ਆਸਟ੍ਰੇਲੀਆ ਦੇ ਇਸ ਰਾਜ ''ਚ ਮਾਸਕ ਪਾਉਣੇ ਕੀਤੇ ਗਏ ਲਾਜ਼ਮੀ

ਮੈਲਬੌਰਨ (ਭਾਸ਼ਾ): ਆਸਟ੍ਰੇਲੀਆ ਵਿਖੇ ਵਿਕਟੋਰੀਆ ਰਾਜ ਵਿਚ ਸੋਮਵਾਰ ਨੂੰ ਜਨਤਕ ਟ੍ਰਾਂਸਪੋਰਟ 'ਤੇ ਮਾਸਕ ਪਾਉਣੇ ਲਾਜ਼ਮੀ ਕਰ ਦਿੱਤੇ ਗਏ ਹਨ। ਇਹ ਫ਼ੈਸਲਾ ਉਦੋਂ ਲਿਆ ਗਿਆ, ਜਦੋਂ ਅਧਿਕਾਰੀਆਂ ਨੇ ਮੈਲਬੌਰਨ ਸ਼ਹਿਰ ਦੇ ਉੱਤਰੀ ਉਪਨਗਰਾਂ ਵਿਚ ਕੋਵਿਡ-19 ਦੇ ਦੋ ਸੰਭਾਵਿਤ ਸਕਾਰਾਤਮਕ ਮਾਮਲੇ ਪਾਏ। 

ਸਮਾਚਾਰ ਏਜੰਸੀ ਸ਼ਿਨਹੂਆ ਨੇ ਇਕ ਰਿਪੋਰਟ ਵਿਚ 9 ਨਿਊਜ਼ ਦੇ ਹਵਾਲੇ ਨਾਲ ਕਿਹਾ ਕਿ ਸੋਮਵਾਰ ਤੋਂ ਮੈਲਬੌਰਨ ਯਾਤਰੀ ਜੋ ਜਨਤਕ ਟ੍ਰਾਂਸਪੋਰਟ 'ਤੇ ਮਾਸਕ ਪਹਿਨਣ ਤੋਂ ਇਨਕਾਰ ਕਰਦੇ ਹਨ, ਉਨ੍ਹਾਂ ਨੂੰ 200 ਆਸਟ੍ਰੇਲੀਅਨ ਡਾਲਰ (154 ਡਾਲਰ) ਜੁਰਮਾਨਾ ਲੱਗੇਗਾ। ਇਕ ਨਵੀਂ ਪੁਲਸ ਕਾਰਵਾਈ ਵਿਚ ਕੋਰੋਨਾ ਵਾਇਰਸ ਪਾਬੰਦੀਆਂ ਦੀ ਉਲੰਘਣਾ ਕਰਨ ਵਾਲੇ ਲੋਕਾਂ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਅਜਿਹਾ ਕੀਤਾ ਜਾਵੇਗਾ। 

ਪੜ੍ਹੋ ਇਹ ਅਹਿਮ ਖਬਰ -'ਵੰਦੇ ਭਾਰਤ ਮੁਹਿੰਮ' ਤਹਿਤ ਹੁਣ ਤੱਕ 87,055 ਭਾਰਤੀ ਸਿੰਗਾਪੁਰ ਤੋਂ ਪਰਤੇ

