ਪੈਗੰਬਰ ਕਾਰਟੂਨ ਵਿਵਾਦ : ਫਰਾਂਸ ''ਚ ਦੋ ਮੁਸਲਿਮ ਬੀਬੀਆਂ ''ਤੇ ਚਾਕੂ ਨਾਲ ਹਮਲਾ

10/21/2020 11:09:32 AM

ਪੈਰਿਸ (ਬਿਊਰੋ) ਪੈਗੰਬਰ ਕਾਰਟੂਨ ਵਿਵਾਦ ਵਿਚ ਫਰਾਂਸ ਵਿਚ ਇਕ ਟੀਚਰ ਵੱਲੋਂ ਇਸਲਾਮਿਕ ਕੱਟੜਪੰਥੀ ਦਾ ਗਲਾ ਕੱਟ ਦੇਣ ਦੇ ਬਾਅਦ ਹੁਣ ਪੈਰਿਸ ਵਿਚ ਐਫਿਲ ਟਾਵਰ ਦੇ ਹੇਠਾਂ ਦੋ ਮੁਸਲਿਮ ਬੀਬੀਆਂ ਨੂੰ ਕਈ ਵਾਰ ਚਾਕੂ ਮਾਰ ਕੇ ਜ਼ਖਮੀ ਕਰ ਦਿੱਤਾ ਗਿਆ। ਇਸ ਦੌਰਾਨ 'ਗੰਦੇ ਅਰਬੀ' ਕਹਿ ਕੇ ਉਹਨਾਂ ਨੂੰ ਗਾਲ਼ ਵੀ ਕੱਢੀ ਗਈ। ਇਸ ਵਿਚ ਫਰਾਂਸ ਦੀ ਪੁਲਸ ਨੇ ਦੋ ਸ਼ੱਕੀ ਬੀਬੀਆਂ ਨੂੰ ਇਸ ਨਸਲੀ ਹਮਲੇ ਦੇ ਬਾਅਦ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਸ ਨੇ ਜਿਹੜੀਆਂ ਬੀਬੀਆਂ ਨੂੰ ਹਿਰਾਸਤ ਵਿਚ ਲਿਆ ਹੈ ਉਹ ਗੋਰੀਆਂ ਬੀਬੀਆਂ ਹਨ ਅਤੇ ਯੂਰਪ ਦੀ ਲੱਗ ਰਹੀਆਂ ਹਨ। 

ਪੈਰਿਸ ਦੇ ਵਕੀਲਾਂ ਨੇ ਕਿਹਾ ਹੈ ਕਿ ਇਹਨਾਂ ਬੀਬੀਆਂ ਦੇ ਖਿਲਾਫ਼ ਹੁਣ ਕਤਲ ਕਰਨ ਦੀ ਕੋਸ਼ਿਸ਼ ਦਾ ਮੁਕੱਦਮਾ ਚੱਲੇਗਾ। ਇਸ ਹਮਲੇ ਵਿਚ ਜ਼ਖਮੀ ਬੀਬੀਆਂ ਦੀ ਪਛਾਣ ਅਲਜੀਰੀਆ ਮੂਲ ਦੀ ਫ੍ਰਾਂਸੀਸੀ ਬੀਬੀ ਕੇਨਜ਼ਾ ਅਤੇ ਅਮੇਲ ਦੇ ਰੂਪ ਵਿਚ ਹੋਈ ਹੈ। ਕੇਨਜ਼ਾ ਨੂੰ 6 ਵਾਰ ਚਾਕੂ ਮਾਰਿਆ ਗਿਆ ਅਤੇ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ।

ਲੋਕਾਂ ਨੇ ਸ਼ੇਅਰ ਕੀਤੀਆਂ ਤਸਵੀਰਾਂ
ਅਮੇਲ ਨੂੰ ਵੀ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਅਤੇ ਉਸ ਦੇ ਹੱਥ ਦੀ ਸਰਜਰੀ ਹੋਈ ਹੈ। ਇਹ ਹਮਲੇ ਦੇ ਬਾਰੇ ਅਧਿਕਾਰਤ ਸੂਚਨਾ ਨਾ ਆਉਣ ਕਾਰਨ ਸੋਸ਼ਲ ਮੀਡੀਆ 'ਤੇ ਜੰਮ ਕੇ ਲੋਕਾਂ ਦਾ ਗੁੱਸਾ ਦਖਿਆ ਗਿਆ। ਕੋਈ ਲੋਕਾਂ ਨੇ ਇਸ ਹਮਲੇ ਦੀਆਂ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ। ਹਮਲੇ ਦੀ ਇਹ ਘਟਨਾ ਐਤਵਾਰ ਰਾਤ ਦੀ ਦੱਸੀ ਜਾ ਰਹੀ ਹੈ। ਪੈਰਿਸ ਪੁਲਸ ਨੇ ਇਕ ਬਿਆਨ ਜਾਰੀ ਕਰ ਕੇ ਕਿਹਾ ਕਿ 18 ਅਕਤੂਬਰ ਨੂੰ ਰਾਤ ਕਰੀਬ 8 ਵਜੇ ਪੁਲਸ ਨੂੰ ਸੂਚਨਾ ਮਿਲੀ ਕਿ ਦੋ ਬੀਬੀਆਂ ਚਾਕੂ ਹਮਲੇ ਵਿਚ ਜ਼ਖਮੀ ਹੋਈਆਂ ਹਨ। ਪੈਰਿਸ ਪੁਲਸ ਦੇ ਸੂਤਰਾਂ ਨੇ ਡੇਲੀ ਮੇਲ ਨੂੰ ਦੱਸਿਆ ਕਿ ਚਾਕੂ ਨਾਲ ਹਮਲਾ ਕਰਨ ਦੇ ਮਾਮਲੇ ਵਿਚ ਕਤਲ ਦੀ ਕੋਸ਼ਿਸ਼ ਦਾ ਮੁਕੱਦਮਾ ਦਰਜ ਕੀਤਾ ਗਿਆ ਹੈ। ਫਿਲਹਾਲ ਮਾਮਲੇ ਦੀ ਜਾਂਚ ਜਾਰੀ ਹੈ। 

