ਤਾਈਵਾਨ ਨੂੰ ਚੀਨ ਦਾ ਵਿਵਾਦਤ ਹਿੱਸਾ ਦਿਖਾਉਣ ਵਾਲੇ ਨਕਸ਼ਿਆਂ ''ਤੇ ਕਾਰਵਾਈ ਕਰੇਗਾ ਬੀਜ਼ਿੰਗ

ਬੀਜ਼ਿੰਗ - ਤਾਈਵਾਨ ਅਤੇ ਦੱਖਣੀ ਚੀਨ ਸਾਗਰ 'ਤੇ ਚੀਨ ਦੇ ਦਾਅਵੇ ਸਮੇਤ ਚੀਨੀ ਭੂ-ਭਾਗ ਨੂੰ ਸਹੀ ਤਰੀਕੇ ਨਾਲ ਨਾ ਪ੍ਰਦਰਸ਼ਿਤ ਕਰਨ ਵਾਲੇ ਨਕਸ਼ਿਆਂ ਦੇ ਮੁੱਦੇ ਦਾ ਹੱਲ ਕਰਨ ਲਈ ਦੇਸ਼ ਦੀ ਰਾਜਧਾਨੀ ਬੀਜ਼ਿੰਗ ਅਭਿਆਨ ਚਲਾਵੇਗੀ ਅਤੇ ਇਨਾਂ ਗਲਤੀਆਂ ਵਿਚ ਸੁਧਾਰ ਕਰਾਵੇਗੀ। ਸਰਕਾਰੀ ਮੀਡੀਆ ਨੇ ਮੰਗਲਵਾਰ ਨੂੰ ਇਹ ਦੱਸਿਆ।

ਬੀਜ਼ਿੰਗ ਸਾਇਬਰ ਸਪੇਸ ਪ੍ਰਕਾਸ਼ਨ ਸਮੇਤ ਸ਼ਹਿਰ ਦੇ 13 ਨਗਰ ਨਿਕਾਅ ਵਿਭਾਗ ਇਸ ਸਿਲਸਿਲੇ ਵਿਚ 2020 ਸਾਲਾਨਾ ਅਭਿਆਨ ਸ਼ੁਰੂ ਕਰਨਗੇ, ਜਿਸ ਦੇ ਤਹਿਤ ਨੁਕਸਦਾਰ ਨਕਸ਼ਿਆਂ ਦਾ ਨਿਰੀਖਣ ਕੀਤਾ ਜਾਵੇਗਾ। ਨਕਸ਼ੇ ਬਣਾਉਣ ਵਾਲੀਆਂ ਕੰਪਨੀਆਂ, ਉਨ੍ਹਾਂ ਦੇ ਪ੍ਰਕਾਸ਼ਕਾਂ ਅਤੇ ਉਸ ਨੂੰ ਇਸਤੇਮਾਲ ਵਿਚ ਲਿਆਉਣ ਵਾਲਿਆਂ ਅਤੇ ਆਨਲਾਈਨ ਨਕਸ਼ਾ ਸੇਵਾ ਪ੍ਰਦਾਨਤਾਵਾਂ ਤੋਂ ਇਨਾਂ ਦੀ ਸਵੈ-ਜਾਂਚ ਕਰਨ ਅਤੇ ਉਨ੍ਹਾਂ ਵਿਚ ਸੁਧਾਰ ਕਰਨ ਦੀ ਮੰਗ ਕੀਤੀ ਜਾਵੇਗੀ । ਸਰਕਾਰੀ ਗਲੋਬਲ ਟਾਈਮਸ ਦੀ ਖਬਰ ਮੁਤਾਬਕ, ਸਬੰਧੀ ਵਿਭਾਗ ਚੀਨ ਦੇ ਭੂ-ਭਾਗ ਨੂੰ ਗਲਤ ਚਰਿੱਤਰ ਕਰਨ ਵਾਲੇ ਅਤੇ ਰਾਸ਼ਟਰੀ ਏਕਤਾ ਨੂੰ ਖਤਰੇ ਵਿਚ ਪਾਉਣ ਵਾਲੇ ਜਾਂ ਰਾਸ਼ਟਰੀ ਸੁਰੱਖਿਆ ਅਤੇ ਹਿੱਤਾਂ ਨੂੰ ਨੁਕਸਾਨ ਪਹੁੰਚਾਉਣ ਵਾਲੇ ਨਕਸ਼ਿਆਂ ਦੀ ਜਾਂਚ ਕਰਨਗੇ। ਜੇਕਰ ਹਾਲਾਤ ਗੰਭੀਰ ਪਾਏ ਗਏ ਤਾਂ ਸਬੰਧਤ ਲੋਕਾਂ ਨੂੰ ਸਜ਼ਾ ਦਾ ਸਾਹਮਣਾ ਕਰਨਾ ਪਵੇਗਾ। ਚੀਨ, ਤਾਈਵਾਨ ਨੂੰ ਬਾਗੀ ਸੂਬੇ ਦੇ ਤੌਰ 'ਤੇ ਦੇਖਦਾ ਹੈ ਜਿਸ ਨੂੰ ਇਹ ਕਿਸੇ ਵੀ ਤਰ੍ਹਾਂ ਨਾਲ ਮੁਖ ਭੂਮੀ ਦੇ ਨਾਲ ਜੋੜਣਾ ਚਾਹੁੰਦਾ ਹੈ। ਜ਼ਿਕਰਯੋਗ ਹੈ ਕਿ ਅਰੁਣਾਚਲ ਪ੍ਰਦੇਸ਼ ਅਤੇ ਤਾਈਵਾਨ ਨੂੰ ਚੀਨ ਦੇ ਭੂ-ਭਾਗ ਦੇ ਰੂਪ ਵਿਚ ਨਾ ਦਿਖਾਉਣ ਨੂੰ ਲੈ ਕੇ ਪਿਛਲੇ ਸਾਲ ਚੀਨ ਨੇ 3 ਲੱਖ ਨਕਸ਼ਿਆਂ ਨੂੰ ਨਸ਼ਟ ਕਰਨ ਦਾ ਆਦੇਸ਼ ਦਿੱਤਾ ਸੀ। ਇਹ ਨਕਸ਼ੇ ਵਿਭਿੰਨ ਦੇਸ਼ਾਂ ਨੂੰ ਨਿਰਯਾਤ ਕਰਨ ਲਈ ਛਾਪੇ ਗਏ ਸਨ।