ਕੈਂਸਰ ਪੀੜਤ ਬੱਚੇ ਦਾ ਡਾਕਟਰ ਨੇ ਪੂਰਾ ਕੀਤਾ 'ਸੁਫ਼ਨਾ', ਭਾਵੁਕ ਕਰ ਦੇਵੇਗੀ ਵੀਡੀਓ

ਇੰਟਰਨੈਸ਼ਨਲ ਡੈਸਕ (ਬਿਊਰੋ): ਸੋਸ਼ਲ ਮੀਡੀਆ 'ਤੇ ਇਕ ਅਜਿਹਾ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਤੁਸੀਂ ਵੀ ਭਾਵੁਕ ਹੋ ਜਾਓਗੇ। ਵੀਡੀਓ ਵਿਚ ਇਕ ਛੋਟਾ ਬੱਚਾ ਆਪਣੇ ਪਸੰਦੀਦਾ ਕਿਰਦਾਰ ਬੈਟਮੈਨ ਨੂੰ ਮਿਲ ਰਿਹਾ ਹੈ। ਉਸ ਬੱਚੇ ਨੂੰ ਲੱਗਦਾ ਹੈ ਕਿ ਉਸ ਨੂੰ ਮਿਲਣ ਲਈ ਅਸਲ ਵਿਚ ਬੈਟਮੈਨ ਆ ਗਿਆ ਹੈ ਜਦਕਿ ਅਸਲ ਵਿਚ ਡਾਕਟਰ ਖੁਦ ਬੈਟਮੈਨ ਬਣ ਕੇ ਉਸ ਦੀ ਇੱਛਾ ਪੂਰੀ ਕਰਦਾ ਹੈ। 

ਇਹ ਵੀਡੀਓ 'ਦੀ ਫੀਲ ਗੁਡ ਪੇਜ' ਦੇ ਟਵਿੱਟਰ ਹੈਂਡਲ 'ਤੇ ਸ਼ੇਅਰ ਕੀਤਾ ਗਿਆ ਹੈ। ਇਸ ਵਿਚ ਕੈਪਸ਼ਨ ਲਿਖੀ ਗਈ ਹੈ,'ਇਕ ਡਾਕਟਰ ਇਕ ਕੈਂਸਰ ਪੀੜਤ ਬੱਚੇ ਨੂੰ ਪੁੱਛਦਾ ਹੈ ਕਿ ਉਸ ਦਾ ਸੁਫ਼ਨਾ ਕੀ ਹੈ। ਬੱਚਾ ਕਹਿੰਦਾ ਹੈ ਕਿ ਉਹ ਬੈਟਮੈਨ ਨਾਲ ਮਿਲਣਾ ਚਾਹੁੰਦਾ ਹੈ।ਅਗਲੇ ਦਿਨ ਡਾਕਟਰ ਖੁਦ ਸੁਪਰਹੀਰੋ ਦੇ ਕੱਪੜੇ ਪਹਿਨ ਕੇ ਉਸ ਨੂੰ ਮਿਲਦਾ ਹੈ।'

ਵੀਡੀਓ ਵਿਚ ਸਾਫ ਦਿਸ ਰਿਹਾ ਹੈ ਕਿ ਡਾਕਟਰ ਸੁਪਰਹੀਰੋ ਦੇ ਕੱਪੜੇ ਪਹਿਨ ਕੇ ਆਉਂਦਾ ਹੈ ਅਤੇ ਸਿੱਧਾ ਬੱਚੇ ਨੂੰ ਆ ਕੇ ਮਿਲਦਾ ਹੈ। ਇਸ ਦੇ ਬਾਅਦ ਉਹ ਬੱਚੇ ਦੇ ਸਾਹਮਣੇ ਆ ਕੇ ਬੈਠ ਜਾਂਦਾ ਹੈ। ਬੱਚਾ ਅਚਾਨਕ ਨਾਲ ਬੈਟਮੈਨ ਨੂੰ ਦੇਖ ਕੇ ਖੁਸ਼ ਹੋ ਜਾਂਦਾ ਹੈ। ਇਸ ਦੌਰਾਨ ਬੱਚਾ ਉਸ ਬੈਟਮੈਨ ਦੀ ਛਾਤੀ ਨਾਲ ਚਿਪਕ ਜਾਂਦਾ ਹੈ। ਡਾਕਟਰ ਵੀ ਬੱਚੇ ਨੂੰ ਘੁੱਟ ਕੇ ਜੱਫੀ ਪਾ ਲੈਂਦਾ ਹੈ। ਇਸ ਵੀਡੀਓ ਨੂੰ ਜੋ ਵੀ ਦੇਖਦਾ ਹੈ ਉਹ ਭਾਵੁਕ ਹੋ ਜਾਂਦਾ ਹੈ।ਫਿਲਹਾਲ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਲੋਕ ਇਸ ਨੂੰ ਕਾਫੀ ਪਸੰਦ ਕਰ ਰਹੇ ਹਨ ਅਤੇ ਸ਼ੇਅਰ ਕਰ ਰਹੇ ਹਨ।

A doctor asks the cancer patient what his dream is. The boy says he wants to meet Batman. And the next day the doctor dresses in the superhero's costume and fulfills the child's dream 😭😭😭❤️❤️❤️❤️ pic.twitter.com/juRLHkpyYC

— The Feel Good Page ❤️ (@akkitwts) November 15, 2020