ਭਾਰਤੀ ਮੂਲ ਦੀ ਗਰਿਮਾ ਵਰਮਾ ਆਗਾਮੀ ਪ੍ਰਥਮ ਬੀਬੀ ਦੇ ਦਫਤਰ ''ਚ ਡਿਜੀਟਲ ਡਾਇਰੈਕਟਰ ਦੇ ਤੌਰ ''ਤੇ ਨਾਮਜ਼ਦ
01/15/2021 6:02:47 PM
ਵਾਸ਼ਿੰਗਟਨ (ਭਾਸ਼ਾ): ਅਮਰੀਕਾ ਦੇ ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਜੋਅ ਬਾਈਡੇਨ ਦੀ ਪਤਨੀ ਜਿਲ ਬਾਈਡੇਨ ਨੇ ਭਾਰਤੀ ਮੂਲ ਦੀ ਗਰਿਮਾ ਵਰਮਾ ਨੂੰ ਆਪਣੇ ਦਫਤਰ ਵਿਚ ਡਿਜੀਟਲ ਡਾਇਰੈਕਟਰ ਅਤੇ ਮਾਇਕਲ ਲਾਰੋਸਾ ਨੂੰ ਪ੍ਰੈੱਸ ਸਕੱਤਰ ਦੇ ਤੌਰ 'ਤੇ ਨਾਮਜ਼ਦ ਕੀਤਾ ਹੈ। ਬਾਈਡੇਨ ਦੀ ਟੀਮ ਨੇ ਇਹ ਜਾਣਕਾਰੀ ਦਿੱਤੀ। ਬਾਈਡੇਨ ਦੇ 20 ਜਨਵਰੀ ਨੂੰ ਰਾਸ਼ਟਰਪਤੀ ਅਹੁਦੇ ਦਾ ਕਾਰਜਕਾਲ ਸੰਭਾਲਣ ਦੇ ਬਾਅਦ ਜਿਲ ਬਾਈਡੇਨ ਅਮਰੀਕਾ ਦਾ ਪ੍ਰਥਮ ਬੀਬੀ ਹੋਵੇਗੀ।
ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਨੇ ਵੀ ਪ੍ਰਥਮ ਬੀਬੀ ਦੇ ਦਫਤਰ ਵਿਚ ਵਧੀਕ ਮੈਂਬਰਾਂ ਦੀ ਘੋਸ਼ਣਾ ਕੀਤੀ ਅਤੇ 'ਜੁਆਇਨਿੰਗ ਫੋਰਸਿਸ' ਪਹਿਲ ਦੇ ਤੌਰ 'ਤੇ ਨਵੇਂ ਕਾਰਜਕਾਰੀ ਡਾਇਰੈਕਟਰ ਦੇ ਤੌਰ 'ਤੇ ਰੋਰੀ ਬ੍ਰੇਸਿਅਸ ਨੂੰ ਨਾਮਜ਼ਦ ਕੀਤਾ। ਟੀਮ ਨੇ ਦੱਸਿਆ ਕਿ ਗਰਿਮਾ ਓਹਾਓ ਅਤੇ ਕੈਲੀਫੋਰਨੀਆ ਦੇ ਸੈਂਟਰਲ ਵੈਲੀ ਵਿਚ ਵੱਡੀ ਹੋਈ ਹੈ ਅਤੇ ਉਹਨਾਂ ਦਾ ਜਨਮ ਭਾਰਤ ਵਿਚ ਹੋਇਆ ਹੈ। ਗਰਿਮਾ ਬਾਈਡੇਨ-ਹੈਰਿਸ ਦੀ ਚੋਣ ਪ੍ਰਚਾਰ ਮੁਹਿੰਮ ਦਾ ਵੀ ਹਿੱਸਾ ਸੀ। ਇਸ ਤੋਂ ਪਹਿਲਾਂ ਉਹ ਮਨੋਰੰਜਨ ਦੀ ਦੁਨੀਆ ਦਾ ਹਿੱਸਾ ਰਹਿ ਚੁੱਕੀ ਹੈ। ਉਹ ਪਾਰਾਮਾਊਂਟ ਪਿਕਚਰਸ ਵਿਚ ਮਾਰਕੀਟਿੰਗ ਫਿਲਮਾਂ ਅਤੇ ਵਾਲਟ ਡਿਜ਼ਨੀ ਕੰਪਨੀ ਦੇ ਏ.ਬੀ.ਸੀ. ਨੈੱਟਵਰਕ ਵਿਚ ਟੀਵੀ ਪ੍ਰੋਗਰਾਮਾਂ ਦੇ ਲਈ ਕੰਮ ਕਰ ਚੁੱਕੀ ਹੈ। ਉਹਨਾਂ ਨੇ ਮੀਡੀਆ ਏਜੰਸੀ ਹੋਰਿਜਨ ਦੇ ਨਾਲ ਵੀ ਕੰਮ ਕੀਤਾ ਹੈ।
