ਅਮਰੀਕਾ 'ਚ ਭਾਰਤੀ ਮੂਲ ਦੇ 4 ਵਿਦਿਆਰਥੀਆਂ ਦੀ 'ਟਰੂਮੈਨ ਸਕਾਲਰਸ਼ਿਪ 2022' ਲਈ ਹੋਈ ਚੋਣ

ਹਿਊਸਟਨ/ਅਮਰੀਕਾ (ਏਜੰਸੀ)- ਅਮਰੀਕਾ ਦੇ 53 ਕਾਲਜਾਂ ਅਤੇ ਯੂਨੀਵਰਸਿਟੀਆਂ ਤੋਂ ਜਨਤਕ ਸੇਵਾ ਖੇਤਰ ਵਿੱਚ ਅਗਵਾਈ ਕਰਨ ਦੇ ਚਾਹਵਾਨ ਜਿਨ੍ਹਾਂ 58 ਲੋਕਾਂ ਨੂੰ ‘ਟਰੂਮੈਨ ਸਕਾਲਰਜ਼ 2022’ ਵਜੋਂ ਚੁਣਿਆ ਗਿਆ ਹੈ, ਉਨ੍ਹਾਂ ਵਿੱਚੋਂ 4 ਭਾਰਤੀ ਹਨ। ਭਾਰਤੀ-ਅਮਰੀਕੀ ਟਰੂਮੈਨ ਸਕਾਲਰਜ਼ ਵਿੱਚ ਅਮੀਸ਼ਾ ਕੇ ਕੰਬਾਥ, ਇਸ਼ੀਕਾ ਕੌਲ, ਅਵੀ ਗੁਪਤਾ ਅਤੇ ਭਾਵ ਜੈਨ ਸ਼ਾਮਲ ਹਨ।

ਇਹ ਵੀ ਪੜ੍ਹੋ: ਰੂਸ ਨੇ ਕਮਲਾ ਹੈਰਿਸ ਅਤੇ ਮਾਰਕ ਜ਼ੁਕਰਬਰਗ ਦੇ ਦੇਸ਼ 'ਚ ਦਾਖ਼ਲ ਹੋਣ 'ਤੇ ਲਗਾਈ ਪਾਬੰਦੀ

ਸਕਾਲਰਸ਼ਿਪ ਪ੍ਰਦਾਤਾ ਦੀ ਵੈੱਬਸਾਈਟ ਅਨੁਸਾਰ, ਇਹਨਾਂ ਖੋਜਕਰਤਾਵਾਂ ਨੂੰ ਮਾਸਟਰਜ਼ ਦੀ ਪੜ੍ਹਾਈ ਲਈ 30,000 ਡਾਲਰ ਦੀ ਰਾਸ਼ੀ ਦਿੱਤੀ ਜਾਵੇਗੀ ਅਤੇ ਇਸ ਤੋਂ ਇਲਾਵਾ, ਲੀਡਰਸ਼ਿਪ ਸਿਖਲਾਈ, ਕਰੀਅਰ ਕਾਉਂਸਲਿੰਗ ਅਤੇ ਸੰਘੀ ਸਰਕਾਰ ਵਿੱਚ ਰੁਜ਼ਗਾਰ ਦੇ ਵਿਸ਼ੇਸ਼ ਮੌਕੇ ਪ੍ਰਦਾਨ ਕੀਤੇ ਜਾਣਗੇ। 'ਟਰੂਮੈਨ ਸਕਾਲਰਸ਼ਿਪ' ਅਮਰੀਕਾ ਵਿੱਚ ਜਨਤਕ ਸੇਵਾ ਦੇ ਚਾਹਵਾਨ ਨੇਤਾਵਾਂ ਲਈ ਇੱਕ ਪ੍ਰਮੁੱਖ ਅੰਡਰਗਰੈਜੂਏਟ ਸਕਾਲਰਸ਼ਿਪ ਹੈ, ਜੋ ਉਹਨਾਂ ਕਾਲਜ ਦੇ ਵਿਦਿਆਰਥੀਆਂ ਨੂੰ ਦਿੱਤੀ ਜਾਂਦੀ ਹੈ ਜਿਨ੍ਹਾਂ ਕੋਲ 'ਅਸਾਧਾਰਨ ਲੀਡਰਸ਼ਿਪ ਸਮਰੱਥਾ ਹੈ ਅਤੇ ਜੋ ਸਰਕਾਰੀ, ਗੈਰ-ਲਾਭਕਾਰੀ ਜਾਂ ਪਰਉਪਕਾਰੀ ਖੇਤਰਾਂ, ਅਕਾਦਮਿਕ ਜਾਂ ਜਨਤਕ ਸੇਵਾ ਦੇ ਹੋਰ ਖੇਤਰਾਂ ਵਿੱਚ ਕਰੀਅਰ ਬਣਾਉਣ ਲਈ ਵਚਨਬੱਧ ਹਨ।'

