ਕੋਰੋਨਾਵਾਇਰਸ ਦੀ ਮਾਰ ਹੇਠ ਆਸਟ੍ਰੇਲੀਆ ਦਾ ਬਜਟ ਪੇਸ਼, ਇਨ੍ਹਾਂ ਵਰਗਾਂ ਨੂੰ ਮਿਲੇਗੀ ਵਿਸ਼ੇਸ਼ ਰਿਆਇਤ

ਸਿਡਨੀ (ਸਨੀ ਚਾਂਦਪੁਰੀ): ਕੋਰੋਨਾਵਾਇਰਸ ਮਹਾਮਾਰੀ ਦੇ ਚੱਲਦਿਆਂ ਆਸਟ੍ਰੇਲੀਆ ਨੇ ਆਪਣਾ ਬਜਟ ਪੇਸ਼ ਕੀਤਾ। ਜੋਸ਼ ਫਰਾਈਡਨਬਰਗ ਵੱਲੋਂ ਪੇਸ਼ ਕੀਤਾ 2020/21 ਦਾ ਇਹ ਬਜਟ ਆਸਟ੍ਰੇਲੀਆ ਦੀ ਅਰਥ-ਵਿਵਸਥਾ ਵਿੱਚ ਸੁਧਾਰ ਲਈ ਕੀ ਕੰਮ ਕਰੇਗਾ ਦੀ ਜਾਣਕਾਰੀ ਦਿੰਦਾ ਹੈ। 

ਬਜਟ ਮੁਤਾਬਕ, 11 ਮਿਲੀਅਨ ਤੋਂ ਵੱਧ ਆਸਟ੍ਰੇਲੀਆਈ ਲੋਕਾਂ ਨੂੰ ਟੈਕਸ ਵਿੱਚ ਕਟੌਤੀ ਮਿਲੇਗੀ ਕਿਉਂਕਿ ਸਕੌਟ ਮੌਰੀਸਨ ਦੀ ਅਗਵਾਈ ਵਾਲੀ ਸਰਕਾਰ ਵੱਲੋਂ ਦੇਸ਼ ਨੂੰ ਕੋਰੋਨਾਵਾਇਰਸ ਦੇ ਕਾਰਨ ਆਈ ਮੰਦੀ ਤੋਂ ਬਾਹਰ ਕੱਢਣ ਲਈ ਵੱਡਾ ਖਰਚ ਕਰ ਰਹੀ ਹੈ।ਆਸਟ੍ਰੇਲੀਆ ਦੇ ਵਿੱਤ ਮੰਤਰੀ ਜੋਸ਼ ਫਰਾਈਡਨਬਰਗ ਨੇ ਬਜਟ ਪੇਸ਼ ਕਰਦਿਆਂ ਕਿਹਾ ਕਿ ਮਹਾਉਦਾਸੀ ਅਤੇ ਦੋ ਵਿਸ਼ਵ-ਯੁੱਧ ਵੀ ਆਸਟ੍ਰੇਲੀਆ ਨੂੰ ਆਪਣੇ ਗੋਡਿਆਂ 'ਤੇ ਝੁਕਾ ਨਹੀਂ ਸਕੇ ਅਤੇ ਕੋਵਿਡ ਇਹ ਕਰ ਪਾਏਗਾ। 

ਨੌਕਰੀਆਂ ਦਾ ਵੇਰਵਾ :-
ਜੋਸ਼ ਫਰਾਈਡਨਬਰਗ ਨੇ 2020/21 ਦੇ ਬਜਟ ਨੂੰ ਬਹੁਤ ਸਾਰੀਆਂ ਨੌਕਰੀਆਂ ਦੀ ਯੋਜਨਾ ਵਾਲਾ ਦੱਸਿਆ। ਉਹਨਾਂ ਨੇ ਕਿਹਾ ਕਿ ਮਹਾਮਾਰੀ ਦੇਸ਼ ਦੀ ਆਰਥਿਕਤਾ ਨੂੰ ਤੋੜ ਦਿੱਤਾ ਹੈ। ਸਰਕਾਰ ਇਸ 'ਤੇ ਵਿਚਾਰ ਕਰ ਰਹੀ ਹੈ । 

