ਬ੍ਰਿਟੇਨ ਦੀ ਲੇਬਰ ਪਾਰਟੀ ਦੀ ਭਾਰਤੀਆਂ ਨਾਲ ਜੁੜਨ ਦੀ ਕੋਸ਼ਿਸ਼, ਹੋਲੀ ਮੌਕੇ ਦਿੱਤਾ ਸੰਦੇਸ਼

ਲੰਡਨ (ਭਾਸ਼ਾ)- ਬ੍ਰਿਟੇਨ ਦੀ ਵਿਰੋਧੀ ਲੇਬਰ ਪਾਰਟੀ ਨੇ ਭਾਰਤ ਨੂੰ ਲੈ ਕੇ ਆਪਣੀਆਂ ਪਿਛਲੀਆਂ ਗ਼ਲਤੀਆਂ ਨੂੰ ਸੁਧਾਰਨ ਦੀ ਕੋਸ਼ਿਸ਼ ਸ਼ੁਰੂ ਕਰ ਦਿੱਤੀ ਹੈ। ਗੌਰਤਲਬ ਹੈ ਕਿ ਬ੍ਰਿਟੇਨ ਵਿਚ ਇਸ ਸਾਲ ਦੇ ਅੰਤ ਜਾਂ ਅਗਲੇ ਸਾਲ ਦੇ ਸ਼ੁਰੂ ਵਿਚ ਆਮ ਚੋਣਾਂ ਹੋਣੀਆਂ ਹਨ। ਅਜਿਹੇ 'ਚ ਲੇਬਰ ਪਾਰਟੀ ਭਾਰਤ ਦੇ ਅੰਦਰੂਨੀ ਮਾਮਲਿਆਂ 'ਤੇ ਆਪਣੇ ਰੁਖ 'ਚ ਵੱਡੇ ਬਦਲਾਅ ਦੀ ਸ਼ੁਰੂਆਤ ਕਰ ਰਹੀ ਹੈ, ਤਾਂ ਜੋ ਉਸ ਨੂੰ ਬ੍ਰਿਟੇਨ 'ਚ ਵਸੇ ਭਾਰਤੀ ਭਾਈਚਾਰੇ ਦਾ ਸਮਰਥਨ ਵੀ ਮਿਲ ਸਕੇ। ਇਸ ਕੋਸ਼ਿਸ਼ 'ਚ ਲੇਬਰ ਪਾਰਟੀ ਦੇ ਮੁਖੀ ਕੀਰ ਸਟਾਰਮਰ ਨੇ ਹੋਲੀ 'ਤੇ ਬ੍ਰਿਟੇਨ ਦੇ ਭਾਰਤੀ ਭਾਈਚਾਰੇ ਨੂੰ ਖ਼ਾਸ ਸੰਦੇਸ਼ ਦਿੱਤਾ ਹੈ।

