ਦੇਵਸਹਾਯਮ ਪਿੱਲੈਈ ਪੋਪ ਦੁਆਰਾ 'ਸੰਤ' ਘੋਸ਼ਿਤ ਕੀਤੇ ਜਾਣ ਵਾਲੇ ਬਣੇ ਪਹਿਲੇ ਭਾਰਤੀ

ਵੈਟੀਕਨ ਸਿਟੀ (ਭਾਸ਼ਾ): ਦੇਵਸਹਾਯਮ ਪਿੱਲੈਈ ਨੂੰ ਪੋਪ ਨੇ ਸੰਤ ਘੋਸ਼ਿਤ ਕੀਤਾ ਹੈ। ਇਹ ਉਪਲਬਧੀ ਹਾਸਲ ਕਰਨ ਵਾਲੇ ਉਹ ਪਹਿਲੇ ਭਾਰਤੀ ਬਣ ਗਏ ਹਨ। ਦੱਸ ਦੇਈਏ ਕਿ ਦੇਵਸਹਾਯਮ ਪਿੱਲੈਈ ਜਨਮ ਤੋਂ ਹਿੰਦੂ ਸੀ। ਉਸਨੇ 18ਵੀਂ ਸਦੀ ਵਿੱਚ ਈਸਾਈ ਧਰਮ ਅਪਣਾ ਲਿਆ। ਸੰਤ ਦੀ ਉਪਾਧੀ ਪ੍ਰਾਪਤ ਕਰਨ ਵਾਲੇ ਉਹ ਪਹਿਲੇ ਆਮ ਭਾਰਤੀ ਹਨ। ਪੋਪ ਫ੍ਰਾਂਸਿਸ ਨੇ ਐਤਵਾਰ ਨੂੰ ਵੈਟੀਕਨ ਦੇ ਸੇਂਟ ਪੀਟਰਸ ਬੇਸਿਲਿਕਾ ਵਿਖੇ ਸੰਤਾਂ ਦੀ ਸੂਚੀ ਵਿੱਚ ਉਨ੍ਹਾਂ ਦਾ ਨਾਮ ਜੋੜਦੇ ਹੋਏ ਨੌਂ ਹੋਰਾਂ ਦੇ ਨਾਲ ਦੇਵਸਾਹਯਮ ਪਿੱਲੈਈ ਨੂੰ ਸੰਤ ਘੋਸ਼ਿਤ ਕੀਤਾ। ਚਰਚ ਨੇ ਦੱਸਿਆ ਕਿ ਪਿੱਲੈਈ ਨੇ ਸੰਤ ਬਣਨ ਦੀ ਪ੍ਰਕਿਰਿਆ ਪੂਰੀ ਕਰ ਲਈ ਹੈ।

ਇੱਥੇ ਦੱਸ ਦਈਏ ਕਿ 2004 ਵਿੱਚ ਕੋਟਰ ਸੂਬੇ, ਤਾਮਿਲਨਾਡੂ ਬਿਸ਼ਪਜ਼ ਕੌਂਸਲ ਅਤੇ ਭਾਰਤ ਦੇ ਕੈਥੋਲਿਕ ਬਿਸ਼ਪਾਂ ਦੀ ਕਾਨਫਰੰਸ ਦੀ ਬੇਨਤੀ 'ਤੇ ਵੈਟੀਕਨ ਦੁਆਰਾ ਬੀਟੀਫਿਕੇਸ਼ਨ ਦੀ ਪ੍ਰਕਿਰਿਆ ਲਈ ਦੇਵਸਹਾਯਮ ਦੀ ਸਿਫਾਰਸ਼ ਕੀਤੀ ਗਈ ਸੀ। ਪੋਪ ਫ੍ਰਾਂਸਿਸ ਨੇ ਵੈਟੀਕਨ ਦੇ ਸੇਂਟ ਪੀਟਰਜ਼ ਬੇਸਿਲਿਕਾ ਵਿਖੇ ਨੌਂ ਹੋਰਾਂ ਦੇ ਨਾਲ ਦੇਵਸਹਾਯਮ ਪਿੱਲੈਈ ਨੂੰ ਸੰਤ ਵਜੋਂ ਉਪਾਧੀ ਦਿੱਤੀ।ਤੁਹਾਡੀ ਜਾਣਕਾਰੀ ਲਈ ਦੱਸ ਦਈਏ ਕਿ 1745 'ਚ ਈਸਾਈ ਧਰਮ ਅਪਣਾਉਣ ਤੋਂ ਬਾਅਦ ਉਨ੍ਹਾਂ ਨੇ 'ਲੇਜ਼ਾਰੂਸ' ਨਾਂ ਰੱਖਿਆ ਸੀ। 'ਲੇਜ਼ਾਰੂਸ' ਦਾ ਅਰਥ 'ਦੇਵਸਹਯਮ' ਜਾਂ 'ਦੇਵਤਿਆਂ ਦੀ ਮਦਦ' ਹੈ। 