ਗਰਿਮਾ ਕੋਈ ਛੋਟੇ-ਮੋਟੇ ਕਾਰੋਬਾਰ ਅਤੇ ਗੈਰ ਲਾਭਕਾਰੀ ਸੰਸਥਾਵਾਂ ਦੇ ਲਈ ਮਾਰਕੀਟਿੰਗ, ਡਿਜ਼ਾਈਨ, ਅਤੇ ਡਿਜੀਟਲ ਵਿਚ ਸੁਤੰਤਰ ਸਲਾਹਕਾਰ ਦੇ ਤੌਰ 'ਤੇ ਸੇਵਾ ਦੇ ਚੁੱਕੀ ਹੈ। ਟੀਮ ਨੇ ਦੱਸਿਆ ਕਿ ਅਮਰੀਕਾ ਵਿਚ ਰਾਸ਼ਟਰਪਤੀ ਚੋਣਾਂ ਦੇ ਦੌਰਾਨ ਚੋਣ ਪ੍ਰਚਾਰ ਮੁਹਿੰਮ ਨਾਲ ਜੁੜੇ ਅਤੇ ਹੁਣ ਬਾਈਡੇਨ-ਹੈਰਿਸ ਟੀਮ ਦਾ ਹਿੱਸਾ ਬਣੇ ਲਾਰੋਸਾ ਡਾਕਟਰ ਜਿਲ ਬਾਈਡੇਨ ਦੇ ਪ੍ਰੈੱਸ ਸਕੱਤਰ ਅਤੇ ਮੁੱਖ ਬੁਲਾਰੇ ਸਨ। ਲਾਰੋਸਾ ਨੈਨਸੀ ਪੇਲੋਸੀ ਦੇ ਦਫਤਰ ਵਿਚ ਹਾਊਸ ਡੈਮੋਕ੍ਰੈਟਿਕ ਪਾਲਿਸੀ ਕਮਿਊਨਿਕੇਸ਼ਨਸ ਕਮੇਟੀ ਦੇ ਲਈ ਸੰਚਾਰ ਡਾਇਰੈਕਟਰ ਸਨ। ਜਿਹੜੇ ਹੋਰ ਲੋਕਾਂ ਨੂੰ ਨਾਮਜ਼ਦ ਕੀਤਾ ਗਿਆ ਹੈ ਉਹਨਾਂ ਵਿਚ ਗਿਨਾ ਲੀ, ਵਨੇਸਾ ਲਾਯਨ ਅਤੇ ਜੌਰਡਨ ਮੋਂਟੋਯਾ ਦੇ ਨਾਮ ਸ਼ਾਮਲ ਹਨ।
ਪੜ੍ਹੋ ਇਹ ਅਹਿਮ ਖਬਰ- ਇੰਡੋਨੇਸ਼ੀਆ 'ਚ ਭੂਚਾਲ ਦੇ ਤੇਜ਼ ਝਟਕੇ, ਹੁਣ ਤੱਕ 7 ਲੋਕਾਂ ਦੀ ਮੌਤ ਤੇ ਸੈਂਕੜੇ ਜ਼ਖਮੀ (ਵੀਡੀਓ)
ਜਿਲ ਬਾਈਡੇਨ ਨੇ ਕਿਹਾ,''ਆਪਣੇ ਵਿਭਿੰਨਤਾ ਵਾਲੇ ਪਿਛੋਕੜ ਦੇ ਨਾਲ ਇਹ ਸਮਰਪਿਤ ਅਤੇ ਕੁਸ਼ਲ ਲੋਕ ਸੇਵਕ ਇਕ ਅਜਿਹੇ ਪ੍ਰਸ਼ਾਸਨ ਦੇ ਨਿਰਮਾਣ ਵਿਚ ਵਚਨਬੱਧ ਹੋਣਗੇ ਜੋ ਅਮਰੀਕਾ ਦੇ ਲੋਕਾਂ ਦੇ ਵਿਕਾਸ ਵਿਚ ਸਹਿਯੋਗ ਕਰੇਗਾ।'' ਬਾਈਡੇਨ ਦੀ ਟੀਮ ਨੇ ਕਿਹਾ ਕਿ ਇਹ ਕੁਸ਼ਲ ਅਤੇ ਤਜਰਬੇਕਾਰ ਲੋਕ ਡਾਕਟਰ ਜਿਲ ਬਾਈਡੇਨ ਦੇ ਨਾਲ ਕੰਮ ਕਰਨਗੇ ਅਤੇ ਉਹਨਾਂ ਦੇ ਦਫਤਰ ਦੇ ਕੰਮਕਾਜ ਵਿਚ ਅਹਿਮ ਭੂਮਿਕਾ ਨਿਭਾਉਣਗੇ।
ਨੋਟ- ਉਕਤ ਖ਼ਬਰ ਬਾਰੇ ਦੱਸੋ ਆਪਣੀ ਰਾਏ।
