ਬ੍ਰਿਟੇਨ ਦੀ ਅਦਾਲਤ ਨੇ ਨੀਰਵ ਮੋਦੀ ਦੇ ਲੰਡਨ ਸਥਿਤ ਆਲੀਸ਼ਾਨ ਫਲੈਟ ਨੂੰ ਵੇਚਣ ਦੀ ਦਿੱਤੀ ਇਜਾਜ਼ਤ

ਲੰਡਨ — ਬ੍ਰਿਟੇਨ ਦੀ ਲੰਡਨ ਹਾਈ ਕੋਰਟ ਨੇ ਬੁੱਧਵਾਰ ਨੂੰ ਪੰਜਾਬ ਨੈਸ਼ਨਲ ਬੈਂਕ (ਪੀ.ਐੱਨ.ਬੀ.) ਲੋਨ ਘੁਟਾਲੇ ਦੇ ਦੋਸ਼ੀ ਅਤੇ ਹੀਰਾ ਵਪਾਰੀ ਨੀਰਵ ਮੋਦੀ ਦੁਆਰਾ ਵਰਤੇ ਗਏ ਟਰੱਸਟ ਦੀ ਮਲਕੀਅਤ ਵਾਲੇ ਆਲੀਸ਼ਾਨ ਫਲੈਟ ਨੂੰ ਵੇਚਣ ਦੀ ਇਜਾਜ਼ਤ ਦੇ ਦਿੱਤੀ ਹੈ। ਹਾਲਾਂਕਿ ਇਸ ਨੂੰ 52.5 ਲੱਖ ਬ੍ਰਿਟਿਸ਼ ਪੌਂਡ ਤੋਂ ਘੱਟ 'ਚ ਨਹੀਂ ਵੇਚਿਆ ਜਾਵੇਗਾ। ਜਸਟਿਸ ਮਾਸਟਰ ਜੇਮਸ ਬ੍ਰਾਈਟਵੇਲ ਨੇ ਸੁਣਵਾਈ ਦੀ ਪ੍ਰਧਾਨਗੀ ਕੀਤੀ ਜਿਸ ਵਿੱਚ ਦੱਖਣ-ਪੂਰਬੀ ਲੰਡਨ ਦੀ ਥੇਮਸਾਈਡ ਜੇਲ੍ਹ ਵਿੱਚ ਬੰਦ ਭਗੌੜੇ ਹੀਰਾ ਵਪਾਰੀ ਨੀਰਵ ਮੋਦੀ (52) ਨੇ ਆਨਲਾਈਨ ਹਿੱਸਾ ਲਿਆ।

ਇਹ ਵੀ ਪੜ੍ਹੋ- ਜੇਲ੍ਹ ਤੋਂ ਨਹੀਂ ਚੱਲੇਗੀ ਸਰਕਾਰ, ਸਿਰਸਾ ਨੇ ਕੀਤੀ ਕੇਜਰੀਵਾਲ ’ਤੇ FIR ਦਰਜ ਕਰਨ ਦੀ ਮੰਗ

ਅਦਾਲਤ ਨੇ ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈ.ਡੀ.) ਦੀ 103 ਮੈਰਾਥਨ ਹਾਊਸ ਦੀ ਵਿਕਰੀ ਤੋਂ ਹੋਣ ਵਾਲੀ ਰਕਮ ਨੂੰ ਟਰੱਸਟ ਦੀਆਂ ਸਾਰੀਆਂ 'ਜ਼ਦਾਰੀਆਂ' ਚੁਕਾਉਣ ਤੋਂ ਬਾਅਦ ਸੁਰੱਖਿਅਤ ਖਾਤੇ 'ਚ ਰੱਖਣ ਦੀ ਬੇਨਤੀ ਨੂੰ ਸਵੀਕਾਰ ਕਰ ਲਿਆ। ਟ੍ਰਾਈਡੈਂਟ ਟਰੱਸਟ ਕੰਪਨੀ (ਸਿੰਗਾਪੁਰ) ਪੀਟੀਈ ਲਿਮਟਿਡ ਨੇ ਈਡੀ ਦੀ ਦਲੀਲ ਦੇ ਬਾਵਜੂਦ ਕੇਂਦਰੀ ਲੰਡਨ ਦੇ ਮੈਰੀਲੇਬੋਨ ਖੇਤਰ ਵਿੱਚ ਸਥਿਤ ਅਪਾਰਟਮੈਂਟ ਦੀ ਜਾਇਦਾਦ ਵੇਚਣ ਦੀ ਇਜਾਜ਼ਤ ਮੰਗੀ ਸੀ ਕਿ ਟਰੱਸਟ ਦੀ ਜਾਇਦਾਦ ਪੰਜਾਬ ਨੈਸ਼ਨਲ ਬੈਂਕ ਵਿੱਚ ਵੱਡੇ ਪੱਧਰ 'ਤੇ ਧੋਖਾਧੜੀ ਦੀ ਕਮਾਈ ਨਾਲ ਖਰੀਦੀ ਗਈ ਸੀ ਅਤੇ ਨੀਰਵ ਇਸ ਮਾਮਲੇ ਵਿੱਚ ਹਵਾਲਗੀ ਦੀ ਕਾਰਵਾਈ ਦਾ ਸਾਹਮਣਾ ਕਰ ਰਿਹਾ ਹੈ।

