ਫਰਾਂਸ ਵਧਾਏਗਾ ਆਪਣੀ Nuclear power; 53.6 ਅਰਬ ਡਾਲਰ ਦੇ ਰੱਖਿਆ ਬਜਟ ਦਾ ਐਲਾਨ

ਇੰਟਰਨੈਸ਼ਨਲ ਡੈਸਕ: ਫਰਾਂਸ ਨੇ ਆਪਣੀ ਪਰਮਾਣੂ ਪ੍ਰਤੀਰੋਧਕ ਸਮਰੱਥਾ ਨੂੰ ਮਜ਼ਬੂਤ ਕਰਨ ਲਈ ਵੱਡਾ ਕਦਮ ਚੁੱਕਦਿਆਂ ਆਪਣੇ ਰੱਖਿਆ ਬਜਟ ਵਿੱਚ ਭਾਰੀ ਵਾਧੇ ਦਾ ਐਲਾਨ ਕੀਤਾ ਹੈ। ਅੱਪਡੇਟ ਕੀਤੇ ਮਿਲਟਰੀ ਪਲੈਨਿੰਗ ਕਾਨੂੰਨ ਦੇ ਤਹਿਤ ਫਰਾਂਸ ਅਗਲੇ ਚਾਰ ਸਾਲਾਂ (2030 ਤੱਕ) ਵਿੱਚ ਆਪਣੇ ਰੱਖਿਆ ਖਰਚੇ ਵਿੱਚ 36 ਅਰਬ ਯੂਰੋ (ਲਗਭਗ 53.6 ਅਰਬ ਡਾਲਰ) ਹੋਰ ਜੋੜਨ ਦੀ ਯੋਜਨਾ ਬਣਾ ਰਿਹਾ ਹੈ।

ਪਰਮਾਣੂ ਹਥਿਆਰਾਂ ਦੀ ਗਿਣਤੀ 'ਚ ਹੋਵੇਗਾ ਵਾਧਾ 

ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਂ ਨੇ ਸੰਕੇਤ ਦਿੱਤਾ ਹੈ ਕਿ ਆਉਣ ਵਾਲੇ 50 ਸਾਲ ਪਰਮਾਣੂ ਹਥਿਆਰਾਂ ਦਾ ਯੁੱਗ ਹੋਣ ਜਾ ਰਹੇ ਹਨ। ਇਸ ਰਣਨੀਤੀ ਦੇ ਤਹਿਤ ਫਰਾਂਸ ਆਪਣੇ ਪਰਮਾਣੂ ਹਥਿਆਰਾਂ ਦੀ ਗਿਣਤੀ ਨੂੰ ਮੌਜੂਦਾ 300 ਦੇ ਪੱਧਰ ਤੋਂ ਵਧਾਏਗਾ। ਇਸ ਦੇ ਨਾਲ ਹੀ ਮਿਜ਼ਾਈਲਾਂ ਅਤੇ ਡਰੋਨਾਂ ਦੇ ਸਟਾਕ ਨੂੰ ਵੀ ਮਜ਼ਬੂਤ ਕੀਤਾ ਜਾਵੇਗਾ। ਬ੍ਰਿਟੇਨ, ਜਰਮਨੀ, ਪੋਲੈਂਡ ਅਤੇ ਸਵੀਡਨ ਵਰਗੇ ਯੂਰਪੀ ਦੇਸ਼ ਵੀ ਫਰਾਂਸ ਦੀ ਇਸ ਨਵੀਂ ਉੱਨਤ ਰਣਨੀਤੀ ਵਿੱਚ ਹਿੱਸਾ ਲੈਣ ਲਈ ਸਹਿਮਤ ਹੋ ਗਏ ਹਨ।

ਪੜ੍ਹੋ ਇਹ ਅਹਿਮ ਖ਼ਬਰ-  ਮਾਰਿਆ ਗਿਆ ਹਿਜ਼ਬੁੱਲਾ ਚੀਫ ਦਾ ਭਤੀਜਾ! ਇਜ਼ਰਾਈਲ ਨੇ ਕੀਤਾ ਵੱਡਾ ਦਾਅਵਾ

