ਐਲੂਮੀਨੀਅਮ ਫੌਇਲ ''ਚ ਖਾਣਾ ਪੈਕ ਕਰਨਾ, ਸਮਝੋ ਘਾਤਕ ਬੀਮਾਰੀਆਂ ਨੂੰ ਸੱਦਾ ਦੇਣਾ

ਬਰਲਿਨ (ਅਨਸ)- ਇਕ ਨਵੀਂ ਖੋਜ 'ਚ ਇਹ ਖੁਲਾਸਾ ਹੋਇਆ ਹੈ ਕਿ ਐਲੂਮੀਨੀਅਮ ਪੈਕੇਜਿੰਗ ਵਿਚ ਰੱਖੇ ਖੁਰਾਕ ਪਦਾਰਥਾਂ ਦਾ ਸੇਵਨ ਘੱਟ ਕਰਨ ਨਾਲ ਸਿਹਤ ਨਾਲ ਜੁੜੇ ਖਤਰਿਆਂ ਤੋਂ ਬਚਿਆ ਜਾ ਸਕਦਾ ਹੈ। ਸਰੀਰ ਵਿਚ ਐਲੂਮੀਨੀਅਮ ਕੰਪਾਉਂਡ ਦੇ ਉੱਚ ਪੱਧਰ ਦੇ ਕਾਰਨ ਨਿਊਰੋਟਾਕਸਿਕ ਡਿਵੈਲਪਮੈਂਟ ਡਿਸਆਰਡਰ ਦੇ ਨਾਲ ਹੀ ਕਿਡਨੀ, ਲਿਵਰ ਅਤੇ ਹੱਡੀਆਂ ਨੂੰ ਨੁਕਸਾਨ ਪੁੱਜ ਸਕਦਾ ਹੈ।
ਜਰਮਨੀ ਦੇ ਫੈਡਰਲ ਇੰਸਟੀਚਿਊਟ ਫਾਰ ਰਿਸਕ ਅਸੈਸਮੈਂਟ ਦੇ ਖੋਜਕਰਤਾ ਨੇ ਮੌਜੂਦਾ ਡਾਟਾ ਦੇ ਆਧਾਰ 'ਤੇ ਖੁਰਾਕ ਪਦਾਰਥਾਂ ਰਾਹੀਂ ਸਰੀਰ ਵਿਚ ਪਹੁੰਚਣ ਵਾਲੇ ਐਲੂਮੀਨੀਅਮ ਕੰਪਾਉਂਡ ਦੀ ਮਾਤਰਾ ਦਾ ਮੁਲਾਂਕਣ ਕੀਤਾ ਹੈ। ਖੋਜਕਰਤਾਵਾਂ ਨੇ ਹਾਲਾਂਕਿ ਪਹਿਲਾਂ ਦੇ ਅਧਿਐਨਾਂ ਦੇ ਮੁਕਾਬਲੇ ਵਿਚ ਐਲੂਮੀਨੀਅਮ ਦੀ ਮਾਤਰਾ ਵਿਚ ਕਮੀ ਦੇਖੀ ਹੈ।
ਪਰ ਇਸ ਵਿਚ ਜੇਕਰ ਐਲੂਮੀਨੀਅਮ ਦੇ ਇਸਤੇਮਾਲ ਵਾਲੇ ਕਾਸਮੈਟਿਕ ਵਰਗੇ ਉਤਪਾਦਾਂ ਨੂੰ ਜੋੜ ਦਿੱਤਾ ਜਾਵੇ ਤਾਂ ਸਰੀਰ ਵਿਚ ਇਸ ਦੀ ਮਾਤਰਾ ਜ਼ਿਆਦਾ ਵੱਧ ਸਕਦੀ ਹੈ। ਖੋਜਕਰਤਾਵਾਂ ਨੇ ਖਾਸ ਕਰਕੇ ਅਮਲੀ ਅਤੇ ਨਮਕੀਨ ਖੁਰਾਕ ਪਦਾਰਥਾਂ ਨੂੰ ਐਲੂਮੀਨੀਅਮ ਫੌਈਲ ਵਿਚ ਨਾ ਰੱਖਣ ਦੀ ਸਲਾਹ ਦਿੱਤੀ ਹੈ। 
