ਬ੍ਰਿਟਿਸ਼ ਜਲ ਸੈਨਾ ਦੀ ਟ੍ਰਾਈਡੈਂਟ II ਬੈਲਿਸਟਿਕ ਮਿਜ਼ਾਈਲ ਦਾ ਪ੍ਰੀਖਣ ਰਿਹਾ ਅਸਫਲ

ਲੰਡਨ (ਵਾਰਤਾ/ਸਪੁਟਨਿਕ): ਬ੍ਰਿਟਿਸ਼ ਜਲ ਸੈਨਾ ਦਾ ਮੰਗਲਵਾਰ ਨੂੰ ਟ੍ਰਾਈਡੈਂਟ II ਇੰਟਰਕੌਂਟੀਨੈਂਟਲ ਬੈਲਿਸਟਿਕ ਮਿਜ਼ਾਈਲ (ICBM)) ਦੀ ਲਾਂਚਿੰਗ ਅਸਫਲ ਰਹੀ। 'ਦਿ ਸਨ' ਨੇ ਮੰਗਲਵਾਰ ਨੂੰ ਸੂਤਰਾਂ ਅਤੇ ਬ੍ਰਿਟੇਨ ਦੇ ਰੱਖਿਆ ਮੰਤਰਾਲੇ ਦੇ ਹਵਾਲੇ ਨਾਲ ਇਹ ਜਾਣਕਾਰੀ ਦਿੱਤੀ। ਰਿਪੋਰਟ ਵਿੱਚ ਕਿਹਾ ਗਿਆ ਕਿ ਐਚ.ਐਮ.ਐਸ ਵੈਨਗਾਰਡ ਬੈਲਿਸਟਿਕ ਮਿਜ਼ਾਈਲ ਇੱਕ ਹਥਿਆਰਬੰਦ ਪਣਡੁੱਬੀ ਤੋਂ ਲਾਂਚ ਕੀਤੀ ਗਈ ਸੀ। ਬ੍ਰਿਟੇਨ ਦੇ ਰੱਖਿਆ ਮੰਤਰੀ ਗ੍ਰਾਂਟ ਸ਼ੈਪਸ ਉਸ ਸਮੇਂ ਉੱਥੇ ਮੌਜੂਦ ਸਨ। 

ਰਿਪੋਰਟਾਂ ਮੁਤਾਬਕ ਦਾਗੀ ਗਈ ਮਿਜ਼ਾਈਲ ਨਾਟਕੀ ਢੰਗ ਨਾਲ ਫੇਲ ਹੋ ਗਈ ਅਤੇ ਪਣਡੁੱਬੀ ਤੋਂ ਥੋੜ੍ਹੀ ਦੂਰ ਪਾਣੀ 'ਚ ਨਸ਼ਟ ਹੋ ਗਈ। ਮਿਜ਼ਾਈਲ ਨੂੰ ਹਵਾ ਵਿੱਚ ਦਾਗਿਆ ਗਿਆ ਪਰ ਇਸ ਦੇ ਪਹਿਲੇ ਪੜਾਅ ਦੇ ਬੂਸਟਰ ਸਰਗਰਮ ਨਹੀਂ ਹੋਏ ਅਤੇ ਮਿਜ਼ਾਈਲ ਪਾਣੀ ਵਿੱਚ ਡਿੱਗ ਕੇ ਡੁੱਬ ਗਈ। ਸੂਤਰਾਂ ਨੇ ਅਖ਼ਬਾਰ ਨੂੰ ਦੱਸਿਆ ਕਿ ਮਿਜ਼ਾਈਲ ਛੱਡਣ ਤੋਂ ਬਾਅਦ ਪਣਡੁੱਬੀ ਦੇ ਨੇੜੇ ਡਿੱਗ ਗਈ। ਅਖ਼ਬਾਰ ਨੇ ਦੱਸਿਆ ਕਿ ਇਹ ਘਟਨਾ 30 ਜਨਵਰੀ ਨੂੰ ਅਮਰੀਕੀ ਰਾਜ ਫਲੋਰੀਡਾ ਦੇ ਤੱਟ 'ਤੇ ਵਾਪਰੀ। 

ਪੜ੍ਹੋ ਇਹ ਅਹਿਮ ਖ਼ਬਰ-ਬ੍ਰਿਟੇਨ ਤੋਂ ਦੁੱਖਦਾਇਕ ਖ਼ਬਰ, ਭਾਰਤੀ ਰੈਸਟੋਰੈਂਟ ਮੈਨੇਜਰ ਦਾ ਬੇਰਹਿਮੀ ਨਾਲ 'ਕਤਲ'

ਬ੍ਰਿਟੇਨ ਦੇ ਰੱਖਿਆ ਮੰਤਰਾਲੇ ਨੇ ਅਖ਼ਬਾਰ ਨੂੰ ਦਿੱਤੇ ਇੱਕ ਬਿਆਨ ਵਿੱਚ ਕਿਹਾ ਕਿ ਲਾਂਚਿੰਗ ਦੌਰਾਨ ਇੱਕ ਸਮੱਸਿਆ ਆਈ ਪਰ ਭਰੋਸਾ ਦਿਵਾਇਆ ਕਿ ਲੰਡਨ ਦਾ ਪ੍ਰਮਾਣੂ ਰੋਕੂ "ਪ੍ਰਭਾਵਸ਼ਾਲੀ" ਬਣਿਆ ਹੋਇਆ ਹੈ। ਅਖ਼ਬਾਰ ਨੇ ਪਹਿਲਾਂ ਦੱਸਿਆ ਸੀ ਕਿ ਬ੍ਰਿਟਿਸ਼ ਜਲ ਸੈਨਾ 2016 ਤੋਂ ਬਾਅਦ ਪਹਿਲੀ ਵਾਰ ਅਟਲਾਂਟਿਕ ਮਹਾਸਾਗਰ ਵਿੱਚ ਟ੍ਰਾਈਡੈਂਟ II ICBM ਨੂੰ ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਮਿਜ਼ਾਈਲ ਨੂੰ ਬ੍ਰਾਜ਼ੀਲ ਅਤੇ ਪੱਛਮੀ ਅਫ਼ਰੀਕਾ ਵਿਚਕਾਰ ਡਿੱਗਣ ਤੋਂ ਪਹਿਲਾਂ 6,000 ਕਿਲੋਮੀਟਰ ਤੋਂ ਵੱਧ ਉਡਾਣ ਭਰਨ ਦੀ ਯੋਜਨਾ ਸੀ। 2016 ਵਿੱਚ ਇੱਕ ਬ੍ਰਿਟਿਸ਼ ਪਣਡੁੱਬੀ ਤੋਂ ਟ੍ਰਾਈਡੈਂਟ II ICBM ਦੀ ਲਾਂਚਿੰਗ ਵੀ ਅਸਫਲ ਰਹੀ ਸੀ। ਮਿਜ਼ਾਈਲ ਨੂੰ ਫਲੋਰੀਡਾ ਤੱਟ ਤੋਂ ਅਸੈਂਸ਼ਨ ਆਈਲੈਂਡ ਤੋਂ 9,000 ਕਿਲੋਮੀਟਰ ਦੱਖਣ-ਪੂਰਬ ਵਿੱਚ ਉਡਾਣ ਭਰਨ ਦੀ ਯੋਜਨਾ ਸੀ, ਪਰ ਕਥਿਤ ਤੌਰ 'ਤੇ ਇਹ ਅਮਰੀਕਾ ਵੱਲ ਮੁੜ ਗਈ ਅਤੇ ਸਵੈ-ਨਸ਼ਟ ਹੋ ਗਈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।