ਚੀਨ 'ਚ ਕੋਰੋਨਾ ਦੀ ਸੁਨਾਮੀ, ਇਕ ਦਿਨ 'ਚ 36 ਹਜ਼ਾਰ ਮੌਤਾਂ ਹੋਣ ਦਾ ਅਨੁਮਾਨ

ਬੀਜਿੰਗ (ਭਾਸ਼ਾ): ਚੀਨ ਵਿੱਚ ਕੋਰੋਨਾ ਵਾਇਰਸ ਮਹਾਮਾਰੀ ਨੂੰ ਲੈ ਕੇ ਸਥਿਤੀ ਅਜੇ ਵੀ ਸੁਧਰੀ ਨਹੀਂ ਹੈ। ਇਸ ਦੌਰਾਨ ਖ਼ਬਰ ਹੈ ਕਿ ਇੱਥੇ ਹਰ ਰੋਜ਼ ਕੋਰੋਨਾ ਕਾਰਨ 36,000 ਮੌਤਾਂ ਹੋ ਸਕਦੀਆਂ ਹਨ। ਕਿਉਂਕਿ ਚੀਨੀ ਨਵੇਂ ਸਾਲ ਦਾ ਜਸ਼ਨ ਮਨਾਉਣ ਲਈ ਲੋਕ ਆਪਣੇ ਘਰਾਂ ਨੂੰ ਜਾਣਗੇ। ਹਾਲਾਂਕਿ ਇਹ ਤਿਉਹਾਰ 7 ਜਨਵਰੀ ਤੋਂ ਸ਼ੁਰੂ ਹੋ ਗਿਆ ਹੈ, ਪਰ ਛੁੱਟੀਆਂ 21 ਜਨਵਰੀ ਤੋਂ ਸ਼ੁਰੂ ਹੋਣ ਜਾ ਰਹੀਆਂ ਹਨ। ਮਾਹਰਾਂ ਨੇ ਕਿਹਾ ਹੈ ਕਿ ਜ਼ੀਰੋ ਕੋਵਿਡ ਨੀਤੀ ਨੂੰ ਖ਼ਤਮ ਕਰਨ ਤੋਂ ਬਾਅਦ ਦੇਸ਼ ਇਸ ਸਮੇਂ ਤਬਾਹੀ ਦੇ ਵਿਚਕਾਰ ਹੈ। ਚੀਨ ਵਿੱਚ ਹਰ ਰੋਜ਼ ਕਰੋੜਾਂ ਦੀ ਗਿਣਤੀ ਵਿੱਚ ਕੋਰੋਨਾ ਦੇ ਮਾਮਲੇ ਆ ਰਹੇ ਹਨ। ਇਸ ਦੌਰਾਨ ਮਰਨ ਵਾਲਿਆਂ ਦੀ ਗਿਣਤੀ ਵਧਣ ਦਾ ਖਦਸ਼ਾ ਹੈ। ਚੀਨ ਨੇ ਇਸ ਹਫ਼ਤੇ ਮੰਨਿਆ ਹੈ ਕਿ ਇੱਕ ਮਹੀਨੇ ਵਿੱਚ 60,000 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਹਾਲਾਂਕਿ ਚੀਨ ਇਹ ਸਵੀਕਾਰ ਨਹੀਂ ਕਰ ਰਿਹਾ ਹੈ ਕਿ ਇਹ ਮੌਤਾਂ ਕੋਰੋਨਾ ਕਾਰਨ ਹੋਈਆਂ ਹਨ।