ਪੋਪ ਫ੍ਰਾਂਸਿਸ ਪਿਛਲੇ ਕੁਝ ਮਹੀਨਿਆਂ ਤੋਂ ਆਪਣੇ ਸੱਜੇ ਗੋਡੇ ਵਿੱਚ ਦਰਦ ਦੀ ਸ਼ਿਕਾਇਤ ਕਰ ਰਹੇ ਹਨ। ਇਸ ਲਈ ਉਹ ਵ੍ਹੀਲ ਚੇਅਰ 'ਤੇ ਬੈਠ ਕੇ ਸਮਾਗਮ ਦੀ ਪ੍ਰਧਾਨਗੀ ਕਰਨ ਆਏ। ਦੇਵਸਹਾਯਮ ਤੋਂ ਇਲਾਵਾ ਨੌਂ ਹੋਰ ਲੋਕਾਂ ਨੂੰ ਵੀ ਇਹ ਖਿਤਾਬ ਦਿੱਤਾ ਗਿਆ, ਜਿਨ੍ਹਾਂ ਵਿਚ ਚਾਰ ਔਰਤਾਂ ਵੀ ਸ਼ਾਮਲ ਹਨ। ਪੋਪ ਨੇ ਸਮਾਰੋਹ ਵਿੱਚ ਕਿਹਾ ਕਿ ਸਾਡਾ ਕੰਮ ਧਰਮ ਸਿਖਾਉਣਾ ਅਤੇ ਆਪਣੇ ਭੈਣਾਂ-ਭਰਾਵਾਂ ਦੀ ਸੇਵਾ ਕਰਨਾ ਹੈ। ਸਾਡਾ ਕੰਮ ਕਿਸੇ ਇਨਾਮ ਦੀ ਉਮੀਦ ਕੀਤੇ ਬਿਨਾਂ ਆਪਣੇ ਆਪ ਨੂੰ ਸਮਰਪਿਤ ਕਰਨਾ ਹੈ। ਪ੍ਰਕਿਰਿਆ ਪੂਰੀ ਹੋਣ ਦੇ ਨਾਲ ਪਿੱਲੈਈ ਮਰਨ ਉਪਰੰਤ ਸੰਤ ਘੋਸ਼ਿਤ ਕੀਤੇ ਜਾਣ ਵਾਲੇ ਪਹਿਲੇ ਭਾਰਤੀ ਆਮ ਆਦਮੀ ਬਣ ਗਏ।

ਪੜ੍ਹੋ ਇਹ ਅਹਿਮ ਖ਼ਬਰ - ਕੈਨੇਡਾ : ਓਂਟਾਰੀਓ ਸੂਬਾਈ ਚੋਣਾਂ ਲਈ ਇਹ ਪੰਜਾਬੀ ਚੋਣ ਮੈਦਾਨ ‘ਚ ਨਿੱਤਰੇ 

