ਆਸਟ੍ਰੇਲੀਆ ਨੇ ਆਨਲਾਈਨ ਖਰੀਦਦਾਰੀ ''ਚ ਰਿਕਾਰਡ ਵਾਧਾ ਕੀਤਾ ਦਰਜ

ਕੈਨਬਰਾ (ਭਾਸ਼ਾ): ਆਸਟ੍ਰੇਲੀਆ ਵਿਚ ਕੋਵਿਡ-19 ਮਹਾਮਾਰੀ ਦੌਰਾਨ ਬੇਮਿਸਾਲ ਆਨਲਾਈਨ ਖਰੀਦਦਾਰੀ ਦਾ ਦੌਰ ਦੇਖਣ ਨੂੰ ਮਿਲਿਆ। ਇਸ ਹਫਤੇ ਵਿਚ ਹਰ ਦਿਨ ਰਿਕਾਰਡ ਬਣਾਉਣ ਵਾਲੇ ਪਾਰਸਲਾਂ ਦੀ ਗਿਣਤੀ ਕੀਤੀ ਜਾ ਰਹੀ ਹੈ। ਦੇਸ਼ ਦੀ ਡਾਕ ਸੇਵਾ ਕੰਪਨੀ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।

ਸਮਾਚਾਰ ਏਜੰਸੀ ਸ਼ਿਨਹੂਆ ਨੇ ਆਸਟ੍ਰੇਲੀਆ ਪੋਸਟ ਦੇ ਹਵਾਲੇ ਨਾਲ ਦੱਸਿਆ ਕਿ ਸਾਲ 2020 ਦੇ ਬਲੈਕ ਫ੍ਰਾਈਡੇ/ਸਾਈਬਰ ਸੋਮਵਾਰ ਨੂੰ ਆਨਲਾਈਨ ਖਰੀਦਦਾਰੀ ਦੀ ਮਿਆਦ ਦੇ ਦੌਰਾਨ 20 ਲੱਖ ਤੋਂ ਵੱਧ ਆਸਟ੍ਰੇਲੀਆਈ ਪਰਿਵਾਰਾਂ ਨੇ ਆਨਲਾਈਨ ਆਰਡਰ ਕੀਤੇ, ਜੋ 2019 ਵਿਚ ਰਿਕਾਰਡ ਸਮੇਂ ਦੌਰਾਨ ਨਾਲੋਂ 42 ਫੀਸਦੀ ਤੋਂ ਵੱਧ ਸਨ।ਆਸਟ੍ਰੇਲੀਆ ਪੋਸਟ ਦੇ ਕਾਰਜਕਾਰੀ ਪ੍ਰਬੰਧਕ, ਸਰਕਾਰੀ ਅਤੇ ਅੰਤਰਰਾਸ਼ਟਰੀ ਲਈ ਕਾਰਜਕਾਰੀ ਜਨਰਲ ਮੈਨੇਜਰ ਗੈਰੀ ਸਟਾਰ ਨੇ ਕਿਹਾ ਕਿ ਰਿਕਾਰਡ ਬਿਜ਼ੀ ਹਫ਼ਤੇ ਨੇ ਦੇਸ਼ ਦੇ ਈ-ਕਾਮਰਸ ਉਦਯੋਗ ਲਈ ਇਤਿਹਾਸ ਰਚ ਦਿੱਤਾ ਹੈ, ਇਹ ਨਤੀਜੇ ਹੈਰਾਨ ਕਰ ਦੇਣ ਵਾਲੇ ਹਨ।

ਪੜ੍ਹੋ ਇਹ ਅਹਿਮ ਖਬਰ- ਇਟਲੀ ਦੀ 101 ਸਾਲਾ ਮਾਰੀਆ ਨੇ ਤਿੰਨ ਵਾਰ ਦਿੱਤੀ ਕੋਰੋਨਾ ਨੂੰ ਮਾਤ, ਡਾਕਟਰ ਵੀ ਹੈਰਾਨ