ਚੀਨ ਨੇ 8 ਜਨਵਰੀ ਨੂੰ ਕੋਰੋਨਾ ਨਾਲ ਮਰਨ ਵਾਲਿਆਂ ਦੀ ਅੰਤਿਮ ਗਿਣਤੀ ਜਾਰੀ ਕੀਤੀ, ਜਿਸ ਦੇ ਅਨੁਸਾਰ ਮਹਾਮਾਰੀ ਦੀ ਸ਼ੁਰੂਆਤ ਤੋਂ ਹੁਣ ਤੱਕ ਸਿਰਫ 5,272 ਲੋਕਾਂ ਦੀ ਮੌਤ ਕੋਰੋਨਾ ਨਾਲ ਹੋਈ ਹੈ। ਹਾਲਾਂਕਿ ਮਾਹਿਰਾਂ ਦਾ ਮੰਨਣਾ ਹੈ ਕਿ ਇੱਥੇ 60 ਹਜ਼ਾਰ ਮੌਤਾਂ ਨਾਲੋਂ 10 ਗੁਣਾ ਜ਼ਿਆਦਾ ਮੌਤਾਂ ਹੋਈਆਂ ਹਨ। ਕਿਉਂਕਿ ਕੋਰੋਨਾ ਦੇ ਵੱਧ ਰਹੇ ਕੇਸਾਂ ਕਾਰਨ ਹਸਪਤਾਲ ਭਰੇ ਪਏ ਹਨ। ਚੀਨ ਨੇ ਸਿਰਫ ਹਸਪਤਾਲ ਵਿੱਚ ਹੋਈਆਂ ਮੌਤਾਂ ਨੂੰ ਮੰਨਿਆ ਹੈ। ਅਜਿਹੇ 'ਚ ਸੰਭਵ ਹੈ ਕਿ ਘਰਾਂ 'ਚ ਮਰਨ ਵਾਲਿਆਂ ਦੀ ਗਿਣਤੀ ਜ਼ਿਆਦਾ ਹੋਵੇ। ਪਰ ਇਸ ਦੌਰਾਨ, ਮਾਹਰਾਂ ਨੇ ਚੀਨੀ ਨਵੇਂ ਸਾਲ ਦੇ ਮੌਕੇ 'ਤੇ ਚੇਤਾਵਨੀ ਦਿੱਤੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਲੋਕ ਵੱਡੀ ਗਿਣਤੀ 'ਚ ਯਾਤਰਾ ਕਰਨਗੇ, ਜਿਸ ਕਾਰਨ ਕੇਸ ਵਧਣਗੇ ਅਤੇ ਮੌਤਾਂ ਦੀ ਗਿਣਤੀ ਵੀ ਵੱਧ ਜਾਵੇਗੀ।

ਪੜ੍ਹੋ ਇਹ ਅਹਿਮ ਖ਼ਬਰ- UAE 'ਚ ਕਲਾਕਾਰ ਨੇ ਸਮੁੰਦਰ ਕਿਨਾਰੇ ਰੇਤ 'ਤੇ ਬਣਾਈਆਂ ਤਸਵੀਰਾਂ, ਬਣਿਆ ਇਹ ਰਿਕਾਰਡ

ਏਅਰਫਿਨਿਟੀ ਦਾ ਅਨੁਮਾਨ

ਇੱਕ ਗਲੋਬਲ ਹੈਲਥ ਇੰਟੈਲੀਜੈਂਸ ਸਰਵਿਸ ਏਅਰਫਿਨਿਟੀ ਦਾ ਅਨੁਮਾਨ ਹੈ ਕਿ 26 ਜਨਵਰੀ ਤੱਕ ਇੱਕ ਦਿਨ ਵਿੱਚ 36,000 ਮੌਤਾਂ ਹੋ ਸਕਦੀਆਂ ਹਨ। ਵਿਸ਼ਲੇਸ਼ਕਾਂ ਦਾ ਇਹ ਵੀ ਅੰਦਾਜ਼ਾ ਹੈ ਕਿ 27 ਜਨਵਰੀ ਤੱਕ ਹਰ ਰੋਜ਼ 6.2 ਕਰੋੜ ਸੰਕਰਮਿਤ ਹੋ ਸਕਦੇ ਹਨ। ਪ੍ਰੋਫੈਸਰ ਮਿੰਕਸਿਨ ਪੇਈ ਦਾ ਮੰਨਣਾ ਹੈ ਕਿ ਚੀਨ ਮਰਨ ਵਾਲਿਆਂ ਦੀ ਗਿਣਤੀ ਨੂੰ ਲੁਕਾਉਣ ਦੀ ਪੂਰੀ ਕੋਸ਼ਿਸ਼ ਕਰੇਗਾ। ਨਿੱਕੀ ਏਸ਼ੀਆ ਦੀ ਰਿਪੋਰਟ ਦੇ ਅਨੁਸਾਰ ਉਸਨੇ ਕਿਹਾ ਕਿ 'ਜ਼ੀਰੋ ਕੋਵਿਡ ਨੀਤੀ ਨੂੰ ਜਿਸ ਤਰ੍ਹਾਂ ਖ਼ਤਮ ਕੀਤਾ ਗਿਆ ਹੈ, ਉਹ ਤਬਾਹੀ ਮਚਾ ਰਹੀ ਹੈ। ਸਰਕਾਰ ਇਸ ਨੂੰ ਛੁਪਾਉਣ ਲਈ ਮਜਬੂਰ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਦੁਨੀਆ ਦੀ ਸਭ ਤੋਂ ਬਜ਼ੁਰਗ ਔਰਤ ਦਾ ਦੇਹਾਂਤ, 118 ਸਾਲ ਦੀ ਉਮਰ 'ਚ ਲਿਆ ਆਖਰੀ ਸਾਹ
 
