ਕੈਨੇਡਾ 'ਚ ਲਗਾਤਾਰ ਗਾਇਬ ਹੋ ਰਹੇ ਪਾਕਿਸਤਾਨ ਏਅਰਲਾਈਨਜ਼ ਦੇ ਮੁਲਾਜ਼ਮ , 14 ਹੋ ਚੁੱਕੇ ਲਾਪਤਾ
06/28/2024 3:42:53 PM
ਇਸਲਾਮਾਬਾਦ : ਪਾਕਿਸਤਾਨ ਇੰਟਰਨੈਸ਼ਨਲ ਏਅਰਲਾਈਨਜ਼ (ਪੀ. ਆਈ. ਏ.) ਦੇ ਮੁਲਾਜ਼ਮਾਂ ਦੇ ਕੈਨੇਡਾ ਪਹੁੰਚਣ ਤੋਂ ਬਾਅਦ ਲਾਪਤਾ ਹੋਣ ਦਾ ਸਿਲਸਿਲਾ ਜਾਰੀ ਹੈ। ਕੈਨੇਡਾ ਦੇ ਟੋਰਾਂਟੋ ਪਹੁੰਚਣ ਤੋਂ ਬਾਅਦ ਪੀਆਈਏ ਦਾ ਇੱਕ ਹੋਰ ਮੈਨੇਜਰ ਲਾਪਤਾ ਹੋ ਗਿਆ ਹੈ। ਕੈਨੇਡਾ ਵਿੱਚ ਇਸ ਸਾਲ ਹੁਣ ਤੱਕ ਲਾਪਤਾ ਹੋਏ ਚਾਲਕ ਦਲ ਦੇ ਮੈਂਬਰਾਂ ਦੀ ਗਿਣਤੀ ਸੱਤ ਹੋ ਗਈ ਹੈ। ਪੀਆਈਏ ਦੇ ਬੁਲਾਰੇ ਨੇ ਮੈਨੇਜਰ ਦੇ ਲਾਪਤਾ ਹੋਣ ਦੀ ਪੁਸ਼ਟੀ ਕੀਤੀ, ਜਿਸ ਦੀ ਪਛਾਣ ਨੂਰ ਸ਼ਾਇਰ ਵਜੋਂ ਹੋਈ ਹੈ। ਨੂਰ ਸ਼ਾਇਰ PIA ਫਲਾਈਟ 781 'ਤੇ ਟੋਰਾਂਟੋ ਪਹੁੰਚੇ। ਇਹ ਫਲਾਈਟ ਈਦ ਉਲ ਅਜ਼ਹਾ ਤੋਂ ਇਕ ਦਿਨ ਪਹਿਲਾਂ 16 ਜੂਨ ਨੂੰ ਇਸਲਾਮਾਬਾਦ ਤੋਂ ਕੈਨੇਡਾ ਲਈ ਰਵਾਨਾ ਹੋਈ ਸੀ।
ਰਿਪੋਰਟ ਅਨੁਸਾਰ, ਪੀਆਈਏ ਦੇ ਬੁਲਾਰੇ ਨੇ ਕਿਹਾ ਹੈ ਕਿ ਨੂਰ ਸ਼ਾਇਰ 2003 ਵਿੱਚ ਪੀਆਈਏ ਵਿੱਚ ਸ਼ਾਮਲ ਹੋਇਆ ਸੀ ਅਤੇ ਇੱਕ ਅਨੁਭਵੀ ਫਲਾਈਟ ਅਟੈਂਡੈਂਟ ਸੀ। ਲਾਪਤਾ ਕਰੂ ਮੈਂਬਰ ਖ਼ਿਲਾਫ਼ ਵਿਭਾਗੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਲੋਕਾਂ ਲਈ ਕੈਨੇਡਾ ਵਿੱਚ ਸਿਆਸੀ ਸ਼ਰਣ ਲੈਣੀ ਅਤੇ ਪ੍ਰਾਪਤ ਕਰਨਾ ਬਹੁਤ ਆਸਾਨ ਹੈ। ਅਜਿਹੇ 'ਚ ਕਈ ਲੋਕ ਕਾਨੂੰਨ ਦੀ ਢਿੱਲ ਦਾ ਫਾਇਦਾ ਉਠਾ ਕੇ ਉਥੇ ਵਸ ਜਾਂਦੇ ਹਨ।