ਟਰੰਪ ਅਤੇ ਰੂਸ ਕਾਰਨ ਵਧਿਆ ਸੁਰੱਖਿਆ ਦਬਾਅ 

ਫਰਾਂਸ ਸਰਕਾਰ ਨੇ ਇਹ ਫੈਸਲਾ ਯੂਰੋ ਜ਼ੋਨ ਦੇ ਸਭ ਤੋਂ ਵੱਡੇ ਬਜਟ ਘਾਟੇ ਦੇ ਬਾਵਜੂਦ ਲਿਆ ਹੈ। ਰਿਪੋਰਟਾਂ ਅਨੁਸਾਰ, ਰੂਸ-ਯੂਕਰੇਨ ਜੰਗ ਅਤੇ ਪੱਛਮੀ ਏਸ਼ੀਆ ਵਿੱਚ ਜਾਰੀ ਸੰਘਰਸ਼ ਨੇ ਸੁਰੱਖਿਆ ਚਿੰਤਾਵਾਂ ਵਧਾ ਦਿੱਤੀਆਂ ਹਨ। ਇਸ ਤੋਂ ਇਲਾਵਾ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੱਲੋਂ ਨਾਟੋ (NATO) ਤੋਂ ਵੱਖ ਹੋਣ ਦੀਆਂ ਵਾਰ-ਵਾਰ ਦਿੱਤੀਆਂ ਧਮਕੀਆਂ ਨੇ ਯੂਰਪੀ ਦੇਸ਼ਾਂ ਵਿੱਚ ਅਨਿਸ਼ਚਿਤਤਾ ਦਾ ਮਾਹੌਲ ਪੈਦਾ ਕਰ ਦਿੱਤਾ ਹੈ, ਜਿਸ ਕਾਰਨ ਫਰਾਂਸ ਆਪਣੀ ਸੁਰੱਖਿਆ ਲਈ ਖੁਦ ਨੂੰ ਤਿਆਰ ਕਰ ਰਿਹਾ ਹੈ।

 ਪੜ੍ਹੋ ਇਹ ਅਹਿਮ ਖ਼ਬਰ-  'ਹੋਮੁਰਜ਼ ਤੋਂ ਲੰਘਣ ਲਈ ਭੁਗਤਾਨ ਕਰਨਾ ਸਵੀਕਾਰ ਨਹੀਂ'; ਮਿਤਸੋਤਾਕਿਸ ਦੀ ਈਰਾਨ ਨੂੰ ਦੋ-ਟੁੱਕ 

ਬਜਟ ਵਿੱਚ ਇਤਿਹਾਸਕ ਵਾਧਾ 

ਨਵੇਂ ਕਾਨੂੰਨ ਦੇ ਤਹਿਤ ਫਰਾਂਸ ਦਾ ਰੱਖਿਆ ਖਰਚਾ ਇਸ ਦਹਾਕੇ ਦੇ ਅੰਤ ਤੱਕ ਜੀਡੀਪੀ (GDP) ਦੇ ਮੌਜੂਦਾ 2 ਪ੍ਰਤੀਸ਼ਤ ਤੋਂ ਵਧ ਕੇ 2.5 ਪ੍ਰਤੀਸ਼ਤ ਹੋ ਜਾਵੇਗਾ। ਸਾਲ 2030 ਤੱਕ ਸਾਲਾਨਾ ਬਜਟ 76.3 ਅਰਬ ਯੂਰੋ ਤੱਕ ਪਹੁੰਚਣ ਦੀ ਉਮੀਦ ਹੈ, ਜੋ ਕਿ 2017 ਦੇ ਬਜਟ ਨਾਲੋਂ ਦੁੱਗਣਾ ਹੋਵੇਗਾ। ਫਰਾਂਸ ਹੁਣ 2,500 ਕਿਲੋਮੀਟਰ ਤੱਕ ਮਾਰ ਕਰਨ ਵਾਲੀਆਂ ਨਵੀਆਂ ਰਵਾਇਤੀ ਬੈਲਿਸਟਿਕ ਮਿਜ਼ਾਈਲਾਂ 'ਤੇ ਵੀ ਕੰਮ ਕਰ ਰਿਹਾ ਹੈ। ਫਰਾਂਸ ਦੀ ਰੱਖਿਆ ਮੰਤਰੀ ਕੈਥਰੀਨ ਵੌਟਰਿਨ ਨੇ ਕਿਹਾ ਕਿ ਅੰਤਰਰਾਸ਼ਟਰੀ ਭੂ-ਰਾਜਨੀਤੀ ਵਿੱਚ ਆਏ 'ਗਹਿਰੇ ਅਤੇ ਕਠੋਰ' ਬਦਲਾਅ ਨੇ ਦੇਸ਼ ਨੂੰ ਤੇਜ਼ੀ ਨਾਲ ਅੱਗੇ ਵਧਣ ਲਈ ਮਜਬੂਰ ਕੀਤਾ ਹੈ। ਫਰਾਂਸ ਨੇ ਦੁਨੀਆ ਵਿੱਚ ਹੋ ਰਹੇ ਬਹੁ-ਆਯਾਮੀ ਸੰਘਰਸ਼ਾਂ ਦੇ ਬਦਲਾਅ ਨੂੰ ਸਵੀਕਾਰ ਕਰਦਿਆਂ ਆਪਣੀ ਸੁਰੱਖਿਆ ਨੀਤੀ ਵਿੱਚ ਇਹ ਵੱਡੀ ਤਬਦੀਲੀ ਕੀਤੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

 
ਨੋਟ-  ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।