ਅਮੀਰ ਲੋਕ ਛੱਡ ਰਹੇ ਦੇਸ਼

ਹਰ ਰੋਜ਼ ਨਵੇਂ-ਨਵੇਂ ਮਾਮਲਿਆਂ ਦੇ ਵਿਚਕਾਰ ਦੇਸ਼ ਤੋਂ ਅਮੀਰਾਂ ਦਾ ਪਲਾਇਨ ਜਾਰੀ ਹੈ। ਚੀਨ ਦੇ ਅਮੀਰ ਦੂਜੇ ਦੇਸ਼ਾਂ ਵਿੱਚ ਜਾਣ ਦੀ ਯੋਜਨਾ ਬਣਾ ਰਹੇ ਹਨ। ਅਜਿਹਾ ਇਸ ਲਈ ਕਿਉਂਕਿ ਚੀਨ ਵਿੱਚ ਘਰੇਲੂ ਰਾਜਨੀਤੀ ਗੁੰਝਲਦਾਰ ਹੋ ਗਈ ਹੈ। ਵਿਦੇਸ਼ੀ ਪੂੰਜੀ ਨਿਵੇਸ਼ ਰਾਹੀਂ ਆਪਣੀ ਦੌਲਤ ਬਾਹਰ ਕੱਢਣ ਦੀ ਬਜਾਏ ਨਾਗਰਿਕ ਖੁਦ ਹੀ ਦੂਜੇ ਦੇਸ਼ਾਂ ਵਿੱਚ ਵਸਣ ਦੇ ਰਾਹ ਲੱਭ ਰਹੇ ਹਨ। ਅਮੀਰ ਲੋਕ ਜਾਪਾਨ, ਸਿੰਗਾਪੁਰ ਅਤੇ ਕੁਝ ਦੱਖਣ ਪੂਰਬੀ ਏਸ਼ੀਆਈ ਦੇਸ਼ਾਂ ਨੂੰ ਤਰਜੀਹੀ ਸਥਾਨਾਂ ਦੇ ਰੂਪ ਵਿੱਚ ਦੇਖ ਰਹੇ ਹਨ। ਉਹ ਕੋਰੋਨਾ ਮਹਾਮਾਰੀ ਦੌਰਾਨ ਚੀਨੀ ਸਰਕਾਰ ਵੱਲੋਂ ਆਪਣੀ ਨਿੱਜੀ ਜਾਇਦਾਦ 'ਤੇ ਕੀਤੇ ਗਏ ਹਮਲੇ ਤੋਂ ਪ੍ਰੇਸ਼ਾਨ ਹੈ। ਅਮਰੀਕਾ, ਕੈਨੇਡਾ ਅਤੇ ਯੂਰਪ ਚੀਨ ਦੇ ਲੋਕਾਂ ਲਈ ਨਿਵੇਸ਼ ਦੀ ਪਹਿਲੀ ਪਸੰਦ ਸਨ। ਪਰ ਡੋਨਾਲਡ ਟਰੰਪ ਦੇ ਕਾਰਜਕਾਲ ਤੋਂ ਬਾਅਦ ਸਥਿਤੀ ਬਦਲ ਗਈ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।