ਬ੍ਰਿਟੇਨ ਦੀ ਵਿਰੋਧੀ ਲੇਬਰ ਪਾਰਟੀ ਨੇ ਭਾਰਤੀ ਮੂਲ ਦੇ ਲੋਕਾਂ ਨੂੰ ਆਮ ਚੋਣਾਂ ਤੋਂ ਪਹਿਲਾਂ ਹੋਲੀ ਮੌਕੇ ਸੰਦੇਸ਼ ਦੇ ਕੇ ਉਨ੍ਹਾਂ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ। ਲੇਬਰ ਪਾਰਟੀ ਦੇ ਨੇਤਾ ਕੀਰ ਸਟਾਰਮਰ ਨਾਲ ਲੰਡਨ ਦੇ ਮੇਅਰ ਸਾਦਿਕ ਖਾਨ ਅਤੇ ਉਨ੍ਹਾਂ ਦੀ 'ਸ਼ੈਡੋ ਕੈਬਨਿਟ' ਦੇ ਮੈਂਬਰ ਵੀ ਇਸ ਹਫਤੇ ਲੰਡਨ ਵਿੱਚ ਬ੍ਰਿਟਿਸ਼ ਇੰਡੀਅਨ ਇੰਸਟੀਚਿਊਟ '1928 ਇੰਸਟੀਚਿਊਟ' ਦੁਆਰਾ ਆਯੋਜਿਤ ਇੱਕ ਸਮਾਰੋਹ ਵਿੱਚ ਹੋਲੀ ਮਨਾਉਣ ਲਈ ਸ਼ਾਮਲ ਹੋਏ। ਵਿਰੋਧੀ ਧਿਰ ਦੇ ਨੇਤਾ ਸਟਾਰਮਰ ਨੇ ਕਿਹਾ ਕਿ ਇਹ ਮੌਕਾ ਪਾਰਟੀ ਨੂੰ ਅਜਿਹੇ ਸਮੇਂ ਵਿਚ "ਰਾਸ਼ਟਰੀ ਰੀਬੂਟ" ਦਾ ਸੰਦੇਸ਼ ਦੇਣ ਦਾ ਇੱਕ ਆਦਰਸ਼ ਮੌਕਾ ਪ੍ਰਦਾਨ ਕਰਦਾ ਹੈ ਜਦੋਂ ਦੇਸ਼ ਇੱਕ ਆਮ ਚੋਣਾਂ ਦੀ ਤਿਆਰੀ ਕਰ ਰਿਹਾ ਹੈ, ਜੋ ਇਸ ਸਾਲ ਦੇ ਅੰਤ ਵਿੱਚ ਹੋ ਸਕਦੀਆਂ ਹਨ। 

ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ 'ਚ ਜਲਦ ਸ਼ੁਰੂ ਹੋਵੇਗਾ H-1B ਵੀਜ਼ਾ ਲਈ ਲਾਟਰੀ ਸਿਸਟਮ, ਭਾਰਤੀਆਂ ਨੂੰ ਮਿਲੇਗਾ ਫ਼ਾਇਦਾ

ਉਸਨੇ ਕਿਹਾ, “ਇਹ ਨਵੀਂ ਸ਼ੁਰੂਆਤ ਮਨਾਉਣ ਦਾ ਸਮਾਂ ਹੈ; ਪੁਰਾਣੇ ਨੂੰ ਭੁੱਲਣਾ ਅਤੇ ਨਵੇਂ ਦਾ ਸੁਆਗਤ ਕਰਨਾ।'' ਸਟਾਰਮਰ ਨੇ ਕਿਹਾ, ''ਇਹ ਸਮਾਂ ਸਾਡੇ ਲਈ ਦੇਸ਼ ਭਰ ਦੇ ਹਿੰਦੂਆਂ ਨੇ ਸਾਡੇ ਰਾਸ਼ਟਰੀ ਜੀਵਨ ਦੇ ਕੈਨਵਸ 'ਤੇ ਪਾਏ ਭਰਪੂਰ ਯੋਗਦਾਨ ਲਈ ਸ਼ੁਕਰਗੁਜ਼ਾਰ ਹੋਣ ਦਾ ਹੈ। ਇਹ ਸਾਡੀਆਂ ਸਾਂਝੀਆਂ ਕਦਰਾਂ-ਕੀਮਤਾਂ ਅਤੇ ਸ਼ਮੂਲੀਅਤ ਅਤੇ ਸਖ਼ਤ ਮਿਹਨਤ, ਮੁੜ-ਸ਼ੁਰੂਆਤ, ਸੁਧਾਰ, ਜਸ਼ਨ ਅਤੇ ਹਮਦਰਦੀ ਦੇ ਹੋਲੀ ਮੁੱਲਾਂ ਪ੍ਰਤੀ ਸਾਡੀ ਵਚਨਬੱਧਤਾ ਨੂੰ ਪਛਾਣਨ ਦਾ ਵੀ ਸਮਾਂ ਹੈ।ਸਮਾਰੋਹ ਵਿਚ ਮੈਡੀਕਲ, ਕਲਾ ਅਤੇ ਉਦਯੋਗ ਸਮੇਤ ਵਿਭਿੰਨ ਖੇਤਰਾਂ ਦੇ ਲੋਕਾਂ ਨੇ ਹਿੱਸਾ ਲਿਆ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।