"ਕੌਣ ਬਣਨਾ ਚਾਹੇਗਾ ਈਰਾਨ ਦਾ ਰਾਸ਼ਟਰਪਤੀ"!  ਰੈਲੀ ''ਚ ਡੋਨਾਲਡ ਟਰੰਪ ਨੇ ਪੁੱਛ ਲਿਆ ਸਵਾਲ

ਐਰੀਜ਼ੋਨਾ [ਅਮਰੀਕਾ] (ਏਐਨਆਈ): ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਈਰਾਨ ਨੂੰ ਲੈ ਕੇ ਲਗਾਤਾਰ ਬਿਆਨਬਾਜ਼ੀ ਕਰਦੇ ਰਹੇ ਹਨ। ਹਾਲ ਹੀ ਵਿਚ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਅਰੀਜ਼ੋਨਾ ਵਿੱਚ ਇੱਕ ਚੋਣ ਰੈਲੀ ਦੌਰਾਨ ਈਰਾਨ ਬਾਰੇ ਗੱਲ ਕਰਦਿਆਂ ਪੁੱਛਿਆ ਕਿ ਕੌਣ ਇਰਾਨ ਦਾ ਰਾਸ਼ਟਰਪਤੀ ਬਣਨਾ ਚਾਹੇਗਾ। ਰੈਲੀ ਵਿੱਚ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਟਰੰਪ ਨੇ ਕਿਹਾ, "ਕੌਣ ਇਰਾਨ ਦਾ ਰਾਸ਼ਟਰਪਤੀ ਬਣਨਾ ਚਾਹੇਗਾ? ਕਿਰਪਾ ਕਰਕੇ ਆਪਣਾ ਹੱਥ ਖੜ੍ਹਾ ਕਰੋ। ਨਹੀਂ, ਮੈਂ ਨਹੀਂ ਬਣਨਾ ਚਾਹੁੰਦਾ"। ਇਸ ਤੋਂ ਬਾਅਦ ਟਰੰਪ ਨੇ ਮੰਨਿਆ ਕਿ ਸ਼ਾਇਦ ਉਹ ਆਪਣੀਆਂ ਟਿੱਪਣੀਆਂ ਵਿੱਚ ਕੁਝ ਜ਼ਿਆਦਾ ਅੱਗੇ ਨਿਕਲ ਗਏ ਸਨ ਅਤੇ ਕਿਹਾ, "ਮੈਂ ਮਾਫ਼ੀ ਚਾਹੁੰਦਾ ਹਾਂ ਕਿਉਂਕਿ ਮੈਨੂੰ ਨਹੀਂ ਪਤਾ ਕਿ ਅਸੀਂ ਕਿਸ ਨਾਲ ਸਿੱਝ ਰਹੇ ਹਾਂ"।

ਇਸ ਤੋਂ ਪਹਿਲਾਂ, ਅਲਾਸਕਾ ਵਿੱਚ ਆਪਣੀ ਚੋਣ ਮੁਹਿੰਮ ਦੌਰਾਨ ਟਰੰਪ ਨੇ ਕਿਹਾ ਸੀ, "ਉਦੋਂ ਤੱਕ ਉਡੀਕ ਕਰੋ ਜਦੋਂ ਤੱਕ ਤੁਸੀਂ ਇਹ ਨਹੀਂ ਦੇਖ ਲੈਂਦੇ ਕਿ ਅਸੀਂ ਈਰਾਨ ਨਾਲ ਕੀ ਕਰਨ ਜਾ ਰਹੇ ਹਾਂ। ਅਸੀਂ ਕੁਝ ਵੱਡਾ ਕਰਨ ਵਾਲੇ ਹਾਂ। ਬਸ ਦੇਖਦੇ ਰਹੋ... ਅਸਲ ਗੱਲ ਇਹ ਹੈ ਕਿ ਉਨ੍ਹਾਂ ਕੋਲ ਕੋਈ ਪ੍ਰਮਾਣੂ ਹਥਿਆਰ ਨਹੀਂ ਹੋਣ ਵਾਲਾ ਸੀ ਅਤੇ ਨਾ ਹੀ ਹੋਵੇਗਾ। ਉਹ (ਪ੍ਰਮਾਣੂ ਪ੍ਰੋਗਰਾਮ) ਹਜ਼ਾਰਾਂ ਟਨ ਚੱਟਾਨਾਂ ਹੇਠ ਦੱਬਿਆ ਪਿਆ ਹੈ।" 

