ਆਸਟ੍ਰੇਲੀਆ : ਲਗਜ਼ਰੀ ਬੇੜੇ 'ਚ ਲੱਗੀ ਅੱਗ, ਬਚਾਅ ਕਾਰਜ ਜਾਰੀ

ਸਿਡਨੀ (ਬਿਊਰੋ): ਆਸਟ੍ਰੇਲੀਆ ਵਿਚ ਅੱਜ ਸਵੇਰੇ ਸਿਡਨੀ ਦੇ ਦੱਖਣ ਵਿਚ ਇਕ ਲਗਜ਼ਰੀ ਬੇੜੇ ਨੂੰ ਅਚਾਨਕ ਅੱਗ ਲੱਗ ਗਈ। ਐਨ.ਐਸ.ਡਬਲਊ. ਪੁਲਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।

ਐਮਰਜੈਂਸੀ ਸੇਵਾਵਾਂ ਨੂੰ ਸਵੇਰੇ ਤਕਰੀਬਨ 4 ਵਜੇ ਕੈਰਿੰਗਬਾਹ ਸਾਊਥ ਦੇ ਫਰਨਲੀਹ ਰੋਡ 'ਤੇ ਬੁਲਾਇਆ ਗਿਆ। ਇਸ ਮਗਰੋਂ ਫਾਇਰ ਐਂਡ ਰੈਸਕਿਯੂ ਐਨ.ਐਸ.ਡਬਲਊ. ਦਾ ਅਮਲਾ ਇੱਕ 40 ਮੀਟਰ ਲੰਬੇ ਬੇੜੇ ਨੂੰ ਬਚਾਉਣ ਲਈ ਪਹੁੰਚਿਆ। ਪੁਲਸ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਬੇੜਾ ਡੁੱਬ ਗਿਆ।

ਪੜ੍ਹੋ ਇਹ ਅਹਿਮ ਖਬਰ- ਪ੍ਰਿੰਸ ਹੈਰੀ ਅਤੇ ਮੇਗਨ ਦੂਜੀ ਵਾਰ ਬਣਨਗੇ ਮਾਤਾ-ਪਿਤਾ, ਵੈਲੇਂਟਾਈਨ ਡੇਅ ਮੌਕੇ ਦਿੱਤੀ ਖ਼ੁਸ਼ਖ਼ਬਰੀ

ਜਦੋਂ ਅੱਗ ਲੱਗੀ ਤਾਂ ਦੋ ਆਦਮੀ ਬੇੜੇ 'ਤੇ ਸਨ। ਉਹ ਜਹਾਜ਼ ਵਿਚੋਂ ਭੱਜਣ ਵਿਚ ਸਫਲ ਰਹੇ ਅਤੇ ਉਨ੍ਹਾਂ ਨੂੰ ਸੇਂਟ ਜਾਰਜ ਹਸਪਤਾਲ ਲਿਜਾਇਆ ਗਿਆ ਕਿਉਂਕਿ ਅੱਗ ਦੇ ਧੂੰਏਂ ਕਾਰਨ ਉਹਨਾਂ ਨੂੰ ਸਾਹ ਲੈਣ ਵਿਚ ਮੁਸ਼ਕਲ ਹੋ ਰਹੀ ਸੀ। ਬਚਾਅ ਕੰਮ ਵਿਚ ਸਮੁੰਦਰ ਏਰੀਆ ਕਮਾਂਡ ਦੇ ਨਾਲ, ਸੁਥਰਲੈਂਡ ਪੁਲਸ ਏਰੀਆ ਕਮਾਂਡ ਦੇ ਅਧਿਕਾਰੀ ਸ਼ਾਮਲ ਹੋਏ। ਮਰੀਨਾ ਵਿਖੇ ਇਕ ਅਪਰਾਧ ਦਾ ਦ੍ਰਿਸ਼ ਸਥਾਪਤ ਕੀਤਾ ਗਿਆ ਹੈ ਅਤੇ ਪੁੱਛਗਿੱਛ ਜਾਰੀ ਹੈ। ਮਲਬੇ ਦੇ ਨਿਪਟਾਰੇ ਲਈ ਅਜੇ ਵੀ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ।