ਚੀਨ ਦੀ ਵਧੀ ਚਿੰਤਾ, ਆਸਟ੍ਰੇਲੀਆ ''ਚ ਪਰਮਾਣੂ ਪਣਡੁੱਬੀਆਂ ਦੇ ''ਬੇੜਾ'' ਤਾਇਨਾਤ ਕਰੇਗਾ ਬ੍ਰਿਟੇਨ

ਲੰਡਨ/ਸਿਡਨੀ: ਆਸਟ੍ਰੇਲੀਆ, ਬ੍ਰਿਟੇਨ ਅਤੇ ਅਮਰੀਕਾ ਵਿਚਾਲੇ ਔਕਸ ਸਮਝੌਤਾ ਹੁਣ ਜ਼ਮੀਨ 'ਤੇ ਉਤਰਦਾ ਨਜ਼ਰ ਆ ਰਿਹਾ ਹੈ। ਬ੍ਰਿਟੇਨ ਨੇ ਘੋਸ਼ਣਾ ਕੀਤੀ ਹੈ ਕਿ ਉਹ ਅਗਲੇ ਹਫ਼ਤੇ ਆਸਟ੍ਰੇਲੀਆ ਵਿਚ ਪ੍ਰਮਾਣੂ ਪਣਡੁੱਬੀਆਂ ਦਾ ਆਪਣਾ ਪਹਿਲਾ ਬੇੜਾ ਤਾਇਨਾਤ ਕਰਨ ਜਾ ਰਿਹਾ ਹੈ। ਬ੍ਰਿਟੇਨ ਦੇ ਚੀਫ ਆਫ ਡਿਫੈਂਸ ਸਟਾਫ ਐਡਮਿਰਲ ਸਰ ਟੋਨੀ ਰੈੱਡਕਿਨ ਨੇ ਕਿਹਾ ਹੈ ਕਿ ਅਗਲੇ ਹਫ਼ਤੇ ਸਿਡਨੀ ਵਿਚ ਜਲ ਸੈਨਾ ਸੰਮੇਲਨ ਵਿਚ ਇਸ ਮੁੱਦੇ 'ਤੇ ਇਕ ਸਮਝੌਤੇ 'ਤੇ ਪਹੁੰਚਣ ਦੀ ਉਮੀਦ ਹੈ। ਇਹ ਔਕਸ ਸਕਿਓਰਿਟੀ ਅਲਾਇੰਸ ਦੇ ਤਹਿਤ ਯੂਕੇ ਦੀਆਂ ਵਚਨਬੱਧਤਾਵਾਂ ਨੂੰ ਪੂਰਾ ਕਰੇਗਾ। 

ਇਨ੍ਹਾਂ ਤਿੰਨਾਂ ਦੇਸ਼ਾਂ ਨੇ ਚੀਨ ਦੇ ਹਮਲੇ 'ਤੇ ਲਗਾਮ ਲਗਾਉਣ ਲਈ ਪਿਛਲੇ ਸਾਲ ਓਕਸ ਸਮਝੌਤੇ 'ਤੇ ਦਸਤਖ਼ਤ ਕੀਤੇ ਸਨ। ਇਸ ਦੇ ਤਹਿਤ ਅਮਰੀਕਾ ਅਤੇ ਬ੍ਰਿਟੇਨ ਨੇ ਆਸਟ੍ਰੇਲੀਆ ਨੂੰ ਪ੍ਰਮਾਣੂ ਊਰਜਾ ਨਾਲ ਚੱਲਣ ਵਾਲੀਆਂ ਪਣਡੁੱਬੀਆਂ ਬਣਾਉਣ ਲਈ ਗੁਪਤ ਤਕਨੀਕ ਮੁਹੱਈਆ ਕਰਨੀ ਸੀ। ਇਸੇ ਸਮਝੌਤੇ ਤਹਿਤ ਇਹ ਪਣਡੁੱਬੀਆਂ ਆਸਟ੍ਰੇਲੀਆ ਵਿੱਚ ਵੀ ਤਾਇਨਾਤ ਕੀਤੀਆਂ ਜਾਣਗੀਆਂ।

ਪਰਥ ਵਿੱਚ ਤਾਇਨਾਤ ਕੀਤਾ ਜਾਵੇਗੀ ਬ੍ਰਿਟਿਸ਼ ਪ੍ਰਮਾਣੂ ਪਣਡੁੱਬੀ ਫਲੀਟ 

ਬ੍ਰਿਟੇਨ ਤੋਂ ਪ੍ਰਾਪਤ ਪਰਮਾਣੂ ਪਣਡੁੱਬੀਆਂ ਨੂੰ 2024 ਤੱਕ ਗਸ਼ਤੀ ਕਾਰਵਾਈਆਂ ਕਰਨ ਲਈ ਆਸਟ੍ਰੇਲੀਆ ਦੇ ਪੱਛਮੀ ਤੱਟ 'ਤੇ ਸਥਿਤ ਪਰਥ ਸ਼ਹਿਰ ਵਿੱਚ ਤਾਇਨਾਤ ਕੀਤਾ ਜਾਵੇਗਾ। ਇੰਨਾ ਹੀ ਨਹੀਂ ਇਨ੍ਹਾਂ ਪਣਡੁੱਬੀਆਂ ਰਾਹੀਂ ਆਸਟ੍ਰੇਲੀਆਈ ਮਰੀਨਾਂ ਨੂੰ ਪ੍ਰਮਾਣੂ ਪਣਡੁੱਬੀ ਚਲਾਉਣ ਦਾ ਤਰੀਕਾ ਵੀ ਸਿਖਾਇਆ ਜਾਵੇਗਾ। ਇਹ ਕੰਮ ਬ੍ਰਿਟਿਸ਼ ਜਲ ਸੈਨਾ ਦੇ ਪਣਡੁੱਬੀ ਚਾਲਕ ਦਲ ਦੇ ਮੈਂਬਰਾਂ ਦੁਆਰਾ ਕੀਤਾ ਜਾਵੇਗਾ। ਹਾਲਾਂਕਿ, ਬ੍ਰਿਟਿਸ਼ ਰਾਇਲ ਨੇਵੀ ਨੇ ਇਹ ਦੱਸਣ ਤੋਂ ਇਨਕਾਰ ਕਰ ਦਿੱਤਾ ਕਿ ਉਸ ਦੀਆਂ ਕਿੰਨੀਆਂ ਪਣਡੁੱਬੀਆਂ ਨੂੰ ਆਸਟ੍ਰੇਲੀਆ ਭੇਜਿਆ ਜਾ ਸਕਦਾ ਹੈ। ਜਲ ਸੈਨਾ ਨੇ ਕਿਹਾ ਕਿ ਉਸ ਦੀਆਂ ਪਣਡੁੱਬੀਆਂ ਦੇ ਸਾਰੇ ਸੰਚਾਲਨ ਵੇਰਵੇ ਵਰਗੀਕ੍ਰਿਤ ਹਨ। ਬ੍ਰਿਟੇਨ ਦੇ ਰੱਖਿਆ ਮੰਤਰਾਲੇ ਨੇ ਵੀ ਇਸ ਮੁੱਦੇ 'ਤੇ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਅੰਕੜਿਆਂ 'ਚ ਖੁਲਾਸਾ, ਆਸਟ੍ਰੇਲੀਆ ਦੀ 'ਜਨਮ ਦਰ' 'ਚ ਗਿਰਾਵਟ