ਇਹ ਵੀ ਪੜ੍ਹੋ- ਦਰਦਨਾਕ ਹਾਦਸਾ: ਕਣਕ ਕੱਢਦੇ ਸਮੇਂ ਥਰੈਸ਼ਰ ਮਸ਼ੀਨ 'ਚ ਆਇਆ ਕਿਸਾਨ, ਤੜਫ-ਤੜਫ ਕੇ ਹੋਈ ਮੌਤ

ਮਾਸਟਰ ਬ੍ਰਾਈਟਵੈਲ ਨੇ ਫੈਸਲਾ ਸੁਣਾਇਆ, "ਮੈਂ ਸੰਤੁਸ਼ਟ ਹਾਂ ਕਿ ਸੰਪਤੀ ਨੂੰ £5.25 ਮਿਲੀਅਨ ਜਾਂ ਇਸ ਤੋਂ ਵੱਧ ਵਿੱਚ ਵੇਚਣ ਦੀ ਆਗਿਆ ਦੇਣਾ ਇੱਕ ਉਚਿਤ ਫੈਸਲਾ ਹੈ।" ਉਸਨੇ ਟਰੱਸਟ ਦੀ ਸਿਰਜਣਾ ਨਾਲ ਸਬੰਧਤ ਈਡੀ ਦੇ ਹੋਰ ਇਤਰਾਜ਼ਾਂ ਦਾ ਵੀ ਨੋਟਿਸ ਲਿਆ, ਜਿਨ੍ਹਾਂ ਨੂੰ ਇਸ ਕੇਸ ਵਿੱਚ ਸੰਬੋਧਿਤ ਕੀਤਾ ਗਿਆ ਸੀ। ਇਸ ਪੜਾਅ 'ਤੇ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਈਡੀ ਵੱਲੋਂ ਪੇਸ਼ ਹੋਏ ਬੈਰਿਸਟਰ ਹਰੀਸ਼ ਸਾਲਵੇ ਨੇ ਅਦਾਲਤ ਨੂੰ ਦੱਸਿਆ ਕਿ ਉਹ ਅੰਤਮ ਲਾਭਪਾਤਰੀ, ਜੋ ਕਿ ਭਾਰਤੀ ਟੈਕਸਦਾਤਾ ਹੋ ਸਕਦੇ ਹਨ, ਦੇ ਹਿੱਤਾਂ ਦੀ ਰੱਖਿਆ ਕਰਨ ਵਾਲੇ ਅਦਾਰਿਆਂ ਦੇ ਆਧਾਰ 'ਤੇ ਵਿਕਰੀ ਲਈ ਸਿਧਾਂਤਕ ਤੌਰ 'ਤੇ ਸਹਿਮਤ ਹੋਏ ਹਨ।

ਇਹ ਵੀ ਪੜ੍ਹੋ- ਸੁਸ਼ੀਲ ਰਿੰਕੂ ਤੇ ਸ਼ੀਤਲ ਅੰਗੂਰਾਲ ਮੋਦੀ ਦੇ ਪਰਿਵਾਰ 'ਚ ਹੋਏ ਸ਼ਾਮਲ, ਫੇਸਬੁੱਕ 'ਤੇ ਬਦਲੀ ਕਵਰ ਫੋਟੋ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e