ਪੜ੍ਹੋ ਇਹ ਅਹਿਮ ਖ਼ਬਰ-  ਅਮਰੀਕਾ ਦਾ 51ਵਾਂ ਸੂਬਾ ਹੈ ਕੈਨੇਡਾ ! Trump ਨੇ ਇਕ ਵਾਰ ਫਿਰ ਕਰ'ਤਾ ਐਲਾਨ

ਈਰਾਨੀ ਸਪੀਕਰ ਗਾਲੀਬਾਫ਼ ਦਾ ਪਲਟਵਾਰ

ਦੂਜੇ ਪਾਸੇ ਈਰਾਨ ਦੀ ਸੰਸਦ ਦੇ ਸਪੀਕਰ ਅਤੇ ਪ੍ਰਮੁੱਖ ਵਾਰਤਾਕਾਰ ਮੁਹੰਮਦ ਬਾਗ਼ੇਰ ਗਾਲੀਬਾਫ਼ ਨੇ ਆਪਣੇ ਸਰਕਾਰੀ ਟੈਲੀਗ੍ਰਾਮ ਚੈਨਲ 'ਤੇ ਜਾਰੀ ਇੱਕ ਇੰਟਰਵਿਊ ਵਿੱਚ ਦਾਅਵਾ ਕੀਤਾ ਕਿ 12 ਦਿਨਾਂ ਦੀ ਜੰਗ ਅਤੇ ਅਮਰੀਕਾ ਤੇ ਇਜ਼ਰਾਈਲ ਨਾਲ ਹਾਲੀਆ ਸੰਘਰਸ਼ ਦਰਮਿਆਨ ਈਰਾਨ ਦੀ ਫੌਜੀ ਤਾਕਤ, ਫਾਇਰਪਾਵਰ ਅਤੇ ਏਅਰ ਡਿਫੈਂਸ ਪ੍ਰਣਾਲੀ ਵਿੱਚ ਭਾਰੀ ਵਾਧਾ ਹੋਇਆ ਹੈ। ਗਾਲੀਬਾਫ਼ ਨੇ ਕਿਹਾ ਕਿ ਈਰਾਨ ਹੁਣ "ਜੰਗ, ਗੱਲਬਾਤ ਅਤੇ ਸ਼ਾਂਤੀ" ਦੇ ਪੁਰਾਣੇ ਚੱਕਰ ਦੀ ਬਜਾਏ "ਜੰਗ, ਗੱਲਬਾਤ ਅਤੇ ਰੋਕਥਾਮ" ਦਾ ਨਵੀਂ ਸਮੀਕਰਨ ਬਣਾ ਰਿਹਾ ਹੈ। ਗਾਲੀਬਾਫ਼ ਨੇ ਅਮਰੀਕਾ 'ਤੇ ਸਮਝੌਤਿਆਂ ਦੀ ਉਲੰਘਣਾ ਕਰਨ ਦੇ ਦੋਸ਼ ਲਗਾਉਂਦਿਆਂ ਕਿਹਾ ਕਿ ਅਮਰੀਕਾ ਨੂੰ ਸਜ਼ਾ ਮਿਲਣੀ ਚਾਹੀਦੀ ਹੈ ਅਤੇ ਉਸ ਨੂੰ ਈਰਾਨੀ ਲੋਕਾਂ ਦੀਆਂ ਜਾਇਜ਼ ਮੰਗਾਂ ਨੂੰ ਮੰਨਣ ਲਈ ਮਜਬੂਰ ਕੀਤਾ ਜਾਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਗਾਲੀਬਾਫ਼ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਅਮਰੀਕਾ ਵਿੱਚ ਵਧਦੀ ਮਹਿੰਗਾਈ (3.7 ਫੀਸਦੀ) ਬਾਰੇ ਸੀ.ਐੱਨ.ਐੱਨ. (CNN) ਦੀ ਰਿਪੋਰਟ ਸਾਂਝੀ ਕਰਦਿਆਂ ਟਰੰਪ ਪ੍ਰਸ਼ਾਸਨ ਦੀਆਂ ਆਰਥਿਕ ਨੀਤੀਆਂ 'ਤੇ ਵੀ ਤਿੱਖਾ ਨਿਸ਼ਾਨਾ ਸਾਧਿਆ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

 
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।