ਵੈਨੇਜ਼ੁਏਲਾ ''ਚ ਰਸੋਈ ਗੈਸ ਪਲਾਂਟ ''ਚ ਧਮਾਕਾ, ਦੋ ਦੀ ਮੌਤ
Friday, Dec 14, 2018 - 04:19 PM (IST)
ਕਰਾਕਸ— ਵੈਨੇਜ਼ੁਏਲਾ ਦੇ ਉੱਤਰੀ ਸੂਬੇ ਮਿਰਾਂਡਾ 'ਚ ਇਕ ਘਰੇਲੂ ਰਸੋਈ ਗੈਸ ਪਲਾਂਟ 'ਚ ਵੀਰਵਾਰ ਨੂੰ ਜ਼ੋਰਦਾਰ ਧਮਾਕਾ ਹੋਇਆ, ਜਿਸ ਕਾਰਨ ਦੋ ਲੋਕਾਂ ਦੀ ਮੌਤ ਹੋ ਗਈ ਤੇ 6 ਹੋਰ ਲੋਕ ਜ਼ਖਮੀ ਹੋ ਗਏ। ਈ.ਆਈ. ਅਖਬਾਰ ਨੇ ਆਪਣੀ ਰਿਪੋਰਟ 'ਚ ਦੱਸਿਆ ਕਿ ਫਾਇਰ ਬ੍ਰਿਗੇਡ ਕਰਮਚਾਰੀ ਧਮਾਕੇ ਵਾਲੀ ਥਾਂ 'ਤੇ ਲੱਗੀ ਅੱਗ ਨੂੰ ਬੁਝਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਅਖਬਾਰ ਨੇ ਧਮਾਕੇ ਵਾਲੀ ਥਾਂ ਦੀਆਂ ਤਸਵੀਰਾਂ ਵੀ ਪ੍ਰਕਾਸ਼ਿਤ ਕੀਤੀਆਂ ਹਨ, ਜਿਸ 'ਚ ਧੂੰਏ ਦਾ ਗੁਬਾਰ ਉਠਦਾ ਦਿਖਾਈ ਦੇ ਰਿਹਾ ਹੈ। ਸਥਾਨਕ ਨਿਵਾਸੀਆਂ ਨੇ ਦੱਸਿਆ ਕਿ ਇਸ ਕੇਂਦਰ 'ਚ ਧਮਾਕੇ ਦੀ ਇਹ ਪਹਿਲੀ ਘਟਨਾ ਨਹੀਂ ਹੈ, ਬੀਤੇ ਅਕਤੂਬਰ ਮਹੀਨੇ ਵੀ ਇਸ ਪਲਾਂਟ 'ਚ ਧਮਾਕਾ ਹੋਇਆ ਸੀ।