ਟੈਕਸਾਂ ਵਿੱਚ ਕਟੌਤੀ ਕਰੇਗੀ ਸਰਕਾਰ:-
17.8 ਅਰਬ ਡਾਲਰ ਦੀ ਟੈਕਸ ਕਟੌਤੀ ਯੋਜਨਾ ਤਹਿਤ ਘੱਟ ਅਤੇ ਮੱਧਮ ਆਮਦਨੀ ਕਮਾਉਣ ਵਾਲ਼ਿਆਂ ਨੂੰ 2017/18 ਦੇ ਮੁਕਾਬਲੇ ਇਕੱਲੇ ਲਈ 2745 ਡਾਲਰ ਅਤੇ ਜੋੜਿਆਂ ਲਈ 5490 ਡਾਲਰ ਦੀ ਰਾਹਤ ਮਿਲੇਗੀ । ਟੈਕਸਾਂ ਵਿੱਚ ਕਟੌਤੀ 1 ਜੁਲਾਈ ਤੋਂ ਕੀਤੀ ਜਾਵੇਗੀ ।ਜਿਸ ਵਿੱਚ 32.5% ਥ੍ਰੈਸ਼ੋਲਡ 90,000 ਡਾਲਰ ਤੋਂ ਵਧਾ ਕੇ 120,000 ਡਾਲਰ ਹੋ ਗਿਆ ਹੈ ਅਤੇ 19% ਟਰਿਗਰ 37,000 ਡਾਲਰ ਤੋਂ ਵਧਾ ਕੇ 45,000 ਡਾਲਰ ਹੋ ਗਿਆ ਹੈ।ਯੋਜਨਾ ਦਾ ਆਖਰੀ ਪੜਾਅ 2024/25 ਲਈ ਤੈਅ ਕੀਤਾ ਜਾਵੇਗਾ ਜਦੋਂ ਕੋਈ ਸਲਾਨਾ 45,000 ਡਾਲਰ ਕਮਾਉਂਦਾ ਹੈ ਉਸੇ ਵਰਕਰ ਦੇ ਤੌਰ ਤੇ 200,000 ਤੇ ਹੋਵੇਗਾ ।ਸਾਰੇ ਕਾਰੋਬਾਰ ਚਾਰ ਵੱਡੇ ਬੈਂਕਾਂ ਨੂੰ ਛੱਡ ਕੇ ਜੋ 16 ਤੋਂ 35 ਸਾਲ ਦੀ ਉਮਰ ਸਾਲ ਦੀ ਉਮਰ ਵਾਲੇ ਨੂੰ ਕਿਰਾਏ ਤੇ ਲੈਂਦੇ ਹਨ ਨੂੰ 450,000 ਨੌਕਰੀਆਂ ਦਾ ਸਮਰਥਨ ਕਰਨ ਦਾ ਮਾਣ ਮਿਲੇਗਾ। 

ਹੋਰ ਕੀ ਹੋਵੇਗਾ ਫਰਾਈਡਨਬਰਗ ਦੇ ਬਜਟ ਵਿੱਚ:- 
30 ਸਾਲ ਤੋਂ ਘੱਟ ਉਮਰ ਦੇ ਕਾਮੇ ਨੂੰ 200 ਡਾਲਰ ਦੀ ਸਬਸਿਡੀ ਮਿਲੇਗੀ ਅਤੇ 30 ਤੋਂ 35 ਸਾਲ ਦੇ ਵਿਚਕਾਰ ਵਿਅਕਤੀ ਨੂੰ 100 ਡਾਲਰ ਮਿਲੇਗਾ। ਨਵੇਂ ਨਿਯਮ ਮੁਤਾਬਕ, ਹਫ਼ਤੇ ਵਿੱਚ ਘੱਟੋ ਘੱਟ 20 ਘੰਟੇ ਕੰਮ ਕਰਨਾ ਲਾਜ਼ਮੀ ਹੋਵੇਗਾ। ਇਸ ਯੋਜਨਾ ਉੱਤੇ ਬਜਟ ਦੀ 4 ਬਿਲੀਅਨ ਡਾਲਰ ਦੀ ਲਾਗਤ ਆਵੇਗੀ। ਇੱਕ ਸ਼ਾਹੀ ਕਮਿਸ਼ਨ ਦੁਆਰਾ ਏਜਡ ਕੇਅਰ ਦੀ ਦੇਖ-ਭਾਲ਼ ਦੀਆ ਅਸਫਲਤਾਵਾਂ ਤੇ ਭਾਰੀ ਦਬਾਅ ਹੇਠ ਆਉਣ ਤੋਂ ਬਾਅਦ 1.6 ਅਰਬ ਡਾਲਰ ਨੂੰ 23000 ਵਾਧੂ ਘਰੇਲੂ ਦੇਖ-ਭਾਲ਼ ਪੈਕੇਜ ਵਿੱਚ ਵੰਡ ਦਿੱਤਾ ਜਾਵੇਗਾ। ਪੈਨਸ਼ਨਰਾਂ ਨੂੰ ਦਸੰਬਰ ਅਤੇ ਮਾਰਚ ਵਿੱਚ ਵੱਖਰੇ 250 ਡਾਲਰ ਦੀ ਅਦਾਇਗੀ ਦੇ ਨਾਲ ਵਾਧਾ ਵੀ ਮਿਲੇਗਾ। 

