ਕਾਂਗੋ ''ਚ ਇਬੋਲਾ ਫੈਲਣ ਦੌਰਾਨ ਯੋਨ ਉਤਪੀੜਨ ਦੇ 80 ਵਧ ਮਾਮਲੇ ਆਏ ਸਾਹਮਣੇ: ਕਮੇਟੀ
Tuesday, Sep 28, 2021 - 08:53 PM (IST)
ਬੇਨੀ (ਕਾਂਗੋ) - ਵਿਸ਼ਵ ਸਿਹਤ ਸੰਗਠਨ (ਡਬਲਿਯੂ.ਐੱਚ.ਓ.) ਦੁਆਰਾ ਗਠਿਤ ਇੱਕ ਕਮਿਸ਼ਨ ਨੇ ਪਾਇਆ ਹੈ ਕਿ ਕਾਂਗੋ ਵਿੱਚ ਇਬੋਲਾ ਫੈਲਣ ਦੌਰਾਨ ਯੋਨ ਉਤਪੀੜਨ ਦੇ 80 ਤੋਂ ਵਧ ਮਾਮਲੇ ਸਾਹਮਣੇ ਆਏ। ਇਨ੍ਹਾਂ ਵਿੱਚ ਡਬਲਿਯੂ.ਐੱਚ.ਓ. ਦੇ 20 ਕਰਮ ਕਰਮਚਾਰੀਆਂ ਖ਼ਿਲਾਫ਼ ਵੀ ਯੋਨ ਉਤਪੀੜਨ ਦੇ ਮਾਮਲੇ ਹਨ। ਕਮੇਟੀ ਨੇ ਮੰਗਲਵਾਰ ਨੂੰ ਆਪਣਾ ਸਿੱਟਾ ਜਾਰੀ ਕੀਤਾ। ਕੁੱਝ ਮਹੀਨੇ ਪਹਿਲਾਂ ‘ਐਸੋਸੀਏਟਿਡ ਪ੍ਰੈੱਸ ਦੀ ਜਾਂਚ ਵਿੱਚ ਪਾਇਆ ਗਿਆ ਕਿ ਡਬਲਿਯੂ.ਐੱਚ.ਓ. ਦੇ ਪ੍ਰਬੰਧਨ ਨੂੰ ਸੂਚਿਤ ਕੀਤਾ ਗਿਆ ਕਿ 2019 ਵਿੱਚ ਯੋਨ ਉਤਪੀੜਨ ਦੀਆਂ ਕਈ ਘਟਨਾਵਾਂ ਹੋਈਆਂ ਪਰ ਉਤਪੀੜਨ ਦੀਆਂ ਘਟਨਾਵਾਂ ਨਹੀਂ ਰੂਕੀਆਂ ਅਤੇ ਇਸ ਵਿੱਚ ਸ਼ਾਮਲ ਇੱਕ ਪ੍ਰਬੰਧਕ ਦੀ ਤਰੱਕੀ ਵੀ ਕਰ ਦਿੱਤੀ ਗਈ।
ਡਬਲਿਯੂ.ਐੱਚ.ਓ. ਦੇ ਡਾਇਰੈਕਟਰ-ਜਨਰਲ ਟੇਡਰੋਸ ਅਡਾਨੋਮ ਗੈਬਰੀਅਸਸ ਨੇ ਦਾਵਿਆਂ ਦੀ ਜਾਂਚ ਲਈ ਪਿਛਲੇ ਅਕਤੂਬਰ ਵਿੱਚ ਕਮੇਟੀ ਦਾ ਗਠਨ ਕੀਤਾ। ਮੀਡੀਆ ਦੀਆਂ ਖਬਰਾਂ ਵਿੱਚ ਦੱਸਿਆ ਗਿਆ ਸੀ ਕਿ ਕਾਂਗੋ ਵਿੱਚ 2018 ਵਿੱਚ ਇਬੋਲਾ ਫੈਲਣ ਤੋਂ ਬਾਅਦ ਇਸ ਸੰਕਟ ਤੋਂ ਨਜਿੱਠਣ ਵਿੱਚ ਲੱਗੇ ਅਣਪਛਾਤੇ ਅਧਿਕਾਰੀਆਂ ਨੇ ਔਰਤਾਂ ਦਾ ਯੋਨ ਉਤਪੀੜਨ ਕੀਤਾ, ਜਿਸ ਤੋਂ ਬਾਅਦ ਕਮੇਟੀ ਦਾ ਗਠਨ ਕੀਤਾ ਗਿਆ। ਉਸ ਸਮੇਂ ਟੇਡਰੋਸ ਨੇ ਕਿਹਾ ਸੀ ਕਿ ਉਹ ‘‘ਘਬਰਾਇਆ ਹੋਇਆ ਹੈ। ਉਨ੍ਹਾਂ ਕਿਹਾ ਸੀ ਕਿ ਜੋ ਵੀ ਕਰਮਚਾਰੀ ਯੋਨ ਉਤਪੀੜਨ ਵਿੱਚ ਸ਼ਾਮਲ ਪਾਇਆ ਜਾਵੇਗਾ ਉਸ ਨੂੰ ਤੁਰੰਤ ਬਰਖਾਸਤ ਕਰ ਦਿੱਤਾ ਜਾਵੇਗਾ।
'ਏਪੀ' ਨੇ ਮਈ ਵਿੱਚ ਖ਼ਬਰ ਪ੍ਰਕਾਸ਼ਿਤ ਕੀਤੀ ਸੀ ਕਿ ਡਬਲਿਯੂ.ਐੱਚ.ਓ. ਦੇ ਸੀਨੀਅਰ ਅਧਿਕਾਰੀ ਡਾ. ਮਾਈਕਲ ਯਾਓ ਨੂੰ ਕਈ ਵਾਰ ਲਿਖਤੀ ਵਿੱਚ ਯੋਨ ਉਤਪੀੜਨ ਦੇ ਦੋਸ਼ਾਂ ਦੀ ਸੂਚਨਾ ਦਿੱਤੀ ਗਈ। ਯਾਓ ਨੂੰ ਬਾਅਦ ਵਿੱਚ ਤਰੱਕੀ ਦੇ ਦਿੱਤੀ ਗਈ। ਡਬਲਿਯੂ.ਐੱਚ.ਓ. ਦੇ ਡਾਕਟਰ ਜਯਾਂ ਪਾਲ ਨਗਾਂਡੂ ਅਤੇ ਏਜੰਸੀ ਦੇ ਦੋ ਹੋਰ ਅਧਿਕਾਰੀਆਂ ਨੇ ਇੱਕ ਮੁਟਿਆਰ ਲਈ ਜ਼ਮੀਨ ਖਰੀਦਣ ਦਾ ਲਿਖਤੀ ਵਾਅਦਾ ਕੀਤਾ ਸੀ, ਜਿਸ ਨੂੰ ਕਥਿਤ ਤੌਰ 'ਤੇ ਗਰਭਵਤੀ ਬਣਾ ਦਿੱਤਾ ਸੀ। ਕੁੱਝ ਔਰਤਾਂ ਨੇ ਕਿਹਾ ਕਿ ਡਬਲਿਯੂ.ਐੱਚ.ਓ. ਦੇ ਅਧਿਕਾਰੀਆਂ ਨੇ ਉਨ੍ਹਾਂ ਨੂੰ ਪ੍ਰੇਸ਼ਾਨ ਕੀਤਾ ਅਤੇ ਉਨ੍ਹਾਂ ਨੂੰ ਉਮੀਦ ਹੈ ਕਿ ਉਨ੍ਹਾਂ ਨੂੰ ਸਖ਼ਤ ਸਜਾ ਮਿਲੇਗਾ।
ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।
