ਬ੍ਰਾਜ਼ੀਲ ''ਚ ਤਿੰਨ ਮਾਸੂਮਾਂ ਸਮੇਤ ਨੌਂ ਲੋਕਾਂ ਦੀਆਂ ਮਿਲੀਆਂ ਲਾਸ਼ਾਂ

ਰੀਓ ਡੀ ਜਨੇਰੀਓ (ਯੂ. ਐੱਨ. ਆਈ.): ਬ੍ਰਾਜ਼ੀਲ ਦੇ ਪੂਰਬੀ ਬਾਹੀਆ ਸੂਬੇ ਦੀ ਰਾਜਧਾਨੀ ਸਲਵਾਡੋਰ 'ਚ ਸੋਮਵਾਰ ਨੂੰ ਤਿੰਨ ਬੱਚਿਆਂ ਸਮੇਤ ਨੌਂ ਲਾਸ਼ਾਂ ਮਿਲੀਆਂ। ਇਹ ਜਾਣਕਾਰੀ ਥਾਣਾ ਸਿਵਲ ਲਾਈਨ ਨੇ ਦਿੱਤੀ। ਸਿਵਲ ਹਸਪਤਾਲ ਦੀ ਪੁਲਸ ਨੇ ਦੱਸਿਆ ਕਿ ਲਾਸ਼ਾਂ ਸੜੀ ਹੋਈ ਹਾਲਤ ਵਿੱਚ ਮਿਲੀਆਂ ਹਨ। ਮ੍ਰਿਤਕਾਂ ਦੀਆਂ ਲਾਸ਼ਾਂ ਸਾਲਵਾਡੋਰ ਦੇ ਵੱਡੇ ਮੈਟਰੋਪੋਲੀਟਨ ਖੇਤਰ ਵਿੱਚ ਮਾਤਾ ਡੇ ਸਾਓ ਜੋਓ ਦੀ ਨਗਰਪਾਲਿਕਾ ਵਿੱਚ ਦੋ ਨੇੜਲੇ ਘਰਾਂ ਵਿੱਚ ਮਿਲੀਆਂ। 

ਪੜ੍ਹੋ ਇਹ ਅਹਿਮ ਖ਼ਬਰ-Foxconn ਦੇ ਸੰਸਥਾਪਕ ਟੈਰੀ ਗੌ ਲੜਨਗੇ ਤਾਈਵਾਨ ਦੀ ਰਾਸ਼ਟਰਪਤੀ ਚੋਣ

ਗੋਲੀਆਂ ਨਾਲ ਜ਼ਖ਼ਮੀ ਦੋ ਔਰਤਾਂ ਦੀਆਂ ਲਾਸ਼ਾਂ ਇੱਕ ਘਰ ਵਿੱਚੋਂ ਮਿਲੀਆਂ ਹਨ, ਜਦਕਿ ਬਾਕੀ ਪੀੜਤਾਂ ਦੀਆਂ ਅੱਧ ਸੜੀਆਂ ਲਾਸ਼ਾਂ ਦੂਜੇ ਘਰ ਵਿੱਚੋਂ ਮਿਲੀਆਂ ਹਨ। ਸਿਵਲ ਪੁਲਸ ਨੇ ਕਿਹਾ ਕਿ ਉਨ੍ਹਾਂ ਨੇ ਇਸ ਸੰਭਾਵਨਾ ਤੋਂ ਵੀ ਇਨਕਾਰ ਨਹੀਂ ਕੀਤਾ ਕਿ ਪੀੜਤਾਂ ਦਾ ਪਹਿਲਾਂ ਕਤਲ ਕੀਤਾ ਗਿਆ ਅਤੇ ਫਿਰ ਜ਼ਿੰਦਾ ਸਾੜ ਦਿੱਤਾ ਗਿਆ। ਉਸ ਨੇ ਖਦਸ਼ਾ ਜ਼ਾਹਰ ਕੀਤਾ ਕਿ ਪੀੜਤਾਂ ਦੀ ਪਛਾਣ ਵਿੱਚ ਮੁਸ਼ਕਲ ਪੈਦਾ ਕਰਨ ਲਈ ਉਨ੍ਹਾਂ ਨੂੰ ਸਾੜਿਆ ਗਿਆ ਹੋ ਸਕਦਾ ਹੈ। ਉਨ੍ਹਾਂ ਦੱਸਿਆ ਕਿ ਮੌਕੇ ਤੋਂ ਇਕ 12 ਸਾਲਾ ਕੁੜੀ ਵੀ ਜ਼ਿੰਦਾ ਮਿਲੀ, ਜਿਸ ਦਾ ਅੱਧੇ ਤੋਂ ਵੱਧ ਸਰੀਰ ਸੜ ਗਿਆ ਸੀ। ਉਸ ਨੂੰ ਸਾਲਵਾਡੋਰ ਦੇ ਹਸਪਤਾਲ ਲਿਜਾਇਆ ਗਿਆ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।