ਫਰਾਈਡਨਬਰਗ ਨੇ ਕਿਹਾ ਕਿ ਇਸ ਬਜਟ ਨਾਲ ਸਾਡੀ ਆਰਥਿਕਤਾ ਦੇ ਹਰ ਖੇਤਰ ਨੂੰ ਅਤੇ ਦੇਸ਼ ਦੇ ਹਰ ਕੋਨੇ ਨੂੰ ਲਾਭ ਹੋਵੇਗਾ। ਸੜਕਾਂ ਦੇ ਖ਼ਰਚਿਆਂ ਨੂੰ ਸਰਕਾਰ ਦੀ 10 ਸਾਲਾ ਬੁਨਿਆਦੀ ਪਾਈਪ-ਲਾਈਨ ਨਾਲ 10 ਬਿਲੀਅਨ ਡਾਲਰ ਦਾ ਵਾਧਾ ਮਿਲੇਗਾ। ਜੋ ਇਸ ਨੂੰ 110 ਅਰਬ ਡਾਲਰ ਤੇ ਲੈ ਕੇ ਜਾਵੇਗਾ।ਕੋਰੋਨਾਵਾਇਰਸ ਟੈਸਟਿੰਗ ਜਾਰੀ ਰੱਖਣ ਲਈ 750 ਮਿਲੀਅਨ ਡਾਲਰ ਤੋਂ ਵੱਧ ਰੱਖੇ ਗਏ ਹਨ। ਨਵੀਂਆਂ ਦਵਾਈਆਂ ਲਈ 376 ਮੀਲੀਅਨ ਡਾਲਰ ਦੀ ਰਕਮ ਜੋੜੀ ਗਈ ਹੈ। 

ਫਰਾਈਡਨਬਰਗ ਨੇ ਕਿਹਾ ਕਿ ਕੋਰੋਨਾ ਕਰਕੇ ਸਾਡੀ ਆਰਥਿਕਤਾ ਨੂੰ ਠੇਸ ਪਹੁੰਚੀ ਹੈ ਅਤੇ ਮਾਰ ਜ਼ਬਰਦਸਤ ਹੈ ਜਿਸ ਕਰਕੇ ਦਸੰਬਰ ਦੀ ਤਿਮਾਹੀ ਤੱਕ ਬੇਰੁਜ਼ਗਾਰੀ 8% ਦੇ ਸਿਖਰ ਤੱਕ ਪਹੁੰਚਣ ਦਾ ਖ਼ਦਸ਼ਾ ਹੈ। ਇਹ ਸ਼ੁਰੂਆਤੀ ਅਨੁਮਾਨ ਤੋਂ 10% ਘੱਟ ਹੈ। 2021 ਵਿੱਚ 4.25% ਵਧਣ ਤੋਂ ਪਹਿਲਾਂ ਇਸ ਕੈਲੰਡਰ ਵਿੱਚ ਆਰਥਿਕਤਾ ਦੇ 3.75% ਘਟਣ ਦੀ ਉਮੀਦ ਹੈ। ਬਜਟ ਦੇ ਜਾਰੀ ਹੋਣ ਤੋਂ ਪਹਿਲਾਂ ਰਿਜ਼ਰਵ ਬੈਂਕ ਨੇ ਨਕਦੀ ਦੀ ਦਰ ਨੂੰ 0.25% ਦੇ ਰਿਕਾਰਡ ਤੇ ਛੱਡ ਦਿੱਤਾ। ਵਿੱਤ ਮੰਤਰੀ ਨੇ ਕਿਹਾ ਕਿ ਰਿਕਵਰੀ ਦੀ ਰਾਹ ਸਖ਼ਤ ਹੋਵੇਗੀ ਪਰ ਉਮੀਦ ਹੈ।