ਸਪੇਨ ਦੇ ਮੈਡਰਿਡ ’ਚ ਧਮਾਕਾ, 4 ਲੋਕਾਂ ਦੀ ਮੌਤ
01/21/2021 4:01:03 AM
ਮੈਡਰਿਡ- ਸਪੇਨ ਦੀ ਰਾਜਧਾਨੀ ਮੈਡਰਿਡ ਦੇ ਵਿਚਕਾਰ ਖੇਤਰ 'ਚ ਬੁੱਧਵਾਰ ਨੂੰ ਇਕ ਰਿਹਾਇਸ਼ੀ ਇਮਾਰਤ 'ਚ ਗੈਸ ਲਕੀ ਕਾਰਨ ਧਮਾਕੇ 'ਚ ਘੱਟ ਤੋਂ ਘੱਟ 4 ਲੋਕਾਂ ਦੀ ਮੌਤ ਹੋ ਗਈ ਹੈ । ਮੈਡਰਿਡ ਐਮਰਜੈਂਸੀ ਸਰਵਿਸ ਨੇ ਇਕ ਟਵੀਟ 'ਚ ਕਿਹਾ ਕਿ ਧਮਾਕੇ 'ਚ ਘੱਟ ਤੋਂ ਘੱਟ 11 ਲੋਕ ਜ਼ਖਮੀ ਹੋ ਗਏ ਹਨ। ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੇ ਗਏ ਵੀਡੀਓ 'ਚ ਮੈਡਰਿਡ ਦੇ ਵਿਚਕਾਰਲੇ ਖੇਤਰ ਵਿਚ ਇਕ ਇਮਾਰਤ 'ਚ ਧੂੰਆਂ ਉੱਠਦਾ ਦਿਖਿਆ ਅਤੇ ਮਲਬਾ ਬਿਖਰਿਆ ਹੋਇਆ ਸੀ ।
más imágenes desde el edificio de al lado de la explosión en puerta de toledo, madrid pic.twitter.com/D1bJvI0iHx
— césarr,,❃ (@valleejooo_) January 20, 2021
ਐਮਰਜੈਂਸੀ ਸਰਵਿਸ ਨੇ ਕਿਹਾ ਕਿ ਬਚਾਅ ਟੀਮ, ਫਾਇਰਬ੍ਰਗੇਡ, ਪੁਲਸ ਮੁਲਾਜ਼ਮ ਰਾਹਤ ਅਤੇ ਬਚਾਅ ਕਾਰਜਾਂ ’ਚ ਲੱਗੇ ਹੋਏ ਹਨ। ਮੇਅਰ ਜੋਸ ਲੁਈਸ ਮਾਰਤਿਨੇਜ ਅਲਮੇਦਾ ਨੇ ਦੱਸਿਆ ਕਿ ਧਮਾਕੇ ’ਚ ਚਾਰ ਲੋਕਾਂ ਦੀ ਮੌਤ ਹੋ ਗਈ। ਸ਼ੁਰੂਆਤੀ ਜਾਣਕਾਰੀ ਦੇ ਅਨੁਸਾਰ ਗੈਸ ਲੀਕ ਕਾਰਨ ਇਹ ਧਮਾਕਾ ਹੋਇਆ। ਚਰਚ ਨਾਲ ਜੁੜਿਆ ਇਕ ਵਿਅਕਤੀ ਲਾਪਤ ਹੈ।
ਨੋਟ- ਇਸ ਖਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।
