ਇੱਕ ਨਵੀਂ ਜ਼ਿੰਦਗੀ ਸ਼ੁਰੂ ਕਰ ਦਿੱਤੀ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਜਾਨ ਜ਼ੋਖਮ 'ਚ ਪਾ ਲਗਭਗ 1,200 ਪ੍ਰਵਾਸੀ ਪਹੁੰਚੇ ਬ੍ਰਿਟੇਨ 

ਖੜਕਾਇਆ ਅਦਾਲਤ ਦਾ ਦਰਵਾਜ਼ਾ 

ਲਾਰੈਂਸ ਨੇ ਆਪਣੇ ਨਾਲ ਹੋਏ ਧੋਖੇ ਨੂੰ ਲੈ ਕੇ ਅਦਾਲਤ ਦਾ ਦਰਵਾਜ਼ਾ ਖੜਕਾਇਆ ਹੈ। ਲਾਰੈਂਸ ਨੇ ਇਹ ਕੇਸ ਮੈਨੀਟੋਬਾ ਦੀ ਕੋਰਟ ਆਫ ਕਿੰਗਸ ਬੈਂਚ ਵਿਚ ਦਾਇਰ ਕੀਤਾ ਹੈ। ਉਸਨੇ ਆਪਣੀ ਗਰਲਫ੍ਰੈਂਡ ਵਿਰੁੱਧ ਧੋਖਾਧੜੀ ਅਤੇ ਜਾਇਦਾਦ ਹੜੱਪਣ ਦਾ ਕੇਸ ਵੀ ਦਾਇਰ ਕੀਤਾ ਹੈ। ਉਸਨੇ ਅਦਾਲਤ ਤੋਂ ਇਹ ਵੀ ਮੰਗ ਕੀਤੀ ਹੈ ਕਿ ਲਾਟਰੀ ਦੇ ਪੂਰੇ ਪੈਸੇ ਉਸਨੂੰ ਦਿੱਤੇ ਜਾਣ। ਨਾਲ ਹੀ ਕ੍ਰਿਸਟਲ ਨੂੰ ਅਜਿਹਾ ਕਰਨ ਲਈ ਸਖ਼ਤ ਤੋਂ ਸਖ਼ਤ ਸਜ਼ਾ ਮਿਲਣੀ ਚਾਹੀਦੀ ਹੈ। ਮੈਨੀਟੋਬਾ ਦੇ ਕਿੰਗਜ਼ ਬੈਂਚ ਕੋਰਟ ਵਿੱਚ ਦਾਇਰ ਕੀਤੇ ਗਏ ਲਾਰੈਂਸ ਕੈਂਪਬੈਲ ਦੇ ਕੇਸ ਵਿੱਚ WCLC ਅਤੇ ਮੈਨੀਟੋਬਾ ਲਿਕਰ ਐਂਡ ਲਾਟਰੀਜ਼ ਦਾ ਵੀ ਨਾਮ ਹੈ। ਉਸਨੇ ਏਜੰਸੀਆਂ 'ਤੇ ਗਲਤ ਸਲਾਹ ਦੇਣ ਅਤੇ ਕਿਸੇ ਹੋਰ ਵੱਲੋਂ ਉਸਦੀ ਤਰਫੋਂ ਲਾਟਰੀ ਇਨਾਮ ਦਾ ਦਾਅਵਾ ਕਰਨ ਦੇ ਜੋਖਮਾਂ ਬਾਰੇ ਚੇਤਾਵਨੀ ਦੇਣ ਵਿੱਚ ਅਸਫਲ ਰਹਿਣ ਦਾ ਦੋਸ਼ ਲਗਾਇਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।