ਆਸਟ੍ਰੇਲੀਆਈ ਰਾਜ 'ਚ 1993 ਤੋਂ ਬਾਅਦ ਟੈਟਨਸ ਨਾਲ ਪਹਿਲੀ ਮੌਤ ਦੀ ਪੁਸ਼ਟੀ

ਸਿਡਨੀ (ਆਈ.ਏ.ਐੱਨ.ਐੱਸ.): ਆਸਟ੍ਰੇਲੀਆ ਦੇ ਨਿਊ ਸਾਊਥ ਵੇਲਜ਼ (ਐਨ.ਐਸ.ਡਬਲਯੂ.) ਰਾਜ ਨੇ ਵੀਰਵਾਰ ਨੂੰ ਟੈਟਨਸ ਨਾਲ ਇੱਕ ਵਿਅਕਤੀ ਦੀ ਮੌਤ ਦੀ ਸੂਚਨਾ ਦਿੱਤੀ, ਜੋ 1993 ਤੋਂ ਬਾਅਦ ਪਹਿਲੀ ਮੌਤ ਹੈ ਅਤੇ ਨਾਲ ਹੀ ਲਾਗ ਦੇ ਤਿੰਨ ਕੇਸ ਸਾਹਮਣੇ ਆਏ ਹਨ। ਇਸ ਮਗਰੋਂ ਸਥਾਨਕ ਲੋਕਾਂ ਨੂੰ ਆਪਣੇ ਟੀਕਾਕਰਨ ਦੀ ਸਥਿਤੀ ਦੀ ਜਾਂਚ ਕਰਨ ਦੀ ਅਪੀਲ ਕੀਤੀ ਗਈ ਹੈ। ਸਮਾਚਾਰ ਏਜੰਸੀ ਸ਼ਿਨਹੂਆ ਦੀ ਰਿਪੋਰਟ ਅਨੁਸਾਰ NSW ਸਿਹਤ ਮੰਤਰਾਲੇ ਦੁਆਰਾ ਜਾਰੀ ਕੀਤੇ ਗਏ ਇੱਕ ਬਿਆਨ ਦੇ ਅਨੁਸਾਰ ਸਿਡਨੀ ਵਿੱਚ 80 ਸਾਲ ਦੀ ਇੱਕ ਔਰਤ ਦੀ ਟੈਟਨਸ ਨਾਲ 1 ਅਪ੍ਰੈਲ ਨੂੰ ਮੌਤ ਹੋ ਗਈ ਸੀ। ਇਹ ਕੇਸ ਇਸ ਸਾਲ ਰਾਜ ਵਿੱਚ ਟੈਟਨਸ ਦੀਆਂ ਦੋ ਹੋਰ ਸੂਚਨਾਵਾਂ ਤੋਂ ਬਾਅਦ ਸਾਹਮਣੇ ਆਏ, ਜਿਸ ਵਿਚ ਸਿਡਨੀ ਦੀ 80 ਸਾਲ ਇਕ ਔਰਤ ਅਤੇ ਉੱਤਰੀ  NSW ਤੋਂ 70 ਸਾਲ ਦੀ ਇਕ ਔਰਤ ਸੀ। 

ਸਿਹਤ ਅਥਾਰਟੀ ਨੇ ਪੁਸ਼ਟੀ ਕੀਤੀ ਕਿ NSW ਵਿੱਚ 2019 ਤੋਂ ਬਾਅਦ ਇਹ ਟੈਟਨਸ ਦੇ ਪਹਿਲੇ ਕੇਸ ਦਰਜ ਕੀਤੇ ਗਏ ਹਨ ਅਤੇ 1993 ਤੋਂ ਬਾਅਦ ਟੈਟਨਸ ਨਾਲ ਸਬੰਧਤ ਪਹਿਲੀ ਮੌਤ ਹੈ। ਤਿੰਨਾਂ ਮਾਮਲਿਆਂ ਵਿੱਚ ਟੈਟਨਸ ਔਰਤ ਦੀ ਹੇਠਲੀ ਲੱਤ 'ਤੇ ਇੱਕ ਮਾਮੂਲੀ ਜ਼ਖ਼ਮ ਤੋਂ ਹੋਇਆ ਸੀ ਜੋ ਬਾਗ ਦੀ ਮਿੱਟੀ ਦੁਆਰਾ ਦੂਸ਼ਿਤ ਸੀ। ਦੋ ਔਰਤਾਂ ਦਾ ਟੈਟਨਸ ਟੀਕਾਕਰਨ ਦਾ ਕੋਈ ਰਿਕਾਰਡ ਨਹੀਂ ਸੀ, ਜਦੋਂ ਕਿ ਤੀਜੀ ਨੂੰ 30 ਸਾਲ ਤੋਂ ਵੱਧ ਸਮਾਂ ਪਹਿਲਾਂ ਟੀਕਾ ਲਗਾਇਆ ਗਿਆ ਸੀ।NSW ਹੈਲਥ ਵਿਖੇ ਸੰਚਾਰੀ ਬਿਮਾਰੀਆਂ ਦੇ ਨਿਰਦੇਸ਼ਕ ਕ੍ਰਿਸਟੀਨ ਸੇਲਵੀ ਨੇ ਭਾਈਚਾਰੇ ਨੂੰ ਖਾਸ ਤੌਰ 'ਤੇ ਬਜ਼ੁਰਗ ਆਸਟ੍ਰੇਲੀਅਨ ਲੋਕਾਂ ਨੂੰ ਇਹ ਯਕੀਨੀ ਬਣਾਉਣ ਲਈ ਅਪੀਲ ਕੀਤੀ ਕਿ ਉਹ ਆਪਣੇ ਟੈਟਨਸ ਟੀਕਿਆਂ ਨਾਲ ਅੱਪ ਟੂ ਡੇਟ ਰਹਿਣ।

