ਚੀਨ ਸਰਕਾਰ ਦਾ ਵੱਡਾ ਫੈਸਲਾ, ਵਧਾਈ Retirement ਦੀ ਉਮਰ

ਬੀਜਿੰਗ- ਜਦੋਂ ਤੋਂ ਚੀਨ ਨੇ ਆਪਣੇ ਦੇਸ਼ ਵਿੱਚ ਕਰਮਚਾਰੀਆਂ ਦੀ ਸੇਵਾਮੁਕਤੀ ਦੀ ਉਮਰ ਵਧਾਉਣ ਦੀ ਗੱਲ ਕੀਤੀ ਹੈ, ਲੋਕ ਇਸ ਦਾ ਵਿਰੋਧ ਕਰ ਰਹੇ ਹਨ। ਵਿਰੋਧ ਕੋਈ ਹੋਰ ਨਹੀਂ ਸਗੋਂ ਚੀਨ ਦੇ ਲੋਕ ਹੀ ਕਰ ਰਹੇ ਹਨ। ਆਓ ਜਾਣਦੇ ਹਾਂ ਕਿ ਨਵਾਂ ਰਿਟਾਇਰਮੈਂਟ ਕਾਨੂੰਨ ਕੀ ਹੈ, ਕਿਉਂ ਹੋ ਰਿਹਾ ਹੈ ਵਿਵਾਦ, 74 ਸਾਲ ਬਾਅਦ ਚੀਨ ਨੇ ਇਹ ਫ਼ੈਸਲਾ ਕਿਉਂ ਲਿਆ। ਸਭ ਤੋਂ ਪਹਿਲਾਂ, ਆਓ ਜਾਣਦੇ ਹਾਂ ਚੀਨ ਦੇ ਨਵੇਂ ਰਿਟਾਇਰਮੈਂਟ ਕਾਨੂੰਨ ਬਾਰੇ।

ਚੀਨ ਵਿੱਚ ਸੇਵਾਮੁਕਤੀ ਦੀ ਉਮਰ ਵਿੱਚ ਵਾਧਾ 

ਚੀਨ ਵਿੱਚ ਪੇਸ਼ੇਵਰਾਂ ਅਤੇ ਕਰਮਚਾਰੀਆਂ ਦੀ ਸੇਵਾਮੁਕਤੀ ਦੀ ਉਮਰ 1950 ਤੋਂ ਬਾਅਦ ਪਹਿਲੀ ਵਾਰ ਵਧਣ ਜਾ ਰਹੀ ਹੈ। ਚੀਨ ਦੀ ਸਰਕਾਰ ਨੇ ਸ਼ੁੱਕਰਵਾਰ 13 ਸਤੰਬਰ ਨੂੰ ਇਸ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ। ਸਰਕਾਰ ਨੇ ਕਿਹਾ ਹੈ ਕਿ ਉਹ ਹੌਲੀ-ਹੌਲੀ ਸੇਵਾਮੁਕਤੀ ਦੀ ਉਮਰ ਵਧਾਏਗੀ। ਸਰਕਾਰ ਨੇ ਕਿਹਾ ਹੈ ਕਿ ਲਾਜ਼ਮੀ ਸੇਵਾਮੁਕਤੀ ਦੀ ਉਮਰ ਦੇ ਤਹਿਤ ਸਖ਼ਤ ਮਿਹਨਤ (ਬਲੂ-ਕਾਲਰ ਨੌਕਰੀਆਂ) ਕਰਨ ਵਾਲੀਆਂ ਔਰਤਾਂ ਦੀ ਸੇਵਾਮੁਕਤੀ ਦੀ ਉਮਰ 50 ਤੋਂ ਵਧਾ ਕੇ 55 ਸਾਲ ਕੀਤੀ ਜਾਵੇਗੀ। ਜਦੋਂ ਕਿ ਪੇਸ਼ੇਵਰ (ਵਾਈਟ-ਕਾਲਰ ਨੌਕਰੀ) ਔਰਤਾਂ ਲਈ ਇਹ 55 ਤੋਂ ਵਧਾ ਕੇ 58 ਕਰ ਦਿੱਤੀ ਜਾਵੇਗੀ। ਪੁਰਸ਼ਾਂ ਦੀ ਸੇਵਾਮੁਕਤੀ ਦੀ ਉਮਰ 60 ਤੋਂ ਵਧਾ ਕੇ 63 ਕਰ ਦਿੱਤੀ ਜਾਵੇਗੀ।