ਪੜ੍ਹੋ ਇਹ ਅਹਿਮ ਖਬਰ- ਪ੍ਰਭਾਵਸ਼ਾਲੀ ਅਮਰੀਕੀ ਸੈਨੇਟਰਾਂ ਨੇ ਆਸਟ੍ਰੇਲੀਆ ਨੂੰ ਬੁਲਾਉਣ ਦੇ ਭਾਰਤ ਦੇ ਫ਼ੈਸਲੇ ਦਾ ਕੀਤਾ ਸਵਾਗਤ

ਹਮਲੇ ਦੀ ਸ਼ਿਕਾਰ ਇਕ ਬੀਬੀ ਨੇ ਆਪਣਾ ਚਿਹਰਾ ਢੱਕਿਆ ਹੋਇਆ ਸੀ। ਕੇਨਜ਼ਾ ਨੇ ਦੱਸਿਆ ਕਿ ਅਸੀਂ ਸੈਰ ਕਰਨ ਗਏ ਸੀ। ਐਫਿਲ ਟਾਵਰ ਦੇ ਨੇਰੇ ਇਕ ਹਲਕੇ ਹਨੇਰੇ ਵਾਲਾ ਪਾਰਕ ਹੈ ਅਤੇ ਅਸੀਂ ਉੱਥੇ ਥੋੜ੍ਹਾ ਘੁੰਮਣ ਲੱਗੇ। ਕੇਨਜ਼ਾ ਨੇ ਕਿਹਾ,''ਜਦੋਂ ਅਸੀਂ ਘੁੰਮ ਰਹੇ ਸੀ ਉਸੇ ਵੇਲੇ ਦੋ ਕੁੱਤੇ ਸਾਡੇ ਵੱਲ ਆਏ। ਇਸ ਨਾਲ ਸਾਡੇ ਬੱਚੇ ਡਰ ਗਏ। ਮੇਰੇ ਭਤੀਜੀ ਨੇ ਬੁਰਕਾ ਪਾਇਆ ਹੋਇਆ ਸੀ। ਉਸ ਨੇ ਕੁੱਤਿਆਂ ਦੇ ਨਾਲ ਆਈਆਂ ਦੋ ਬੀਬੀਆਂ ਨੂੰ ਅਪੀਲ ਕੀਤੀ ਕਿ ਬੱਚੇ ਡਰ ਗਏ ਹਨ ਇਸ ਲਈ ਉਹ ਆਪਣੇ ਕੁੱਤਿਆਂ ਨੂੰ ਥੋੜ੍ਹਾ ਦੂਰ ਲੈ ਕੇ ਚਲੀਆਂ ਜਾਣ। ਇਸ ਅਪੀਲ ਦੇ ਬਾਵਜੂਦ ਕੁੱਤੇ ਦੀ ਮਾਲਕਣ ਨੇ ਜਾਣ ਤੋਂ ਮਨਾ ਕਰ ਦਿੱਤਾ ਅਤੇ ਦੋਹਾਂ ਵਿਚ ਝਗੜਾ ਸ਼ੁਰੂ ਹੋ ਗਿਆ।'' ਇਸ ਦੇ ਬਾਅਦ ਕੁੱਤੇ ਦੇ ਨਾਲ ਆਈਆਂ ਬੀਬੀਆਂ ਨੇ ਕਥਿਤ ਰੂਪ ਨਾਲ ਚਾਕੂ ਕੱਢਿਆ ਅਤੇ ਕੇਨਜ਼ਾ ਅਤੇ ਅਮੇਲ 'ਤੇ ਹਮਲਾ ਕਰ ਦਿੱਤਾ।


Vandana

Content Editor Vandana