ਆਪਣੇ ਹੀ ਵਿਆਹ ਦੀ ਰਿਸੈਪਸ਼ਨ 'ਚ 2 ਘੰਟੇ ਦੇਰੀ ਨਾਲ ਪਹੁੰਚਿਆ ਜੋੜਾ, ਉਡੀਕਦੇ ਰਹੇ ਮਹਿਮਾਨ, ਲਿਫਟ 'ਚ ਅਟਕੀ ਜਾਨ
02/24/2023 4:09:42 PM
ਉੱਤਰੀ ਕੈਰੋਲੀਨਾ - ਆਪਣੇ ਵਿਆਹ ਨੂੰ ਯਾਦਗਾਰ ਬਣਾਉਣ ਲਈ ਅੱਜ-ਕੱਲ੍ਹ ਕੁੜੀਆਂ/ਮੁੰਡੇ ਤਰ੍ਹਾਂ-ਤਰ੍ਹਾਂ ਦੇ ਤਰੀਕੇ ਅਪਣਾਉਂਦੇ ਹਨ ਪਰ ਅਮਰੀਕਾ ਦੇ ਉੱਤਰੀ ਕੈਰੋਲੀਨਾ ਸ਼ਹਿਰ ਸ਼ਾਰਲੋਟ ਵਿਚ ਇਕ ਨਵ-ਵਿਆਹੇ ਜੋੜੇ ਦੇ ਵਿਆਹ ਨਾਲ ਅਨੋਖਾ ਕਿੱਸਾ ਜੁੜ ਗਿਆ। ਦਰਅਸਲ ਜੋੜੇ ਨਾਲ ਅਜਿਹੀ ਹਾਸੋ-ਹੀਣੀ ਘਟਨਾ ਵਾਪਰੀ, ਜਿਸ ਕਾਰਨ ਉਹ ਆਪਣੇ ਵਿਆਹ ਦੀ ਰਿਸੈਪਸ਼ਨ ਵਿੱਚ ਸਮੇਂ ਸਿਰ ਨਹੀਂ ਪਹੁੰਚ ਸਕਿਆ। ਇਹ ਜੋੜਾ ਕਰੀਬ 2 ਘੰਟੇ ਤੱਕ ਲਿਫਟ ਵਿੱਚ ਫਸਿਆ ਰਿਹਾ। ਬਾਅਦ ਵਿੱਚ ਜਦੋਂ ਫਾਇਰਮੈਨ ਆਏ ਤਾਂ ਉਨ੍ਹਾਂ ਨੂੰ ਲਿਫਟ ਵਿੱਚੋਂ ਬਾਹਰ ਕੱਢਿਆ ਜਾ ਸਕਿਆ। ਇਸ ਘਟਨਾ ਦੀ ਸੋਸ਼ਲ ਮੀਡੀਆ 'ਤੇ ਕਾਫੀ ਚਰਚਾ ਹੋ ਰਹੀ ਹੈ।
ਪਨਵ ਅਤੇ ਵਿਕਟੋਰੀਆ ਝਾਅ ਉੱਤਰੀ ਕੈਰੋਲੀਨਾ ਦੇ ਗ੍ਰੈਂਡ ਬੋਹੇਮੀਆ ਹੋਟਲ ਵਿੱਚ ਆਪਣੇ ਵਿਆਹ ਦੀ ਰਿਸੈਪਸ਼ਨ ਲਈ ਨਿਕਲੇ। ਉਨ੍ਹਾਂ ਦੀ ਰਿਸੈਪਸ਼ਨ ਹੋਟਲ ਦੀ 16ਵੀਂ ਮੰਜ਼ਿਲ 'ਤੇ ਸੀ। 16ਵੀਂ ਮੰਜ਼ਿਲ ਉਤੇ ਜਾਣ ਲਈ ਉਨ੍ਹਾਂ ਨੇ ਲਿਫ਼ਟ ਦੀ ਵਰਤੋਂ ਕੀਤੀ ਪਰ ਕੁਝ ਸਮੇਂ ਬਾਅਦ ਉਹ ਲਿਫਟ 'ਚ ਫਸ ਗਏ। ਲਾੜਾ-ਲਾੜੀ ਦੇ ਨਾਲ 4 ਹੋਰ ਮਹਿਮਾਨ ਵੀ ਫਸ ਗਏ, ਜਿਨ੍ਹਾਂ ਵਿੱਚ ਵਿਕਟੋਰੀਆ ਦੀ ਭੈਣ ਵੀ ਸ਼ਾਮਲ ਸੀ। ਇਨ੍ਹਾਂ ਸਾਰਿਆਂ ਨੂੰ 2 ਘੰਟੇ ਦੀ ਮਿਹਨਤ ਤੋਂ ਬਾਅਦ ਬਾਹਰ ਕੱਢਿਆ ਜਾ ਸਕਿਆ। ਹਾਲਾਂਕਿ, ਜਦੋਂ ਤੱਕ ਜੋੜਾ ਲਿਫਟ ਤੋਂ ਬਾਹਰ ਨਿਕਲਿਆ, ਉਦੋਂ ਤੱਕ ਬਹੁਤ ਦੇਰ ਹੋ ਚੁੱਕੀ ਸੀ ਅਤੇ ਅੱਧੇ ਤੋਂ ਵੱਧ ਮਹਿਮਾਨ ਰਿਸੈਪਸ਼ਨ ਪਾਰਟੀ ਤੋਂ ਜਾ ਚੁੱਕੇ ਸਨ।