ਪੜ੍ਹੋ ਇਹ ਅਹਿਮ ਖ਼ਬਰ-ਨਿਊਜ਼ੀਲੈਂਡ 'ਚ ਕਾਮਿਆਂ ਨਾਲ ਸਬੰਧਤ ਸੱਟਾਂ 'ਚ ਜ਼ਬਰਦਸਤ ਵਾਧਾ, ਡਾਟਾ ਜਾਰੀ 

ਚੀਨ ਵਿੱਚ ਰਿਟਾਇਰਮੈਂਟ ਵਧਾਉਣ ਦਾ ਹੋ ਰਿਹਾ ਵਿਰੋਧ 

ਚੀਨੀ ਲੋਕ ਜਾਣਦੇ ਹਨ ਕਿ ਜੇਕਰ ਦੇਸ਼ 'ਚ ਅਜਿਹਾ ਕਾਨੂੰਨ ਲਾਗੂ ਹੋ ਗਿਆ ਤਾਂ ਉਹ ਆਪਣੇ ਦਮ 'ਤੇ ਰਿਟਾਇਰ ਨਹੀਂ ਹੋ ਸਕਣਗੇ। ਉਨਾਂ ਨੂੰ ਕੰਮ ਕਰਨਾ ਹੀ ਪਵੇਗਾ। ਇਸ ਲਈ ਚੀਨ ਦੇ ਸੋਸ਼ਲ ਮੀਡੀਆ ਵੀਬੋ 'ਤੇ ਲੋਕ ਇਸ 'ਤੇ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ, "ਅਗਲੇ ਦਸ ਸਾਲਾਂ ਵਿੱਚ ਇੱਕ ਮਤਾ ਪਾਸ ਕੀਤਾ ਜਾਵੇਗਾ ਅਤੇ ਫਿਰ ਸਾਨੂੰ ਕਿਹਾ ਜਾਵੇਗਾ ਕਿ ਜਦੋਂ ਤੱਕ ਅਸੀਂ 80 ਸਾਲ ਦੇ ਨਹੀਂ ਹੋ ਜਾਂਦੇ, ਉਦੋਂ ਤੱਕ ਸਾਨੂੰ ਰਿਟਾਇਰ ਹੋਣ ਦਾ ਕੋਈ ਅਧਿਕਾਰ ਨਹੀਂ ਹੈ। ਇਹ ਪ੍ਰਸਤਾਵ ਮੁਤਾਬਕ ਇਹ ਬਦਲਾਅ 1 ਜਨਵਰੀ, 2025 ਤੋਂ ਲਾਗੂ ਹੋਵੇਗਾ।
ਚੀਨ ਵਿੱਚ ਰਿਟਾਇਰਮੈਂਟ ਦੀ ਉਮਰ ਕਿਉਂ ਵਧਾਈ ਗਈ?

