ਯੂਨਾਨ ''ਚ ਲੱਗੇ ਜ਼ਬਰਦਸਤ ਭੂਚਾਲ ਦੇ ਝਟਕੇ
03/30/2019 6:05:51 PM
ਏਥੰਸ (ਏ.ਐਫ.ਪੀ.)- ਮੱਧ ਯੂਨਾਨ ਵਿਚ ਸ਼ਨੀਵਾਰ ਨੂੰ 5.3 ਤੀਬਰਤਾ ਦਾ ਭੂਚਾਲ ਦਾ ਝਟਕਾ ਆਇਆ। ਰਾਸ਼ਟਰੀ ਵੇਧਸ਼ਾਲਾ ਨੇ ਇਹ ਜਾਣਕਾਰੀ ਦਿੱਤੀ। ਭੂਚਾਲ ਕਾਰਨ ਕਿਸੇ ਤਰ੍ਹਾਂ ਦੇ ਨੁਕਸਾਨ ਦੀ ਤੁਰੰਤ ਕੋਈ ਖਬਰ ਨਹੀਂ ਹੈ। ਵੇਧਸ਼ਾਲਾ ਨੇ ਦੱਸਿਆ ਕਿ ਭੂਚਾਲ ਦਾ ਕੇਂਦਰ ਯੂਨਾਨ ਦੀ ਰਾਜਧਾਨੀ ਤੋਂ ਤਕਰੀਬਨ 200 ਕਿਲੋਮੀਟਰ ਦੂਰ ਕੋਰਿੰਥ ਖਾੜੀ ਵਿਚ ਸੀ। ਯੂਨਾਨ ਦੀ ਭੂਚਾਲ ਯੋਜਨਾ ਅਤੇ ਸੁਰੱਖਿਆ ਏਜੰਸੀ ਦੇ ਪ੍ਰਮੁੱਖ ਐਫਥੀਮੀਓਸ ਨੇ ਸਰਕਾਰੀ ਟੀ.ਵੀ. ਈ.ਆਰ.ਟੀ. ਨੇ ਦੱਸਿਆ ਕਿ ਆਮ ਇਲਾਕੇ ਦੇ ਨਾਲ ਏਥੰਸ ਵਿਚ ਵੀ ਭੂਚਾਲ ਦੇ ਜ਼ਬਰਦਸਤ ਝਟਕੇ ਮਹਿਸੂਸ ਕੀਤੇ ਗਏ।
ਉਨ੍ਹਾਂ ਨੇ ਹਾਲਾਤ ਕੰਟਰੋਲ ਵਿਚ ਹਨ ਅਤੇ ਅਸੀਂ ਇਸ ਦੀ ਨਿਗਰਾਨੀ ਕਰ ਰਹੇ ਹਨ। ਕੋਰਿੰਥ ਖਾੜੀ ਵਿਚ ਕਈ ਫਾਲਟ ਲਾਈਂਸ (ਭਰਮ ਰੇਖਾਵਾਂ) ਹਨ। ਯੂਨਾਨ ਕਈ ਵੱਡੇ ਫਾਲਟ ਲਾਈਨਾਂ 'ਤੇ ਪੈਂਦਾ ਹੈ ਅਥੇ ਉਥੇ ਬਰਾਬਰ ਭੂਚਾਲ ਆਉਂਦੇ ਰਹਿੰਦੇ ਹਨ। ਭੂਪਟਲ ਦੀ ਭੂਗੌਲਿਕ ਪਲੇਟਾਂ ਜਦੋਂ ਦਬਾਅ ਜਾਂ ਤਣਾਅ ਕਾਰਨ ਸੰਤੁਲਨ ਦੀ ਹਾਲਤ ਵਿਚ ਨਹੀਂ ਰਹਿੰਦੀ ਅਤੇ ਪਲੇਟਾਂ ਵਿਚ ਖਿਚਾਅ ਜ਼ਿਆਦਾ ਵੱਧ ਜਾਂਦਾ ਹੈ, ਉਦੋਂ ਪਹਾੜ ਖਿਸਕਣ ਜਾਂ ਟੁੱਟਣ ਲੱਗਦੇ ਹਨ। ਇਕ ਪਾਸੇ ਚੱਟਾਨਾਂ ਦੂਜੇ ਪੱਥਰਾਂ ਦੇ ਉਲਟ ਹੇਠਾਂ ਜਾਂ ਉਪਰ ਚਲੀ ਜਾਂਦੀ ਹੈ। ਇਸ ਨੂੰ ਫਾਲਟ ਲਾਈਨ ਕਹਿੰਦੇ ਹਨ।