ਤੁਹਾਨੂੰ ਦੱਸ ਦਈਏ ਕਿ ਅਜੇ ਹਾਲ ਹੀ ਵਿਚ ਹੋਈ ਰਿਸਰਚ ਮੁਤਾਬਕ ਲੰਬੇ ਸਮੇਂ ਤੱਕ ਐਲੂਮੀਨੀਅਮ ਦੇ ਬਰਤਨ ਵਿਚ ਬਣੇ ਭੋਜਨ ਜਾਂ ਐਲੂਮੀਨੀਅਮ ਫੌਇਲ ਵਿਚ ਰੈਪ ਕੀਤੇ ਹੋਏ ਖੁਰਾਕ ਪਦਾਰਥਾਂ ਦਾ ਸੇਵਨ ਕਰਦੇ ਹਨ ਤਾਂ ਇਸ ਵਿਚ ਪੁਰਸ਼ਾਂ ਵਿਚ ਬਾਂਝਪਨ ਦੀ ਸਮੱਸਿਆ ਵੱਧ ਜਾਂਦੀ ਹੈ। ਖੋਜ ਵਿਚ 60 ਤੋਂ ਜ਼ਿਆਦਾ ਮੁਕਾਬਲੇਬਾਜ਼ਾਂ ਤੋਂ ਸ਼ੁਕਰਾਣੂ ਦੇ ਨਮੂਨਿਆਂ ਦਾ ਵਿਸ਼ਲੇਸ਼ਣ ਕਰਨ 'ਤੇ ਪਤਾ ਲੱਗਿਆ ਕਿ ਉਨ੍ਹਾਂ ਦੇ ਵੀਰਜ ਵਿਚ ਜ਼ਿਆਦਾ ਐਲੂਮੀਨੀਅਮ ਦੀ ਮਾਤਰਾ ਪਾਈ ਗਈ, ਜਿਸ ਨਾਲ ਸ਼ੁਕਰਾਣੂਆਂ ਦੀ ਗਿਣਤੀ ਘੱਟ ਹੋ ਗਈ ਅਤੇ ਪੁਰਸ਼ ਬਾਂਝਪਨ ਪਾਇਆ ਗਿਆ।
ਕਿਡਨੀ ਅਤੇ ਹੱਡੀਆਂ ਦੀ ਬੀਮਾਰੀ ਦਾ ਵੱਧਦਾ ਹੈ ਖਤਰਾ
ਜੇਕਰ ਤੁਸੀਂ ਰੋਜ਼ਾਨਾ ਐਲੂਮੀਨੀਅਮ ਦੇ ਬਰਤਨ ਵਿਚ ਖਾਣਾ ਬਣਾਉਂਦੇ ਹੋ ਤਾਂ ਇਸ ਆਦਤ ਨੂੰ ਛੱਡ ਦਿਓ ਕਿਉਂਕਿ ਇਸ ਨਾਲ ਤੁਹਾਡਾ ਸਰੀਰ ਕਮਜ਼ੋਰ ਹੁੰਦਾ ਹੈ, ਜਿਸ ਨਾਲ ਕਿਡਨੀ ਦੀ ਬੀਮਾਰੀ ਤੋਂ ਇਲਾਵਾ ਤੁਹਾਡੀਆਂ ਹੱਡੀਆਂ ਦਾ ਵਿਕਾਸ ਰੁਕ ਜਾਂਦਾ ਹੈ ਅਤੇ ਹੌਲੀ-ਹੌਲੀ ਕਮਜ਼ੋਰ ਹੋਣ ਲੱਗਦਾ ਹੈ।
ਫੌਇਲ ਪੇਪਰ ਵਿਚ ਬਹੁਤ ਗਰਮ ਖਾਣਾ ਰੈਪ ਨਾ ਕਰੋ। ਅਜਿਹੇ ਵਿਚ ਐਲੂਮੀਨੀਅਮ ਪਿਘਲ ਕੇ ਖਾਣੇ ਵਿਚ ਮਿਲ ਜਾਂਦਾ ਹੈ, ਇਸ ਲਈ ਹਮੇਸ਼ਾ ਚੰਗੀ ਕਵਾਲਿਟੀ ਦੇ ਫੌਇਲ ਪੇਪਰ ਦੀ ਵਰਤੋਂ ਕਰੋ। ਹਮੇਸ਼ਾ ਐਸੀਡਿਕ ਚੀਜਾਂ ਨੂੰ ਫੌਇਲ ਪੇਪਰ ਵਿਚ ਰੱਖਣ ਤੋਂ ਬਚੋ ਕਿਉਂਕਿ ਇਸ ਨਾਲ ਚੀਜਾਂ ਛੇਤੀ ਖਰਾਬ ਹੋ ਸਕਦੀਆਂ ਹਨ ਅਤੇ ਖਾਣੇ ਦਾ ਕੈਮੀਕਲ ਬੈਲੇਂਸ ਵੀ ਵਿਗੜ ਜਾਂਦਾ ਹੈ। ਐਲੂਮੀਨੀਅਮ ਫੌਇਲ ਵਿਚ ਮਸਾਲੇਦਾਰ ਅਤੇ ਖੱਟੇ ਫਲਾਂ ਨੂੰ ਪੈਕ ਕਰਨ ਤੋਂ ਬਚੋ। ਮਾਈਕ੍ਰੋਵੇਵ ਜਾਂ ਅਵਨ ਵਿਚ ਖਾਣਾ ਬਣਾਉਂਦੇ ਸਮੇਂ ਵੀ ਤੁਸੀਂ ਐਲੂਮੀਨੀਅਮ ਫੌਇਲ ਦੀ ਵਰਤੋਂ ਨਾ ਕਰੋ।