ਚੀਨ ਵਿੱਚ ਸੇਵਾਮੁਕਤੀ ਦੀ ਉਮਰ ਵਧਾਉਣ ਦੇ ਕਈ ਕਾਰਨ ਹਨ। ਜਿਸਦਾ ਇੱਕ ਮੁੱਖ ਕਾਰਨ ਇਹ ਹੈ:-

ਬੁੱਢੀ ਹੁੰਦੀ ਆਬਾਦੀ

ਚੀਨ ਦੀ ਸਰਕਾਰ ਨੂੰ ਇਹ ਫ਼ੈਸਲਾ ਆਪਣੀ ਬੁੱਢੀ ਹੁੰਦੀ ਆਬਾਦੀ ਕਾਰਨ ਲੈਣਾ ਪਿਆ। ਯਾਨੀ ਦੇਸ਼ 'ਚ ਨੌਜਵਾਨਾਂ ਦੀ ਕਮੀ ਹੈ, ਇਸ ਕਾਰਨ ਕਰਮਚਾਰੀਆਂ ਅਤੇ ਪੇਸ਼ੇਵਰਾਂ ਦੀ ਸੇਵਾਮੁਕਤੀ ਦੀ ਉਮਰ ਵਧਾਉਣ ਦੀ ਗੱਲ ਚੱਲ ਰਹੀ ਹੈ। ਚੀਨ ਵਿੱਚ ਜੀਵਨ ਦੀ ਸੰਭਾਵਨਾ 1960 ਵਿੱਚ 44 ਸਾਲ ਤੋਂ ਵਧ ਕੇ 2021 ਵਿੱਚ 78 ਸਾਲ ਹੋ ਗਈ ਹੈ ਅਤੇ 2050 ਤੱਕ 80 ਸਾਲ ਤੋਂ ਵੱਧ ਹੋਣ ਦੀ ਸੰਭਾਵਨਾ ਹੈ। ਇਸ ਦੇ ਨਾਲ ਹੀ ਬਜ਼ੁਰਗਾਂ ਦੀ ਸਹਾਇਤਾ ਲਈ ਲੋੜੀਂਦੀ ਕੰਮਕਾਜੀ ਆਬਾਦੀ ਸੁੰਗੜ ਰਹੀ ਹੈ। ਲੰਬੇ ਸਮੇਂ ਤੱਕ ਕੰਮ ਕਰਨ ਵਾਲੇ ਲੋਕ ਪੈਨਸ਼ਨ ਬਜਟ 'ਤੇ ਦਬਾਅ ਘੱਟ ਕਰਨਗੇ, ਕਿਉਂਕਿ ਬਹੁਤ ਸਾਰੇ ਚੀਨੀ ਸੂਬੇ ਪਹਿਲਾਂ ਹੀ ਵੱਡੇ ਘਾਟੇ ਨਾਲ ਜੂਝ ਰਹੇ ਹਨ। ਪਰ ਪੈਨਸ਼ਨ ਭੁਗਤਾਨਾਂ ਵਿੱਚ ਦੇਰੀ ਅਤੇ ਬਜ਼ੁਰਗ ਕਰਮਚਾਰੀਆਂ ਨੂੰ ਆਪਣੀਆਂ ਨੌਕਰੀਆਂ 'ਤੇ ਲੰਬੇ ਸਮੇਂ ਤੱਕ ਰਹਿਣ ਦੀ ਜ਼ਰੂਰਤ ਹਰ ਕਿਸੇ ਲਈ ਸੁਆਗਤ ਨਹੀਂ ਹੋ ਸਕਦੀ।

ਚੀਨ ਸਰਕਾਰ ਕੋਲ ਪੈਨਸ਼ਨ ਦੇਣ ਲਈ ਪੈਸੇ ਨਹੀਂ ਹਨ

ਸਰਕਾਰ ਦੀ ਤਰਫੋਂ ਚੀਨੀ ਅਕੈਡਮੀ ਆਫ ਸੋਸ਼ਲ ਸਾਇੰਸਿਜ਼ ਨੇ 2019 ਵਿੱਚ ਕਿਹਾ ਸੀ ਕਿ ਦੇਸ਼ ਦਾ ਮੁੱਖ ਰਾਜ ਪੈਨਸ਼ਨ ਫੰਡ 2035 ਤੱਕ ਖ਼ਤਮ ਹੋ ਜਾਵੇਗਾ। 2019 ਵਿੱਚ ਕੋਵਿਡ 19 ਮਹਾਮਾਰੀ ਕਾਰਨ ਚੀਨ ਦੀ ਆਰਥਿਕਤਾ ਢਹਿ ਗਈ। ਅਜਿਹੇ 'ਚ ਸਰਕਾਰ ਸੇਵਾਮੁਕਤੀ ਤੋਂ ਬਾਅਦ ਪੈਨਸ਼ਨ ਦੇਣ 'ਚ ਪਹਿਲਾਂ ਜਿੰਨੀ ਕੁਸ਼ਲ ਨਹੀਂ ਹੈ। ਸੇਵਾਮੁਕਤੀ ਦੀ ਉਮਰ ਵਧਾਉਣ ਨਾਲ ਸਰਕਾਰੀ ਖ਼ਜ਼ਾਨੇ 'ਤੇ ਬੋਝ ਘਟੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।