ELEVATOR ENTRAPMENT UPDATE: The 6 people trapped on an elevator on the 200 block W Trade St. have been safely rescued. All part of the same wedding party, no one required medical attention. https://t.co/LvI3MILPMx pic.twitter.com/HBYU4kMnrl
— Charlotte Fire Dept (@CharlotteFD) February 19, 2023
ਇਸ ਪੂਰੀ ਘਟਨਾ ਵਿੱਚ ਕਿਸੇ ਨੂੰ ਕੋਈ ਨੁਕਸਾਨ ਨਹੀਂ ਹੋਇਆ ਹੈ। ਜਿਸ ਲਿਫਟ ਰਾਹੀਂ ਇਹ ਜੋੜਾ ਅਤੇ ਮਹਿਮਾਨ ਜਾ ਰਹੇ ਸਨ, ਉਹ ਪਹਿਲੀ ਅਤੇ ਦੂਜੀ ਮੰਜ਼ਿਲ ਦੇ ਵਿਚਕਾਰ ਫਸ ਗਈ ਸੀ। ਪਨਵ ਨੇ ਇਕ ਅੰਗ੍ਰੇਜੀ ਨਿਊਜ਼ ਚੈਨਲ ਨੂੰ ਦੱਸਿਆ ਕਿ ਜਦੋਂ ਲਿਫਟ ਬੰਦ ਹੋਈ ਤਾਂ ਉਸ ਨੂੰ ਲੱਗਾ ਕਿ ਸ਼ਾਇਦ ਕੁਝ ਘੰਟਿਆਂ ਲਈ ਰੁਕ ਗਈ ਹੈ। ਫਿਰ ਉਸ ਨੇ ਦੇਖਿਆ ਕਿ ਦਰਵਾਜ਼ਾ ਅੱਧਾ ਖੁੱਲ੍ਹਾ ਸੀ। ਪੰਜ ਫੁੱਟ ਤੱਕ ਆ ਕੇ ਲਿਫਟ ਬੰਦ ਹੋ ਗਈ ਅਤੇ ਸਾਰੇ ਉਸ ਵਿੱਚ ਫਸ ਗਏ। ਇਸ ਤੋਂ ਬਾਅਦ ਜਦੋਂ ਦਰਵਾਜ਼ਾ ਖੋਲ੍ਹਿਆ ਤਾਂ ਸਾਹਮਣੇ ਅਤੇ ਪਿੱਛੇ ਕੰਕਰੀਟ ਦੀ ਕੰਧ ਹੀ ਦਿਖਾਈ ਦਿੱਤੀ। ਇਸ ਦੌਰਾਨ ਲਿਫਟ ਵਿਚ ਫਸਣ ਦੀ ਸੂਚਨਾ ਫਾਇਰ ਬ੍ਰਿਗੇਡ ਟੀਮ ਨੂੰ ਦਿੱਤੀ ਗਈ। ਜੋੜੇ ਆਪਣੀ ਜਾਨ ਬਚਾਉਣ ਲਈ ਫਾਇਰਫਾਈਟਰਜ਼ ਦਾ ਧੰਨਵਾਦ ਕੀਤਾ ਹੈ। ਬਚਾਅ ਤੋਂ ਬਾਅਦ ਜੋੜੇ ਨੇ ਫਾਇਰਫਾਈਟਰਜ਼ ਨਾਲ ਇੱਕ ਤਸਵੀਰ ਪੋਸਟ ਕੀਤੀ। ਸ਼ਾਰਲੋਟ ਫਾਇਰ ਵਿਭਾਗ ਦੇ ਫੇਸਬੁੱਕ ਪੇਜ 'ਤੇ ਇਸ ਜੋੜੀ ਨੂੰ ਵਧਾਈ ਦਿੰਦੇ ਹੋਏ ਉਨ੍ਹਾਂ ਦੀ ਤਸਵੀਰ ਸਾਂਝੀ ਕੀਤੀ ਗਈ ਹੈ। ਵਿਭਾਗ ਨੇ ਲਿਖਿਆ, 'ਮਿਸਟਰ ਅਤੇ ਮਿਸਿਜ਼ ਝਾਅ ਨੂੰ ਵਿਆਹ ਦੀਆਂ ਵਧਾਈਆਂ।'
ਇਹ ਵੀ ਪੜ੍ਹੋ: ਮਤਰੇਏ ਪਿਓ ਦਾ ਕਾਰਾ, ਨਾਬਾਲਗ ਧੀ ਨੂੰ ਬਣਾਇਆ ਹਵਸ ਦਾ ਸ਼ਿਕਾਰ, ਹੁਣ ਅਦਾਲਤ ਨੇ ਸੁਣਾਈ ਮਿਸਾਲੀ ਸਜ਼ਾ
ਨੋਟ: ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।