ਦੋ ਕੇਸ, ਜਿਨ੍ਹਾਂ ਨੂੰ ਜੁੜਿਆ ਹੋਇਆ ਸਮਝਿਆ ਗਿਆ ਸੀ, ਨੇ ਖਦਸ਼ਾ ਪੈਦਾ ਕਰ ਦਿੱਤਾ ਸੀ ਕਿ ਸ਼ਾਇਦ ਦੋ ਹਫ਼ਤੇ ਪਹਿਲਾਂ ਫੈਲਣ ਮਗਰੋਂ ਵਾਇਰਸ ਮੁੜ ਫੈਲ ਸਕਦਾ ਸੀ। ਰਾਜ ਦੇ ਸਿਹਤ ਵਿਭਾਗ ਨੇ ਕਿਹਾ ਕਿ ਇਨ੍ਹਾਂ ਨਤੀਜਿਆਂ ਦੀ ਪੂਰੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਜਨਤਕ ਸਿਹਤ ਦੀਆਂ ਸ਼ੁਰੂਆਤੀ ਕਾਰਵਾਈਆਂ ਕੀਤੀਆਂ ਜਾ ਰਹੀਆਂ ਸਨ ਜਦੋਂ ਕਿ ਵਿਅਕਤੀਗਤ ਤੌਰ 'ਤੇ ਦੋਹਾਂ ਮਾਮਲਿਆਂ ਨੂੰ ਅਲੱਗ ਕਰ ਦਿੱਤਾ ਗਿਆ ਅਤੇ ਤੁਰੰਤ ਮੁੜ ਜਾਂਚ ਕੀਤੀ ਗਈ।ਵਿਭਾਗ ਨੇ ਕਿਹਾ,“ਅਸੀਂ ਜਾਂਚ ਅਤੇ ਜ਼ਰੂਰੀ ਕਾਰਵਾਈ ਕਰਕੇ ਕਮਿਊਨਿਟੀ ਨੂੰ ਜਿੰਨੀ ਜਲਦੀ ਹੋ ਸਕੇ ਲੋੜੀਂਦੀਆਂ ਜਨਤਕ ਸਿਹਤ ਕਾਰਵਾਈਆਂ ਬਾਰੇ ਦੱਸਾਂਗੇ।” 

ਇਹ ਦੋਵੇਂ ਕੇਸ ਪਿਛਲੇ ਐਤਵਾਰ ਨੂੰ ਵਿਕਟੋਰੀਆ ਵਿਚ ਦਰਜ ਸਥਾਨਕ ਤੌਰ 'ਤੇ ਐਕੁਆਇਰ ਕੀਤੇ ਗਏ ਮਾਮਲਿਆਂ ਦੀ 86 ਦਿਨਾਂ ਦੀ ਮਿਆਦ ਨੂੰ ਵੀ ਖ਼ਤਮ ਕਰ ਸਕਦੇ ਹਨ। ਵਾਪਸ ਪਰਤੇ ਮੁਸਾਫਰਾਂ ਲਈ, ਦੋ ਨਵੇਂ ਸਕਾਰਾਤਮਕ ਮਾਮਲੇ ਦਰਜ ਕੀਤੇ ਗਏ। ਸਿਹਤ ਵਿਭਾਗ ਨੇ ਰਾਜ ਦੇ ਵਸਨੀਕਾਂ ਨੂੰ ਯਾਦ ਦਿਵਾਇਆ ਕਿ ਉਹ ਮਹੱਤਵਪੂਰਣ ਕੋਵਿਡ ਸੁਰੱਖਿਅਤ ਵਿਵਹਾਰਾਂ ਦੀ ਪਾਲਣਾ ਕਰਨ। ਜੇਕਰ ਕੋਈ ਲੱਛਣ ਹੋਣ ਤਾਂ ਉਸ ਦੀ ਜਾਂਚ ਕਰਵਾਈ ਜਾਵੇ, ਥਾਵਾਂ 'ਤੇ ਜਾਂਚ ਕੀਤੀ ਜਾਵੇ ਅਤੇ ਰਾਈਡਸ਼ੇਅਰ ਵਾਹਨਾਂ ਸਮੇਤ ਜਨਤਕ ਟ੍ਰਾਂਸਪੋਰਟ' ਤੇ ਹਮੇਸ਼ਾ ਮਾਸਕ ਪਾਉਣੇ ਚਾਹੀਦੇ ਹਨ।

ਨੋਟ- ਵਿਕਟੋਰੀਆ ਵਿਚ ਜਨਤਕ ਟਰਾਂਸਪੋਰਟ 'ਤੇ ਮਾਸਕ ਪਾਉਣ ਹੋਏ ਲਾਜ਼ਮੀ, ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।