ਸਟਾਰ ਨੇ ਕਿਹਾ,"ਮਾਰਚ ਵਿਚ ਕੋਈ ਵੀ ਭਵਿੱਖਬਾਣੀ ਨਹੀਂ ਕਰ ਸਕਦਾ ਸੀ ਕਿ ਕੋਵਿਡ-19 ਮਹਾਮਾਰੀ ਦੌਰਾਨ ਆਨਲਾਈਨ ਸ਼ਾਪਿੰਗ ਕੀਤੇ ਜਾਣ ਦੇ ਅਜਿਹੇ ਨਤੀਜੇ ਸਾਹਮਣੇ ਆਉਣਗੇ। ਇਹ ਹਰ ਉਮੀਦ ਤੋਂ ਪਾਰ ਹੋ ਗਏ ਹਨ ਅਤੇ ਅਸੀਂ ਇਹ ਦੇਖਣ ਦੀ ਉਡੀਕ ਕਰ ਰਹੇ ਹਾਂ ਕਿ ਇਹ ਇਸ ਮਹੀਨੇ ਕਦੋਂ ਤੱਕ ਜਾਰੀ ਰਹਿਣਗੇ।" ਉਹਨਾਂ ਮੁਤਾਬਕ,"ਇਹ ਹਫਤਾ ਹੁਣ ਤੱਕ ਦਾ ਸਭ ਤੋਂ ਰੁਝੇਵੇਂ ਵਾਲਾ ਰੂਪ ਧਾਰਨ ਕਰ ਰਿਹਾ ਹੈ। ਸੋਮਵਾਰ (7 ਦਸੰਬਰ) ਤੋਂ, ਅਸੀਂ ਕੁੱਲ ਮਿਲਾ ਕੇ 13 ਮਿਲੀਅਨ ਤੋਂ ਵੱਧ ਪਾਰਸਲ ਪ੍ਰਦਾਨ ਕਰਾਂਗੇ ਜੋ ਪਿਛਲੇ ਸਾਲ ਦੇ ਇਸ ਹਫਤੇ ਨਾਲੋਂ ਲਗਭਗ 3 ਮਿਲੀਅਨ ਵਧੇਰੇ ਹੋਣਗੇ।"

ਪੜ੍ਹੋ ਇਹ ਅਹਿਮ ਖਬਰ- 27 ਸਾਲ ਪੁਰਾਣੇ ਭਰੂਣ ਨਾਲ ਪੈਦਾ ਹੋਇਆ ਬੱਚਾ, ਬਣਿਆ ਅਨੋਖਾ ਰਿਕਾਰਡ

ਨਤੀਜੇ ਵਜੋਂ, ਰਾਸ਼ਟਰੀ ਡਾਕ ਸੇਵਾ ਇਸ ਹਫਤੇ ਤੋਂ ਹਰ ਦਿਨ 20 ਮਿਲੀਅਨ ਪਾਰਸਲ ਪ੍ਰਦਾਨ ਕਰ ਰਹੀ ਹੈ, ਜਿਨ੍ਹਾਂ ਵਿਚੋਂ ਅੱਧੇ ਤੋਂ ਵੱਧ ਆਸਟ੍ਰੇਲੀਆ ਦੇ ਦੋ ਸਭ ਤੋਂ ਵੱਧ ਆਬਾਦੀ ਵਾਲੇ ਰਾਜ ਨਿਊ ਸਾਊਥ ਵੇਲਜ਼ ਅਤੇ ਵਿਕਟੋਰੀਆ ਵਿਚ ਰਹਿਣ ਵਾਲੇ ਲੋਕਾਂ ਦੁਆਰਾ ਦਿੱਤੇ ਗਏ ਹਨ। ਆਸਟ੍ਰੇਲੀਆ ਪੋਸਟ ਨੇ ਕਿਹਾ ਕਿ ਇਹਨਾਂ ਵਿਚ ਭੋਜਨ ਅਤੇ ਸ਼ਰਾਬ, ਘਰ ਅਤੇ ਬਾਗ਼, ਕਈ ਕਿਸਮ ਦੇ ਸਟੋਰਾਂ ਤੋਂ ਖਰੀਦਾਰੀ,  ਸਿਹਤ ਅਤੇ ਸੁੰਦਰਤਾ ਆਨਲਾਈਨ ਸ਼ਾਪਿੰਗ ਕਰਨ ਵਾਲਿਆਂ ਵਿਚ ਸਭ ਤੋਂ ਮਸ਼ਹੂਰ ਸ਼੍ਰੇਣੀਆਂ ਵਿਚੋਂ ਇਕ ਸੀ।ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਦੀ ਵਿਕਰੀ 72 ਫੀਸਦੀ ਵਧੀ ਸੀ।

ਨੋਟ-ਆਸਟ੍ਰੇਲੀਆ ਵਿਚ ਆਨਲਾਈਨ ਖਰੀਦਦਾਰੀ ਵਿਚ ਵਾਧੇ ਬਾਰੇ ਦੱਸੋ ਆਪਣੀ ਰਾਏ