ਪੜ੍ਹੋ ਇਹ ਅਹਿਮ ਖ਼ਬਰ-ਆਸਟ੍ਰੇਲੀਆ 'ਚ ਬੇਰੋਜ਼ਗਾਰੀ ਦਰ ਦੇ ਅੰਕੜੇ ਹੋਏ ਜਾਰੀ, ਪੜ੍ਹੋ ਪੂਰਾ ਵੇਰਵਾ

ਸੈਲਵੀ ਨੇ ਕਿਹਾ ਕਿ "ਟੈਟਨਸ ਇੱਕ ਦੁਰਲੱਭ ਪਰ ਸੰਭਾਵੀ ਤੌਰ 'ਤੇ ਘਾਤਕ ਬਿਮਾਰੀ ਹੈ। ਟੈਟਨਸ ਵਿਰੁੱਧ ਟੀਕਾਕਰਨ ਸਭ ਤੋਂ ਵਧੀਆ ਸੁਰੱਖਿਆ ਹੈ,"। ਆਸਟ੍ਰੇਲੀਆ ਵਿੱਚ ਇਹ ਬਿਮਾਰੀ ਜਿਆਦਾਤਰ ਬਜ਼ੁਰਗ ਲੋਕਾਂ ਵਿੱਚ ਹੁੰਦੀ ਹੈ, ਆਮ ਤੌਰ 'ਤੇ ਔਰਤਾਂ, ਜਿਨ੍ਹਾਂ ਦਾ ਨਾਕਾਫ਼ੀ ਟੀਕਾਕਰਨ ਕੀਤਾ ਜਾਂਦਾ ਹੈ।"ਟੈਟਨਸ ਇੱਕ ਗੰਭੀਰ ਬਿਮਾਰੀ ਹੈ ਜੋ ਕਲੋਸਟ੍ਰਿਡੀਅਮ ਟੈਟਾਨੀ, ਇੱਕ ਬੈਕਟੀਰੀਆ ਦੁਆਰਾ ਹੁੰਦੀ ਹੈ ਜੋ ਅਕਸਰ ਮਿੱਟੀ ਵਿੱਚ ਪਾਇਆ ਜਾਂਦਾ ਹੈ। ਬੈਕਟੀਰੀਆ ਜ਼ਖ਼ਮਾਂ ਵਿੱਚ ਦਾਖਲ ਹੋ ਸਕਦੇ ਹਨ ਅਤੇ ਇੱਕ ਜ਼ਹਿਰ ਪੈਦਾ ਕਰ ਸਕਦੇ ਹਨ, ਨਤੀਜੇ ਵਜੋਂ ਗੰਭੀਰ ਬਿਮਾਰੀ ਅਤੇ ਮੌਤ ਹੋ ਸਕਦੀ ਹੈ। ਸਿਹਤ ਅਤੇ ਬਜ਼ੁਰਗ ਦੇਖਭਾਲ ਵਿਭਾਗ ਨੇ ਕਿਹਾ ਕਿ ਟੈਟਨਸ ਕਿਸੇ ਵੀ ਉਮਰ ਦੇ ਲੋਕਾਂ ਵਿੱਚ ਹੋ ਸਕਦਾ ਹੈ ਪਰ ਮੁੱਖ ਤੌਰ 'ਤੇ ਵੱਡੀ ਉਮਰ ਦੇ ਬਾਲਗਾਂ ਵਿੱਚ ਹੋ ਸਕਦਾ ਹੈ ਜਿਨ੍ਹਾਂ ਨੂੰ ਕਦੇ ਵੀ ਟੀਕਾ ਨਹੀਂ ਲਗਾਇਆ ਗਿਆ ਹੈ ਜਾਂ 10 ਸਾਲ ਤੋਂ ਵੱਧ ਪਹਿਲਾਂ ਟੀਕਾ ਲਗਾਇਆ ਗਿਆ ਸੀ। ਆਸਟ੍ਰੇਲੀਆ ਵਿੱਚ ਕੇਸ-ਮੌਤ ਦਰ ਲਗਭਗ 2 ਪ੍ਰਤੀਸ਼ਤ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।