ਇਹ ਵੀ ਪੜ੍ਹੋ: ਰੂਸੀ ਰੱਖਿਆ ਖੋਜ ਕੇਂਦਰ 'ਚ ਅੱਗ ਲੱਗਣ ਕਾਰਨ ਲੋਕਾਂ ਨੇ ਖਿੜਕੀਆਂ 'ਚੋਂ ਬਾਹਰ ਮਾਰੀਆਂ ਛਾਲਾਂ, 6 ਦੀ ਮੌਤ

ਇਹ ਸਕਾਲਰਸ਼ਿਪ ਸਾਬਕਾ ਰਾਸ਼ਟਰਪਤੀ ਹੈਰੀ ਐੱਸ. ਟਰੂਮੈਨ ਦੀ ਯਾਦ ਵਿਚ ਦਿੱਤੀ ਜਾਂਦੀ ਹੈ। ਕੈਲੀਫੋਰਨੀਆ ਦੀ ਅਮੀਸ਼ਾ ਹਾਰਵਰਡ ਯੂਨੀਵਰਸਿਟੀ ਵਿੱਚ ਸਮਾਜਿਕ ਅਧਿਐਨ ਅਤੇ ਅਰਥ ਸ਼ਾਸਤਰ ਦੀ ਪੜ੍ਹਾਈ ਕਰ ਰਹੀ ਹੈ, ਜਦੋਂ ਕਿ ਨਿਊ ਜਰਸੀ ਦੀ ਇਸ਼ੀਕਾ ਵੈਲੇਸਲੇ ਕਾਲਜ ਵਿੱਚ ਅਰਥ ਸ਼ਾਸਤਰ ਅਤੇ ਸ਼ਾਂਤੀ ਅਤੇ ਨਿਆਂ ਦੀ ਪੜ੍ਹਾਈ ਕਰ ਰਹੀ ਹੈ। ਓਰੇਗਨ ਦੀ ਅਵੀ ਅਮਰੀਕੀ ਰਾਜਨੀਤੀ ਅਤੇ ਨਕਲੀ ਬੁੱਧੀ (AI) ਵਿੱਚ ਮੁਹਾਰਤ ਦੇ ਨਾਲ ਹੀ ਰਾਜਨੀਤੀ ਵਿਗਿਆਨ ਅਤੇ ਕੰਪਿਊਟਰ ਵਿਗਿਆਨ ਦੀ ਪੜ੍ਹਾਈ ਕਰ ਰਹੀ ਹੈ। ਪੈਨਸਿਲਵੇਨੀਆ ਦੇ ਭਾਵ ਗਲੋਬਲ ਹੈਲਥ ਕੇਅਰ ਸਿਸਟਮ ਅਤੇ ਕਲੀਨਿਕਲ ਕੇਅਰ ਨੂੰ ਬਦਲਣ ਵਿੱਚ ਦਿਲਚਸਪੀ ਰੱਖਦੇ ਹਨ।

ਇਹ ਵੀ ਪੜ੍ਹੋ: ਇਮਰਾਨ ਖਾਨ ਦੀ ਜਾਨ ਨੂੰ ਖ਼ਤਰੇ ਦੀਆਂ ਖ਼ਬਰਾਂ ਦਰਮਿਆਨ ਪਾਕਿ PM ਸ਼ਹਿਬਾਜ਼ ਨੇ ਚੁੱਕਿਆ ਇਹ ਕਦਮ

ਨੋਟ: ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।