ਆਸਟ੍ਰੇਲੀਆ 'ਚ ਲੋਕਾਂ ਲਈ ਪੰਜਵਾਂ ਕੋਵਿਡ-19 ਬੂਸਟਰ ਟੀਕਾ ਅੱਜ ਤੋਂ ਉਪਲਬਧ

ਸਿਡਨੀ (ਆਈ.ਏ.ਐੱਨ.ਐੱਸ.) ਆਸਟ੍ਰੇਲੀਆ ਵਿਚ ਰਹਿਣ ਵਾਲੇ ਲੋਕ ਅੱਜ (20 ਫਰਵਰੀ) ਤੋਂ ਪੰਜਵੇਂ ਕੋਵਿਡ-19 ਬੂਸਟਰ ਟੀਕਾਕਰਨ ਲਈ ਅਪਲਾਈ ਕਰ ਸਕਦੇ ਹਨ। ਪਰ ਇਹ ਹਰ ਕਿਸੇ ਲਈ ਉਪਲਬਧ ਨਹੀਂ ਹਨ - ਇਸ ਟੀਕੇ ਨੂੰ ਲਗਵਾਉਣ ਲਈ ਕੁਝ ਨਿਯਮ ਨਿਰਧਾਰਤ ਕੀਤੇ ਗਏ ਹਨ। ਸਰਕਾਰ ਨੂੰ ATAGI ਦੀ ਅਧਿਕਾਰਤ ਸਲਾਹ ਹੈ ਕਿ ਸੋਮਵਾਰ ਤੋਂ 18 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦਾ ਹਰ ਆਸਟ੍ਰੇਲੀਆਈ, ਜਿਸ ਨੇ ਪਿਛਲੇ ਛੇ ਮਹੀਨਿਆਂ ਵਿੱਚ ਕੋਵਿਡ-19 ਜਾਂ ਬੂਸਟਰ ਡੋਜ਼ ਨਹੀਂ ਲਗਵਾਈ ਹੈ, ਉਹ ਇਸ ਵਾਧੂ ਬੂਸਟਰ ਲਈ ਯੋਗ ਹੈ।

ਕਿਸੇ ਵੀ ਵਿਅਕਤੀ ਨੂੰ ਗੰਭੀਰ ਬਿਮਾਰੀ ਦੇ ਖਤਰੇ ਵਿੱਚ ਅਤੇ ਸਿਹਤ ਸਥਿਤੀਆਂ ਵਾਲੇ ਪੰਜ ਤੋਂ 17 ਸਾਲ ਦੇ ਬੱਚਿਆਂ ਸਮੇਤ ਡਾਕਟਰੀ ਸਲਾਹ ਦੇ ਬਾਅਦ ਹੀ ਇਸ ਟੀਕੇ ਦੇ ਯੋਗ ਸਮਝਿਆ ਜਾਵੇਗਾ। ਟੀਕਾਕਰਨ ਲਈ ਤੁਸੀ ਕੋਵਿਡ-19 ਵੈਕਸੀਨ ਕਲੀਨਿਕ ਫਾਈਂਡਰ 'ਤੇ ਜਾ ਕੇ ਅਪਲਾਈ ਕਰ ਸਕਦੇ ਹੋ ਅਤੇ ਨਾਲ ਹੀ ਦੱਸੋ ਕਿ ਤੁਸੀਂ ਕਿਹੜੀ ਬੂਸਟਰ ਡੋਜ਼ ਲੈਣਾ ਚਾਹੁੰਦੇ ਹੋ। ਵੈੱਬਸਾਈਟ ਤੁਹਾਨੂੰ ਫਾਰਮੇਸੀਆਂ, ਜੀਪੀ ਅਤੇ ਸਰਕਾਰੀ ਕਲੀਨਿਕਾਂ 'ਤੇ ਸਾਰੀਆਂ ਉਪਲਬਧਤਾਵਾਂ ਦਿਖਾਏਗੀ। ਤੁਹਾਨੂੰ ਸਿਰਫ਼ ਇੱਕ ਚੁਣਨ ਅਤੇ ਬੁੱਕ ਕਰਨ ਦੀ ਲੋੜ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ- ਕੈਨੇਡਾ ਜਾਣ ਦਾ ਸੁਨਹਿਰੀ ਮੌਕਾ, ਵਰਕ ਵੀਜ਼ਾ ਤੇ PR ਨੂੰ ਲੈ ਕੇ ਸਰਕਾਰ ਦਾ ਵੱਡਾ ਐਲਾਨ

