ਸਿਸਲੀ ਤੋਂ ਯਾਟ ਦੇ ਮਲਬੇ ਦੀ ਭਾਲ ਦੌਰਾਨ 4 ਲਾਸ਼ਾਂ ਬਰਾਮਦ, ਦੋ ਅਜੇ ਵੀ ਲਾਪਤਾ

ਸਿਸਲੀ : ਸਿਸਲੀ ਵਿੱਚ ਡੁੱਬਣ ਵਾਲੇ ਇੱਕ ਸੁਪਰਯਾਟ ਦੇ ਮਲਬੇ ਦੀ ਖੋਜ ਕਰ ਰਹੇ ਗੋਤਾਖੋਰਾਂ ਨੂੰ ਬੁੱਧਵਾਰ ਨੂੰ ਚਾਰ ਲਾਸ਼ਾਂ ਮਿਲੀਆਂ। ਦੋ ਹੋਰ ਲਾਪਤਾ ਯਾਤਰੀਆਂ ਦੀ ਗੋਤਾਖੋਰ ਭਾਲ ਕਰ ਰਹੇ ਹਨ ਤੇ ਇਸ ਗੱਲ ਦੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਆਖਿਰ ਇਕ ਕਿਸ਼ਤੀ ਇੰਨੀ ਛੇਤੀ ਕਿਵੇਂ ਡੁੱਬ ਗਈ।

ਗੋਤਾਖੋਰਾਂ ਅਤੇ ਬਚਾਅ ਕਰਮਚਾਰੀਆਂ ਨੇ ਪੋਰਟੀਸੇਲੋ ਵਿਖੇ ਬੰਦਰਗਾਹ ਵਿੱਚ ਬਚਾਅ ਜਹਾਜ਼ਾਂ ਤੋਂ ਦੋ ਬਾਡੀ ਬੈਗ ਉਤਾਰੇ। ਸਿਸਲੀ ਸਿਵਲ ਪ੍ਰੋਟੈਕਸ਼ਨ ਏਜੰਸੀ ਦੇ ਮੁਖੀ ਸਲਵਾਟੋਰੇ ਕੋਸੀਨਾ ਨੇ ਕਿਹਾ ਕਿ ਮਲਬੇ ਵਿੱਚੋਂ ਦੋ ਹੋਰ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ, ਜਿਸ ਨਾਲ ਬੁੱਧਵਾਰ ਨੂੰ ਲਾਸ਼ਾਂ ਦੀ ਕੁੱਲ ਗਿਣਤੀ ਚਾਰ ਹੋ ਗਈ ਹੈ। ਸਰਚ ਦੌਰਾਨ ਸੰਕੇਤ ਮਿਲੇ ਕਿ ਸਮੁੰਦਰੀ ਤੱਟ 'ਤੇ 50 ਮੀਟਰ (164 ਫੁੱਟ) ਪਾਣੀ ਦੇ ਹੇਠਾਂ ਤੋਂ ਇਕ ਲਾਸ਼ ਬਰਾਮਦ ਹੋਈ ਸੀ ਤੇ ਹਾਦਸੇ ਦੇ ਇੰਨਾ ਸਮਾਂ ਬੀਤ ਜਾਣ ਦੇ ਬਾਅਦ ਬਾਕੀਆਂ ਦੇ ਬਚਣ ਦੀ ਆਸ ਘੱਟ ਹੈ।

ਇੱਕ 56-ਮੀਟਰ (184-ਫੁੱਟ) ਬ੍ਰਿਟਿਸ਼-ਝੰਡੇ ਵਾਲੀ ਯਾਟ ਬਾਏਸੀਅਨ ਸੋਮਵਾਰ ਤੜਕੇ ਇੱਕ ਤੂਫਾਨ ਵਿੱਚ ਫਸ ਗਈ ਜਦੋਂ ਇਕ ਕੰਢੇ ਤੋਂ ਸਿਰਫ ਡੇਢ ਕਿਲੋਮੀਟਰ ਦੂਰ ਸੀ। ਸਿਵਲ ਪ੍ਰੋਟੈਕਸ਼ਨ ਅਧਿਕਾਰੀਆਂ ਨੇ ਕਿਹਾ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਜਹਾਜ਼ ਨੂੰ ਪਾਣੀ ਦੇ ਉੱਪਰ ਇੱਕ ਤੂਫ਼ਾਨ ਨੇ ਵੱਡਾ ਨੁਕਸਾਨ ਪਹੁੰਚਾਇਆ ਸੀ, ਜਿਸ ਤੋਂ ਬਾਅਦ ਕਿਸ਼ਤੀ ਤੇਜ਼ੀ ਨਾਲ ਡੁੱਬ ਗਈ।

ਲਾਈਫਬੋਟ ਦੀ ਸਹਾਇਤਾ ਨਾਲ ਪੰਦਰਾਂ ਲੋਕ ਬਚ ਨਿਕਲੇ ਤੇ ਉਨ੍ਹਾਂ ਨੂੰ ਨੇੜੇ ਦੀ ਸਮੁੰਦਰੀ ਕਿਸ਼ਤੀ ਦੁਆਰਾ ਪਾਣੀ ਵਿਚੋਂ ਕੱਢਿਆ ਗਿਆ। ਸੋਮਵਾਰ ਨੂੰ ਇੱਕ ਲਾਸ਼ ਬਰਾਮਦ ਕੀਤੀ ਗਈ ਸੀ, ਜੋ ਕਿ ਜਹਾਜ਼ ਦੇ ਐਂਟੀਗੁਆ ਵਿੱਚ ਪੈਦਾ ਹੋਏ ਸ਼ੈੱਫ, ਰੀਕਾਲਡੋ ਥਾਮਸ ਦੀ ਸੀ।