ਪਿੱਲੈਈ ਦਾ ਜਨਮ 23 ਅਪ੍ਰੈਲ 1712 ਨੂੰ ਕੰਨਿਆਕੁਮਾਰੀ ਜ਼ਿਲ੍ਹੇ ਦੇ ਨਟਲਮ ਵਿਖੇ ਇੱਕ ਹਿੰਦੂ ਨਾਇਰ ਪਰਿਵਾਰ ਵਿੱਚ ਹੋਇਆ ਸੀ, ਜੋ ਉਸ ਸਮੇਂ ਤ੍ਰਾਵਣਕੋਰ ਦੇ ਰਾਜ ਦਾ ਹਿੱਸਾ ਸੀ। ਉਸ ਦਾ ਅਸਲੀ ਨਾਮ ਨੀਲਕੰਠ ਪਿੱਲੈਈ ਸੀ। ਉਹ ਕੰਨਿਆਕੁਮਾਰੀ ਦੇ ਨਟਲਮ ਦਾ ਵਸਨੀਕ ਸੀ ਜੋ ਉਸ ਸਮੇਂ ਦੇ ਤ੍ਰਾਵਣਕੋਰ ਰਾਜ ਦਾ ਹਿੱਸਾ ਸੀ। ਉਹ ਤਰਾਵਣਕੋਰ ਦੇ ਮਹਾਰਾਜਾ ਮਾਰਥੰਡਾ ਵਰਮਾ ਦੇ ਦਰਬਾਰ ਵਿੱਚ ਇੱਕ ਅਧਿਕਾਰੀ ਸੀ। ਉਸ ਨੂੰ ਡੱਚ ਨੇਵੀ ਦੇ ਕਮਾਂਡਰ ਨੇ ਕੈਥੋਲਿਕ ਈਸਾਈ ਧਰਮ ਦੀ ਦੀਕਸ਼ਾ ਦਿੱਤੀ ਸੀ। ਵੈਟੀਕਨ ਦੁਆਰਾ ਉਸ ਦਾ ਵਰਣਨ ਕਰਨ ਲਈ ਤਿਆਰ ਕੀਤੇ ਗਏ ਇੱਕ ਨੋਟ ਵਿੱਚ ਕਿਹਾ ਗਿਆ ਕਿਪ੍ਰਚਾਰ ਕਰਦੇ ਸਮੇਂ ਉਸਨੇ ਵਿਸ਼ੇਸ਼ ਤੌਰ 'ਤੇ ਜਾਤੀ ਭੇਦਭਾਵ ਤੋਂ ਪਰੇ ਸਾਰੇ ਲੋਕਾਂ ਦੀ ਸਮਾਨਤਾ 'ਤੇ ਜ਼ੋਰ ਦਿੱਤਾ। ਇਸ ਕਾਰਨ ਉੱਚ ਵਰਗ ਵਿਚ ਉਸ ਪ੍ਰਤੀ ਨਫ਼ਰਤ ਪੈਦਾ ਹੋ ਗਈ। ਸਾਲ 1749 ਵਿਚ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਅਤੇ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। 

14 ਜਨਵਰੀ 1752 ਨੂੰ ਦੇਵਸਹਾਯਮ ਨੂੰ ਗੋਲੀ ਮਾਰ ਦਿੱਤੀ ਗਈ ਅਤੇ ਅੰਤ ਵਿੱਚ ਸ਼ਹੀਦੀ ਦਾ ਤਾਜ ਪਹਿਨਾਇਆ ਗਿਆ। ਮਲਿਆਲਮ ਵਿੱਚ "ਲੇਜ਼ਾਰੂਸ" ਜਾਂ "ਦੇਵਸਯਾਮ" ਦਾ ਮਤਲਬ ਹੈ "ਰੱਬ ਮੇਰਾ ਸਹਾਇਕ ਹੈ।" ਦੇਵਸਹਾਯਮ ਦਾ ਜਨਮ ਅਤੇ ਮੌਤ ਦਾ ਸਥਾਨ ਕੋਟਰ ਧਰਮਕਸ਼ੇਤਰ ਵਿੱਚ ਹੈ ਜੋ ਕਿ ਤਾਮਿਲ ਦੇ ਕੰਨਿਆਕੁਮਾਰੀ ਜ਼ਿਲ੍ਹੇ ਵਿੱਚ ਸਥਿਤ ਹੈ। ਦੇਵਾਸਾਹਯਾਮ ਨੂੰ ਉਸਦੇ ਜਨਮ ਤੋਂ 300 ਸਾਲ ਬਾਅਦ 2 ਦਸੰਬਰ 2012 ਨੂੰ ਕੋਤਰ ਵਿੱਚ ਈਸਾਈ ਧਰਮ ਅਨੁਸਾਰ 'ਖੁਸ਼ਕਿਸਮਤ' ਐਲਾਨਿਆ ਗਿਆ ਸੀ।