ਸਾਓ ਪਾਓਲੋ ਫੈਸ਼ਨ ਵੀਕ 'ਚ ਕੈਟਵਾਕ ਦੌਰਾਨ ਪੁਰਸ਼ ਮਾਡਲ ਦੀ ਮੌਤ

ਸਾਓ ਪਾਓਲੋ (ਬਿਊਰੋ)— ਸਾਓ ਪਾਓਲੋ ਫੈਸ਼ਨ ਵੀਕ ਦੇ ਆਖਰੀ ਦਿਨ ਸ਼ਨੀਵਾਰ ਨੂੰ ਇਕ ਦਰਦਨਾਕ ਘਟਨਾ ਵਾਪਰੀ। ਇੱਥੇ ਕੈਟਵਾਕ ਦੌਰਾਨ ਬ੍ਰਾਜ਼ੀਲ ਦਾ ਇਕ ਮਾਡਲ ਬੇਹੋਸ਼ ਹੋ ਕੇ ਡਿੱਗ ਪਿਆ ਅਤੇ ਉਸ ਦੀ ਮੌਤ ਹੋ ਗਈ। ਸੰਗਠਨ ਨੇ ਇਕ ਬਿਆਨ ਵਿਚ ਦੱਸਿਆ,''ਐੱਸ.ਪੀ.ਐੱਫ.ਡਬਲਊ. ਨੂੰ ਹੁਣੇ ਤੁਰੰਤ ਮਾਡਲ ਟੇਲਸ ਸੋਏਰਸ ਦੀ ਮੌਤ ਦੀ ਖਬਰ ਮਿਲੀ ਹੈ। ਉਹ ਓਕਸਾ ਸ਼ੋਅ ਦੌਰਾਨ ਅਚਾਨਕ ਬੀਮਾਰ ਪੈ ਗਿਆ ਸੀ।''

Modelo cae desmayado y muere en Fashion Week, Sao Paulo, Brasil

Un modelo brasileño falleció súbitamente hoy sábado tras desmayarse durante el desfile de la marca Ocksa que se realizó en la última jornada de la Semana de la Moda. pic.twitter.com/6Hl7Q0yTwu

— Moises Lopez (@chapoisat) April 28, 2019

ਸੰਗਠਨ ਨੇ ਫਿਲਹਾਲ ਮਾਡਲ ਦੀ ਮੌਤ ਦਾ ਕਾਰਨ ਨਹੀਂ ਦੱਸਿਆ। 

ਸਥਾਨਕ ਮੀਡੀਆ ਮੁਤਾਬਕ,''ਰਨਵੇਅ 'ਤੇ ਜਾਣ ਲਈ ਮੁੜਨ ਦੌਰਾਨ 26 ਸਾਲਾ ਮਾਡਲ ਟੇਲਸ ਡਿੱਗ ਪਿਆ। ਡਾਕਟਰਾਂ ਨੇ ਤੁਰੰਤ ਮੈਡੀਕਲ ਜਾਂਚ ਸ਼ੁਰੂ ਕੀਤੀ।'' ਮੀਡੀਆ ਰਿਪੋਰਟਾਂ ਮੁਤਾਬਕ ਕੈਟਵਾਕ ਕਰਦੇ ਸਮੇਂ ਮਾਡਲ ਟੇਲਸ ਦਾ ਸੰਤੁਲਨ ਵਿਗੜਿਆ ਅਤੇ ਉਹ ਰੈਂਪ 'ਤੇ ਹੀ ਡਿੱਗ ਪਿਆ।

ਸ਼ੁਰੂ ਵਿਚ ਦਰਸ਼ਕਾਂ ਨੂੰ ਲੱਗਾ ਕਿ ਸ਼ਾਇਦ ਇਹ ਉਸ ਦੇ ਪ੍ਰਦਰਸ਼ਨ ਦਾ ਹਿੱਸਾ ਹੈ ਪਰ ਕੁਝ ਮਿੰਟਾਂ ਤੱਕ ਜਦੋਂ ਨਹੀਂ ਉਠਿਆ ਤਾਂ ਉਸ ਨੂੰ ਤੁਰੰਤ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ। ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ। ਐੱਸ.ਪੀ.ਐੱਫ.ਡਬਲਊ. ਨੇ ਦੱਸਿਆ ਕਿ ਟੇਲਸ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ ਗਿਆ। 

ਸੰਗਠਨ ਨੇ ਬਿਆਨ ਜਾਰੀ ਕਰ ਕੇ ਮਾਡਲ ਦੇ ਪਰਿਵਾਰ ਪ੍ਰਤੀ ਹਮਦਰਦੀ ਪ੍ਰਗਟ ਕੀਤੀ। ਸੰਗਠਨ ਨੇ ਕਿਹਾ,''ਦੁੱਖ ਦੀ ਇਸ ਘੜੀ ਵਿਚ ਅਸੀਂ ਟੇਲਸ ਦੇ ਪਰਿਵਾਰ ਨਾਲ ਖੜ੍ਹੇ ਹਾਂ। ਸਾਡੀ ਉਨ੍ਹਾਂ ਪ੍ਰਤੀ ਪੂਰੀ ਹਮਦਰਦੀ ਹੈ। ਅਸੀਂ ਮ੍ਰਿਤਕ ਟੇਲਸ ਦੀ ਆਤਮਾ ਦੀ ਸ਼ਾਂਤੀ ਲਈ ਪ੍ਰਾਰਥਨਾ ਕਰਦੇ ਹਾਂ।''