ਬ੍ਰਿਟੇਨ ਦਾ ਅਹਿਮ ਕਦਮ, 86 ਰੂਸੀ ਸੰਸਥਾਵਾਂ ਤੇ ਵਿਅਕਤੀਆਂ ''ਤੇ ਲਗਾਈਆਂ ਪਾਬੰਦੀਆਂ
05/19/2023 5:51:08 PM
ਮਾਸਕੋ/ਲੰਡਨ (ਵਾਰਤਾ) ਬ੍ਰਿਟੇਨ ਨੇ ਰੂਸ ਦੇ ਊਰਜਾ, ਧਾਤੂ, ਰੱਖਿਆ ਆਵਾਜਾਈ ਅਤੇ ਵਿੱਤ ਖੇਤਰਾਂ ਨਾਲ ਜੁੜੀਆਂ 86 ਸੰਸਥਾਵਾਂ ਅਤੇ ਵਿਅਕਤੀਆਂ 'ਤੇ ਪਾਬੰਦੀਆਂ ਦਾ ਐਲਾਨ ਕੀਤਾ ਹੈ। ਬ੍ਰਿਟੇਨ ਦੇ ਵਿਦੇਸ਼ ਦਫਤਰ ਨੇ ਸ਼ੁੱਕਰਵਾਰ ਨੂੰ ਜਾਰੀ ਇਕ ਬਿਆਨ ਵਿਚ ਕਿਹਾ ਕਿ ਰੂਸੀ ਵਪਾਰਕ ਸੰਸਥਾਵਾਂ ਅਤੇ ਵਿਅਕਤੀਆਂ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਨਵੀਆਂ ਪਾਬੰਦੀਆਂ ਦਾ ਐਲਾਨ ਕੀਤਾ ਗਿਆ ਹੈ। ਪਾਬੰਦੀਆਂ ਦੁਆਰਾ ਨਿਸ਼ਾਨਾ ਬਣਾਏ ਗਏ ਵਪਾਰਕ ਅਦਾਰੇ ਅਤੇ ਵਿਅਕਤੀ ਊਰਜਾ, ਧਾਤੂ, ਰੱਖਿਆ ਅਤੇ ਵਿੱਤ ਖੇਤਰਾਂ ਨਾਲ ਸਬੰਧਤ ਹਨ ਅਤੇ ਇਸਦਾ ਉਦੇਸ਼ ਪੁਤਿਨ ਪ੍ਰਸ਼ਾਸਨ 'ਤੇ ਮਾਲੀਆ ਦਬਾਅ ਬਣਾਉਣਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਸਿਡਨੀ : ਹਿੱਟ ਐਂਡ ਰਨ ਮਾਮਲੇ 'ਚ ਭਾਰਤੀ ਮੂਲ ਦੇ 18 ਸਾਲਾ ਨੌਜਵਾਨ 'ਤੇ ਮਾਮਲਾ ਦਰਜ
ਬ੍ਰਿਟੇਨ ਨੇ ਜਿਹੜੀਆਂ ਕੰਪਨੀਆਂ 'ਤੇ ਪਾਬੰਦੀਆਂ ਲਗਾਈਆਂ ਹਨ, ਉਹਨਾਂ ਵਿਚ ਰੂਸ ਦੀ ਸਰਕਾਰੀ ਪ੍ਰਮਾਣੂ ਏਜੰਸੀ ਰੋਸਟੋਮ, ਉੱਨਤ ਧਾਤਾਂ ਅਤੇ ਤਕਨਾਲੋਜੀ ਉਤਪਾਦਕ, ਲੇਜ਼ਰ ਅਤੇ ਅੱਠ ਹੋਰ ਰੂਸ ਵਿੱਚ ਧਾਤ ਦੇ ਉਤਪਾਦਨ ਨਾਲ ਜੁੜੀਆਂ ਕੰਪਨੀਆਂ ਅਤੇ ਪੰਜ ਵਿੱਤੀ ਸੰਸਥਾਵਾਂ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਜ਼ਪੋਰੀਝਜ਼ਿਆ ਪਰਮਾਣੂ ਪਾਵਰ ਪਲਾਂਟ ਦੇ ਮੁਖੀ ਓਲੇਗ ਰੋਮੇਨੈਂਕੋ, ਗਜ਼ਪ੍ਰੋਮਨੇਫਟ ਦੇ ਨਿਰਦੇਸ਼ਕ ਮੰਡਲ ਦੇ 13 ਮੈਂਬਰ, ਟਰਾਂਸਨੇਫਟ ਦੇ ਨਿਰਦੇਸ਼ਕ ਬੋਰਡ ਦੇ ਪੰਜ ਮੈਂਬਰ, ਐਲਨ ਲੁਸ਼ਿਨਕੋਵ ਅਤੇ ਕਲਾਸ਼ਨੀਕੋਵ ਕੰਸਰਨ ਦੇ ਪ੍ਰਧਾਨ ਅਤੇ ਜਨਰਲ ਡਾਇਰੈਕਟਰ ਵਲਾਦੀਮੀਰ ਲੇਪਿਨ 'ਤੇ ਵੀ ਪਾਬੰਦੀ ਲਗਾਈ ਗਈ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
