ਬ੍ਰਿਟੇਨ ਦਾ ਆਖਰੀ ਕੋਲਾ ਪਾਵਰ ਪਲਾਂਟ ਬੰਦ, 142 ਸਾਲ ਪੁਰਾਣੀ ਕੋਲਾ ਪਾਵਰ ਖ਼ਤਮ

ਲੰਡਨ (ਏਜੰਸੀ)- ਬ੍ਰਿਟੇਨ ਦਾ ਆਖਰੀ ਕੋਲਾ-ਚਾਲਿਤ ਪਾਵਰ ਪਲਾਂਟ ਸੋਮਵਾਰ ਨੂੰ ਬੰਦ ਹੋ ਜਾਵੇਗਾ, ਜਿਸ ਨਾਲ ਉਦਯੋਗਿਕ ਕ੍ਰਾਂਤੀ ਨੂੰ ਜਨਮ ਦੇਣ ਵਾਲੀ ਦੇਸ਼ ਦੀ ਕੋਲਾ ਊਰਜਾ ਦੀ 142 ਸਾਲ ਪੁਰਾਣੀ ਪ੍ਰਣਾਲੀ ਦਾ ਅੰਤ ਹੋ ਜਾਵੇਗਾ। ਮੱਧ ਇੰਗਲੈਂਡ ਵਿੱਚ ਰੈਟਕਲਿਫ-ਆਨ-ਸੋਰ ਸਟੇਸ਼ਨ ਅੱਧੀ ਰਾਤ ਨੂੰ ਆਪਣੀ ਆਖਰੀ ਸ਼ਿਫਟ ਤੋਂ ਬਾਅਦ ਹਮੇਸ਼ਾ ਲਈ ਵਿਰਾਮ ਲੈ ਲਵੇਗਾ। 

ਪੜ੍ਹੋ ਇਹ ਅਹਿਮ ਖ਼ਬਰ-ਕੈਨੇਡਾ 'ਤੇ ਹੋ ਜਾਵੇਗਾ ਭਾਰਤੀਆਂ ਦਾ ਕਬਜ਼ਾ! ਆਬਾਦੀ ਦੇਖ ਮਹਿਲਾ ਹੈਰਾਨ

ਯੂ.ਕੇ ਸਰਕਾਰ ਨੇ 2030 ਤੱਕ ਦੇਸ਼ ਦੀ ਸਾਰੀ ਊਰਜਾ ਨੂੰ ਨਵਿਆਉਣਯੋਗ ਸਰੋਤਾਂ ਤੋਂ ਪੈਦਾ ਕਰਨ ਦੀਆਂ ਕੋਸ਼ਿਸ਼ਾਂ ਵਿੱਚ ਕੋਲੇ ਨਾਲ ਚੱਲਣ ਵਾਲੇ ਪਾਵਰ ਪਲਾਂਟ ਦੇ ਬੰਦ ਹੋਣ ਨੂੰ ਮੀਲ ਪੱਥਰ ਵਜੋਂ ਸ਼ਲਾਘਾ ਕੀਤੀ। ਊਰਜਾ ਮੰਤਰੀ ਮਾਈਕਲ ਸ਼ੈਂਕਸ ਨੇ ਕਿਹਾ, "ਪਲਾਂਟ ਦਾ ਬੰਦ ਹੋਣਾ ਇੱਕ ਯੁੱਗ ਦੇ ਅੰਤ ਨੂੰ ਦਰਸਾਉਂਦਾ ਹੈ ਅਤੇ ਕੋਲਾ ਕਰਮਚਾਰੀ 140 ਸਾਲਾਂ ਤੋਂ ਵੱਧ ਸਮੇਂ ਤੋਂ ਸਾਡੇ ਦੇਸ਼ ਨੂੰ ਬਿਜਲੀ ਪ੍ਰਦਾਨ ਕਰਨ ਦੇ ਆਪਣੇ ਕੰਮ 'ਤੇ ਮਾਣ ਮਹਿਸੂਸ ਕਰ ਸਕਦੇ ਹਨ। ਇੱਕ ਦੇਸ਼ ਦੇ ਤੌਰ 'ਤੇ ਅਸੀਂ ਪੀੜ੍ਹੀਆਂ ਦੇ ਰਿਣੀ ਹਾਂ।'' ਉਸ ਨੇ ਕਿਹਾ, "ਕੋਲੇ ਦਾ ਯੁੱਗ ਭਾਵੇਂ ਖ਼ਤਮ ਹੋ ਰਿਹਾ ਹੈ, ਪਰ ਸਾਡੇ ਦੇਸ਼ ਲਈ ਚੰਗੀ ਊਰਜਾ ਦੀਆਂ ਨੌਕਰੀਆਂ ਦਾ ਇੱਕ ਨਵਾਂ ਦੌਰ ਸ਼ੁਰੂ ਹੋ ਰਿਹਾ ਹੈ।" 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।