ਕੋਰੋਨਾ ਕਾਰਨ ਬ੍ਰਿਟੇਨ ਦੇ ਕੁਝ ਹਿੱਸਿਆਂ ''ਚ ਸਖ਼ਤ ਪਾਬੰਦੀਆਂ ਲਾਗੂ

ਲੰਡਨ-ਬ੍ਰਿਟੇਨ 'ਚ ਕੋਰੋਨਾ ਵਾਇਰਸ ਇਨਫੈਕਸ਼ਨ ਦੇ ਵਧਦੇ ਮਾਮਲਿਆਂ ਨੂੰ ਰੋਕਣ ਲਈ ਵੇਲਸ, ਸਕਾਟਲੈਂਡ ਅਤੇ ਉੱਤਰ ਆਇਰਲੈਂਡ 'ਚ ਐਤਵਾਰ ਤੋਂ ਨਵੀਆਂ ਸਖ਼ਤ ਪਾਬੰਦੀਆਂ ਲਾਗੂ ਹੋ ਗਈਆਂ ਹਨ। ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਅਤੇ ਉਨ੍ਹਾਂ ਦਾ ਮੰਤਰੀ ਮੰਡਲ ਸੋਮਵਾਰ ਨੂੰ ਮਾਹਿਰਾਂ ਨਾਲ ਕੋਰੋਨਾ ਵਾਇਰਸ ਇਨਫੈਕਸ਼ਨ 'ਤੇ ਸਮੀਖਿਆ ਬੈਠਕ ਕਰ ਸਕਦਾ ਹੈ ਤਾਂ ਇਕ ਇਹ ਤੈਅ ਕੀਤਾ ਜਾ ਸਕੇ ਕਿ ਇੰਗਲੈਂਡ ਲਈ ਵੀ ਹੋਰ ਪਾਬੰਦੀਆਂ ਲਾਗੂ ਕਰਨ ਦੀ ਲੋੜ ਹੈ ਜਾਂ ਨਹੀਂ। ਇਹ ਖੇਤਰ ਮੌਜੂਦਾ ਸਮੇਂ 'ਚ 'ਪਲਾਨ ਬੀ' ਉਪਾਅ ਦੇ ਅਧੀਨ ਹੈ, ਜਿਸ 'ਚ ਘਰੋਂ ਕੰਮ ਕਰਨ, ਜ਼ਰੂਰੀ ਰੂਪ ਨਾਲ ਮਾਸਕ ਪਹਿਣਨ ਅਤੇ ਕੋਵਿਡ-19 ਟੀਕਾਕਰਨ ਸਰਟੀਫਿਕੇਟ ਪੱਤਰ ਜ਼ਰੂਰੀ ਕੀਤਾ ਗਿਆ ਹੈ।

ਇਹ ਵੀ ਪੜ੍ਹੋ : ਮਹਾਰਾਣੀ ਐਲਿਜ਼ਾਬੇਥ ਨੇ ਲੋਕਾਂ ਨੂੰ ਦੋਸਤਾਂ ਤੇ ਪਰਿਵਾਰ ਨਾਲ ਕ੍ਰਿਸਮਸ ਦਾ ਜਸ਼ਨ ਮਨਾਉਣ ਲਈ ਕੀਤਾ ਉਤਸ਼ਾਹਿਤ

ਇਸ ਦਰਮਿਆਨ, ਵੇਲਸ 'ਚ ਐਤਵਾਰ ਤੋਂ ਨਾਈਟ ਕਲੱਬ ਬੰਦ ਹੋ ਜਾਣਗੇ ਅਤੇ ਪੱਬ, ਰੈਸਟੋਰੈਂਟ ਅਤੇ ਸਿਨੇਮਾਘਰਾਂ 'ਚ ਜ਼ਿਆਦਾਤਰ 6 ਲੋਕਾਂ ਨੂੰ ਇਜਾਜ਼ਤ ਹੋਵੇਗੀ। ਇੰਡੋਰ ਪ੍ਰੋਗਰਾਮਾਂ 'ਚ ਜ਼ਿਆਦਾਤਰ 30 ਲੋਕਾਂ ਨੂੰ ਇਜਾਜ਼ਤ ਦਿੱਤੀ ਜਾਵੇਗੀ ਜਦਕਿ ਆਊਟਡੋਰ ਪ੍ਰੋਗਰਾਮਾਂ 'ਚ ਇਹ ਸੀਮਾ 50 ਹੈ। ਸਕਾਟਲੈਂਡ 'ਚ, ਵੱਡੇ ਪ੍ਰੋਗਰਾਮਾਂ 'ਚ ਹੁਣ ਵੀ ਇਕ ਮੀਟਰ ਤੱਕ ਦੀ ਦੂਰੀ ਬਣਾ ਕੇ ਰੱਖਣ ਦੀ ਲੋੜ ਹੋਵੇਗੀ। ਇੰਡੋਰ ਪ੍ਰੋਗਰਾਮਾਂ 'ਚ 100 ਲੋਕ ਹੀ ਸ਼ਾਮਲ ਹੋ ਸਕਣਗੇ ਜਦਕਿ ਆਊਟਡੋਰ ਪ੍ਰੋਗਰਾਮਾਂ ਲਈ ਇਹ ਸੀਮਾ 500 ਲੋਕਾਂ ਦੀ ਹੈ। ਸੋਮਵਾਰ ਤੋਂ, ਨਾਈਟ ਕਲੱਬ ਤਿੰਨ ਹਫ਼ਤਿਆਂ ਲਈ ਬੰਦ ਹੋ ਜਾਣਗੇ। ਉੱਤਰ ਆਇਰਲੈਂਡ ਨੇ ਨਾਈਟ ਕਲੱਬ ਬੰਦ ਕਰ ਦਿੱਤੇ ਹਨ। ਕ੍ਰਿਸਮਸ ਅਤੇ 'ਬਾਕਸਿੰਗ ਡੇਅ' ਹਫਤੇ ਦੇ ਆਖਿਰ 'ਚ ਕੋਰੋਨਾ ਵਾਇਰਸ ਦੇ ਰੋਜ਼ਾਨਾ ਅੰਕੜੇ ਨਹੀਂ ਦੱਸੇ ਜਾ ਰਹੇ ਹਨ ਪਰ ਸ਼ੁੱਕਰਵਾਰ ਨੂੰ ਬ੍ਰਿਟੇਨ 'ਚ 1,22,186 ਮਾਮਲਿਆਂ ਦਾ ਇਕ ਹੋਰ ਉੱਚ ਪੱਧਰ ਦੇਖਿਆ ਗਿਆ।

ਇਹ ਵੀ ਪੜ੍ਹੋ : ਕ੍ਰਿਸਮਸ ਦੇ ਮੌਕੇ 'ਤੇ ਪੋਪ ਨੇ ਮਹਾਮਾਰੀ ਦੇ ਖਤਮ ਹੋਣ ਦੀ ਕੀਤੀ ਪ੍ਰਾਰਥਨਾ

ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।