ਉੱਧਰ ਸੋਮਵਾਰ ਨੂੰ ਪ੍ਰਕਾਸ਼ਿਤ ਇੱਕ ਰਿਪੋਰਟ ਵਿੱਚ ਖੁਲਾਸਾ ਹੋਇਆ ਕਿ ਜਿਨ੍ਹਾਂ ਆਸਟ੍ਰੇਲੀਅਨਾਂ ਨੂੰ ਕੋਵਿਡ-19 ਦਾ ਟੀਕਾ ਨਹੀਂ ਲਗਾਇਆ ਗਿਆ, ਉਨ੍ਹਾਂ ਦੀ ਵਾਇਰਸ ਨਾਲ ਸੰਕਰਮਣ ਤੋਂ ਬਾਅਦ ਮਰਨ ਦੀ ਸੰਭਾਵਨਾ ਪੰਜ ਗੁਣਾ ਜ਼ਿਆਦਾ ਹੈ। ਸਮਾਚਾਰ ਏਜੰਸੀ ਸ਼ਿਨਹੂਆ ਦੀ ਰਿਪੋਰਟ ਮੁਤਾਬਕ ਦੱਖਣੀ ਆਸਟ੍ਰੇਲੀਆਈ ਸਿਹਤ ਅਤੇ ਮੈਡੀਕਲ ਖੋਜ ਸੰਸਥਾਨ (SAHMRI) ਨੇ ਅਗਸਤ ਅਤੇ ਅਕਤੂਬਰ 2022 ਦਰਮਿਆਨ SA ਵਿੱਚ 70,450 ਪੁਸ਼ਟੀ ਕੀਤੇ ਕੋਰੋਨਾ ਵਾਇਰਸ ਕੇਸਾਂ ਦਾ ਵਿਸ਼ਲੇਸ਼ਣ ਪ੍ਰਕਾਸ਼ਿਤ ਕੀਤਾ। ਇਸ ਨੇ ਖੁਲਾਸਾ ਕੀਤਾ ਕਿ ਜਿਨ੍ਹਾਂ ਮਾਮਲਿਆਂ ਵਿੱਚ ਵੈਕਸੀਨ ਦੀ ਜ਼ੀਰੋ ਡੋਜ਼ ਸੀ, ਉਨ੍ਹਾਂ ਦੇ ਹਸਪਤਾਲ ਵਿੱਚ ਦਾਖਲ ਹੋਣ ਦੀ ਸੰਭਾਵਨਾ ਅੱਠ ਗੁਣਾ ਵੱਧ ਸੀ ਅਤੇ ਤਿੰਨ ਜਾਂ ਚਾਰ ਖੁਰਾਕਾਂ ਲੈਣ ਵਾਲਿਆਂ ਨਾਲੋਂ ਪੰਜ ਗੁਣਾ ਵੱਧ ਮੌਤ ਦੀ ਸੰਭਾਵਨਾ ਸੀ।ਜਿਨ੍ਹਾਂ ਲੋਕਾਂ ਨੇ ਸਿਰਫ਼ ਇੱਕ ਜਾਂ ਦੋ ਟੀਕੇ ਲਗਵਾਏ ਸਨ, ਉਨ੍ਹਾਂ ਦੇ ਪੂਰੀ ਤਰ੍ਹਾਂ ਟੀਕਾ ਲਗਾਏ ਗਏ ਸਾਥੀਆਂ ਨਾਲੋਂ ਹਸਪਤਾਲ ਵਿੱਚ ਦਾਖਲ ਹੋਣ ਦੀ ਸੰਭਾਵਨਾ ਤਿੰਨ ਗੁਣਾ ਵੱਧ ਸੀ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।