ਆਸਟ੍ਰੇਲੀਆ ਨੂੰ ਔਕਸ ਸਮਝੌਤੇ ਤਹਿਤ ਮਿਲਣਗੀਆਂ 8 ਪਣਡੁੱਬੀਆਂ 

ਸਤੰਬਰ 2021 ਵਿੱਚ ਹਸਤਾਖਰ ਕੀਤੇ AUKUS ਸਮਝੌਤੇ ਦਾ ਉਦੇਸ਼ ਆਸਟ੍ਰੇਲੀਆ ਨੂੰ ਪ੍ਰਮਾਣੂ ਸੰਚਾਲਿਤ ਪਣਡੁੱਬੀਆਂ ਵਿੱਚ ਆਤਮ-ਨਿਰਭਰ ਬਣਾਉਣਾ ਹੈ। ਬ੍ਰਿਟੇਨ ਅਤੇ ਅਮਰੀਕਾ ਇਸ ਸਮਝੌਤੇ ਤਹਿਤ ਆਸਟ੍ਰੇਲੀਆ ਨੂੰ ਘੱਟੋ-ਘੱਟ 8 ਪਰਮਾਣੂ ਪਣਡੁੱਬੀਆਂ ਪ੍ਰਦਾਨ ਕਰਨਗੇ। ਇਸ ਨਾਲ ਦੱਖਣੀ ਚੀਨ ਸਾਗਰ ਅਤੇ ਪ੍ਰਸ਼ਾਂਤ ਮਹਾਸਾਗਰ ਵਿੱਚ ਆਸਟ੍ਰੇਲੀਆ ਦੀ ਜਲ ਸੈਨਾ ਦੀ ਤਾਕਤ ਵਿੱਚ ਕਾਫ਼ੀ ਵਾਧਾ ਹੋਵੇਗਾ। ਇੰਨਾ ਹੀ ਨਹੀਂ, ਇਸ ਸਮਝੌਤੇ ਦੇ ਤਹਿਤ ਤਿੰਨੇ ਦੇਸ਼ ਆਪਸ ਵਿੱਚ ਵਧੇਰੇ ਕਲਾਸੀਫਾਈਡ ਖੁਫੀਆ ਜਾਣਕਾਰੀ ਵੀ ਸਾਂਝੀ ਕਰ ਸਕਣਗੇ। ਇਹ ਅਮਰੀਕਾ, ਬ੍ਰਿਟੇਨ ਅਤੇ ਆਸਟ੍ਰੇਲੀਆ ਨੂੰ ਪ੍ਰਸ਼ਾਂਤ ਮਹਾਸਾਗਰ ਅਤੇ ਹਿੰਦ ਮਹਾਸਾਗਰ ਵਿੱਚ ਨੇੜੇ ਲਿਆਏਗਾ।

ਜਾਣੋ ਪ੍ਰਮਾਣੂ ਪਣਡੁੱਬੀਆਂ ਬਾਰੇ

ਪਰਮਾਣੂ ਊਰਜਾ ਦੀ ਸ਼ਕਤੀ ਨਾਲ ਚੱਲਣ ਵਾਲੀ ਪਣਡੁੱਬੀ ਨੂੰ ਪ੍ਰਮਾਣੂ ਪਣਡੁੱਬੀ ਕਿਹਾ ਜਾਂਦਾ ਹੈ। ਆਪਣੀ ਕਦੇ ਨਾ ਖ਼ਤਮ ਹੋਣ ਵਾਲੀ ਊਰਜਾ ਦੇ ਕਾਰਨ ਇਸਨੂੰ ਬਹੁਤ ਸ਼ਕਤੀਸ਼ਾਲੀ ਮੰਨਿਆ ਜਾਂਦਾ ਹੈ। ਹਰੇਕ ਪ੍ਰਮਾਣੂ ਪਣਡੁੱਬੀ ਵਿੱਚ ਇੱਕ ਛੋਟਾ ਪ੍ਰਮਾਣੂ ਰਿਐਕਟਰ ਹੁੰਦਾ ਹੈ। ਜਿਸ ਵਿੱਚ ਬਹੁਤ ਜ਼ਿਆਦਾ ਸੰਸ਼ੋਧਿਤ ਯੂਰੇਨੀਅਮ ਨੂੰ ਬਾਲਣ ਵਜੋਂ ਵਰਤ ਕੇ ਬਿਜਲੀ ਪੈਦਾ ਕੀਤੀ ਜਾਂਦੀ ਹੈ। ਇਸ ਤੋਂ ਪੂਰੀ ਪਣਡੁੱਬੀ ਨੂੰ ਬਿਜਲੀ ਸਪਲਾਈ ਕੀਤੀ ਜਾਂਦੀ ਹੈ। ਵਰਤਮਾਨ ਵਿੱਚ, ਦੁਨੀਆ ਦੇ ਸਿਰਫ ਕੁਝ ਚੋਣਵੇਂ ਦੇਸ਼ਾਂ ਕੋਲ ਪ੍ਰਮਾਣੂ ਪਣਡੁੱਬੀਆਂ ਹਨ, ਜਿਨ੍ਹਾਂ ਵਿੱਚੋਂ ਅਮਰੀਕਾ 14 ਦੇ ਨਾਲ ਸੂਚੀ ਵਿੱਚ ਸਿਖਰ 'ਤੇ ਹੈ। ਰੂਸ ਕੋਲ 11 ਪਰਮਾਣੂ ਪਣਡੁੱਬੀਆਂ ਹਨ, ਜਦਕਿ ਚੀਨ ਕੋਲ 6 ਹਨ।